Matiu 13:24 - Buka Blahi Ka Cheke Holo

²⁴ Mae Jisas ne toutonu ranghidi naiknore keha cheke naba. Mana ne cheke eghu, “Narane God te funei frunidi nogna naiknore jateula kaisei mae te joꞌu sisi te keli te kiloi wit ka nagare naia eghu.

Matiu 13:24 ပူးပေါင်းရင်းမြစ်များ

Matiu 25:1

Mae Jisas ne cheke eghu, “Ka narane leghu lahu na, nafnata puhi God te funei frunidi nogna naiknore igne jateula cheke nabadi nabotho gaꞌase te mala loku sisi ka tholaghi ia eghu. Uve, nabotho gaꞌase igre neke tei ofoni mae mala tolaghi na. Rehati ne hata nodi jutare baludi.

Matiu 20:1

“Narane God te funei frunidi nogna naiknore jateula te eni ka thoutonu igne eghu. Kaisei fata, mae te khotogna nagare na jifla hamerane boibongi mala hata keha naikno mala tei loku ka nogna nagare na.

Matiu 13:47

“Jaola, kate funei frunidi God nogna naiknore jateula mae te ugra sasa ka fangna ia eghu. Kmana nafnata sasa khale ka fangna tuana.

Matiu 22:2

“Nafnata puhi God te funei frunidi nogna naiknore igne jateula te eni ka thoutonu igne eghu. Uve, kaisei mae funei neke tarabana kaisei gaghamu biꞌo mala tholaghi mae thugna na.

Matiu 13:37

Mae Jisas ne cheke eghu ka mare, “Iara mae teke mei funu ka God na jateula mae ihei te joꞌu wit ka nagare na ia eghu.

Luku 13:20

Mae Jisas neke cheke eghui ngala, “Unha nafnata glepo tangomana te fananaba iara eigna nakarha te funei frunini God ignea?

Luku 13:18

Mae Jisas ne cheke eghu ka naiknore, “Nakarha God te funei frunini igne jateula unha eghu? Unha nafnata glepo te tangomana te fananaba iara tagna na?

Matiu 13:33

Mae Jisas neke toutonu ranghidi keha cheke naba na. Mana ne cheke eghu, “Nakarha God te funei frunidi nogna naiknore jateula isi te ngigno kaisei naikno biꞌo balu varadaki glimai kilo flaoa ia eghu. Isi igne na faboboni flaoa na.”

Ululahu Pita 1:23

Naugna chekegna God na neke togho ghami ghotilo fara mala ke karha majaghani ghotilo. Eghuteuna chekegna God igne theome tangomana te lehe na, nu karha fabrahu tifa tifa.

Matiu 13:31

Mae Jisas ne toutonu ranghidi keha cheke naba na. Mana ne cheke eghu, “Narane God te funei frunidi nogna naiknore jateula sisi gaju mastad ia eghu. Kaisei mae neke joꞌu sisi kau nagare na.

Matiu 18:23

“Gaoghathogna te hata fadelei nakhibore teu igne jateula te filoni iagho ka cheke naba eigna God te funei frunidi nogna naiknore. Kaisei fata, kaisei mae funei magnahaghei teke efradi nodi kaoni mae nogna glokure.

Matiu 13:19

Sisi te soru ka nabrou na igre eidi iheire te nomhini cheke eigna God te funei frunidi nogna naiknore, nu theome laseni kolho teu igre. Eghuteuna Satan mei hata koko sisi teke joꞌu ka nagnafagnadi re.

Matiu 3:2

Mana ne cheke eghu ka naikno te fanomho ka mana re, “Ghotilo lilisei puhimi te diꞌare, naugna narane God nate funei frunidi nogna naiknore la namo meihi!”

Matiu 21:33

Mae Jisas ne cheke eghu ka mare, “Fanomho ka cheke naba igne. Kaisei fata, kaisei mae khoto glose na ne joꞌu kaisei nagare. Mana bara faligoho nagare na nei dokha kaisei khora mala poji sisi grep mala eni waen. Aonu, mana babana kaisei suga ikoi kligna mala toetoe. Gnafa teuna, mana snakre lao nagare igne ka hatimare mae greireghi nagare mala loku. Aonu, mana jifla ne tei au ka keha namono delei fara.

Matiu 4:23

Mae Jisas ne tei tongana ka Provins Galili, ne ruma ka nodi suga tharai mae Jiu ne farirhiu, nei toutonu thakleni Nonomho te Keli eigna narane God nate funei frunidi nogna naiknore, nei fakarhidi naikno te gnafa te fogra nei khabru biꞌo teure.

Kolose 1:5

Tutuani fara, fatutuani nei namha teuna au ka ghotilo naugna ghotilo rouronu mala hata unha God tela kulu tarabanahi malami ghotilo kligna. Ghotilo laseni grouronu igne kani teke nomhini cheke te tutuani eigna mae Jisas Kraes.

Profet Esikiel 17:2

“Maegna ka nauthoglu. Iagho chekeni kaisei cheke naba ka naiknodi Israel.

Profet Isaia 28:13

Naugna igne nogna cheke Lord na ginauna na jateula mae ihei te farirhiudi goro sua ikodi te mala chekedi glepo tuarola eghu fabrahu kolho. Igne na thono bligi fara te mala nomhi fakelini mare na. Nu neuba, mare na theome leghuni kolho farirhiu igne. Naugna igne, mare snoꞌo ke lamnagna nodi phighoro hatimare mae naoka, eghuteuna mare theome tangomana te rikha na.

Profet Isaia 28:10

Mae igne jateula te farirhiudi goro sua te ikodi ra eghu chekedi cheke teke chekedila re eghu fabrahu!”

Matiu 13:25

Ka vido thuru teu naiknore, nogna mae naoka mana na tei ka nagare na ne joꞌu sisi sokiaro ke lamnadi wit igre. Eghuteuna gnafa teuna ke tei nogna.