Matiu 13:21 - Buka Blahi Ka Cheke Holo

²¹ Nu theome sukha pari ka nagnafagna mana na kolho, eghume theome au raugha kolho. Kate thoke mei puhi biꞌo ba naꞌau papara naugna te fatutuani ni chekegna God.

Matiu 13:21 ပူးပေါင်းရင်းမြစ်များ

Matiu 11:6

Eghume, ihei te maku fabrahu ka iara nogna fatutuani na, mana ginauna gleale'a fara.”

Profet Hosia 6:4

Aonu Lord ne cheke eghu, “Ghotilo naiknomi Israel nei Juda teura, unha nate eni iara ka ghotilo na? Uve, ghotilo namha ghau iara nabagna kaisei narane kolho, theome raugha. Nomi namha ghotilo na jateula khoveo ke kligna thogele ra eghu kolho, ba jateula nabubla te ghosei te blalho te dofidi kate haghe naprai na hamerane boibongi ra eghu kolho.

Efesus 3:17

Uve, iara toreni Kraes mala au mana ka nagnafamire, eigna ghotilo fatutuani ni mana. Iara jaola toreni mana eigna gobigna lepo te edi ghotilo re thofno jifla mei ka nomi namha te biꞌo ranghini God nei naikno te gnafa, mala ghotilo nei nogna naikno te gnafa God re au glalase te mala lase fakelini nogna namha Kraes te biꞌo fara nei brahu fara nei haghe fara nei mamhara fara.

Proveb 12:3

Jame mae te eni puhi te diꞌa na, igne theome mala toghoni mana mala au fakeli nei kegra heta eghu. Nu mae te doglo na kegra heta fabrahu.

Thoutonu Eigna Mae Job 19:28

“Ghotilo te chekeni na ghotilo ginauna hiro ghau iara, naugna ghotilo chekeni te iara eni ranghi ghau thegu puhi biꞌo igne.

Nodi Khoje Hatimare Mae Jiu 36:3

Leuleghu fata na mae igne cheke diꞌa nei chaichaghi eghu koba ka keha naiknore. Mana theo kaisei gaoghatho te keli te mala eni puhi te doglo na.

Fapea Timoti 1:15

Iagho lasedi mae Fijela ghe mae Hemojeni baludi keha naikno ka Provins Esia mare la tei koko ghauhi iara.

Filipae 1:6

God mae ihei teke fufunu gna u gloku karha na ka nakarhami ghotilo re, mana ginauna eni fabrahu u gloku te keli tuana ghilei gnafa ka narane na teke pulo meigna mae Jisas Kraes. Eghuteuna iara thono fatutuani ni fara igne.

Galesia 6:15

Neuba mae ihei ne vahe ba ne theome vahe, tuana theo nafugna kolho. Glepo te ulu na God mala ke vuavuha fapuloni mana mala ke majaghani fapulo.

Galesia 6:12

Mae iheire te fariuriu huhuru ghami ghotilo te mala vahe na, mare magnahaghei keli ka tathadi naiknore ngala. Mare eni igne naugna mare theome magnahaghedi naiknore te paradi jame te toutonuni mare eigna glehegna mae Jisas Kraes ke kligna gaju fafatha na.

Galesia 5:6

Naugna kate salo fodu tahati te kaisei balugna mae Jisas Kraes na, tahati theome mala nangani jame te mala vahe ba theo. Naugna glepo tuare theo nafudi. Nu glepo te ulu na u fatutuani ngala, u nafnata fatutuani te thakle mei kau puhi namha kolho.

Letas Teke Riso Tei Mae Pol Ka Khiloau Rom 2:7

Iheire ngala te edi koba gloku te keli, nei iheire te magnahagheni God te fafnaknoni nanghadi, nei ghatho tahudi, nei toghodi mala theome lehe tifa te tifa. Igre ngala God nate tusu ranghidi u thofno karha tutuani te theo ka huigna.

Jone 6:26

Mae Jisas ne cheke eghu ka mare, “Tutuani fara te chekeni iara ka ghotilo na. Ghotilo mei hiro ghau iara agne naugna ghotilo neke ghamu neke boho kau bret ra kolho. Nu ghotilo theome lase fakelidi kolho gaoghathodi u kofubobhoi teke edi iara ra.

Luku 8:13

Eghuteuna sisi te soru ka glose te saesape ka thina igne, eidi iheire te nomhini cheke na eghuteuna hata balu gleale'a. Nu ruma lamna ka gaoghathodire kolho. Mare fatutuani katha vido kmoꞌei kolho, eghuteuna kate thoke mei vido te ninhigrana igre, mare ginauna na lisa lao kolho gobigna lepore.

Nonomho Te Keli Teke Risoi Mae Mak 4:17

Eghuteuna mare theome snakreni farirhiu na mala tei au ka nagnafadire. Mare tathaji ka katha vido kmoꞌei kolho. Kate mei puhi biꞌo nei naꞌau papara naugna u cheke na teuna, mare ginauna na ghosei lisa kokoni nodi fatutuani na.

Matiu 26:33

Aonu, mae Pita ne cheke eghu ka mae Jisas, “Neubane mae fanomho gre ne kafe tei koko nigho, iara ginauna theome tei koko nigho ka unha nate eni mare ka iagho na!”

Matiu 26:31

Mae Jisas ne cheke eghu ka nogna mae fanomhore. “Ginau bongi na ghotilo na kafe tei koko ghau iara eigna unha nate eni mare ka iara na. Igne unha teke chekeni God ka grioriso te blahi na: “ ‘Iara ginauna faleheni mae greireghi sipu na, eghuteuna tothoghei sipu igne ginauna kafe rikiraka tafri.’

Matiu 24:13

Nu God ginauna fakarhidi iheire te au famaku ka nodi fatutuani na te ghilei thokeni narane leghu lahu gna naꞌau papara na.

Matiu 13:57

Aonu naiknore ne filo faparini kolho mana. Mae Jisas ne cheke eghu ka mare, “Kmana naikno heva te heva na ghatho tahuni nogna mae profet God na. Nu iheire te au ka namonogna nei vikegna teu thegna mana re tirodi ghatho tahuni mana.”

Matiu 13:6

Nu kate brana naprai na sisire ne kafe brango ne kafe lehe, naugna glathidire ne theome soru pari.

Matiu 10:22

Naikno te gnafa gre ginauna tirodi ghami ghotilo, naugna ghotilo ne nogu iara. Nu God ginauna fakarhidi iheire te au famaku ka nodi fatutuani na ghilei thokeni narane te gnafa gna naꞌau papara na.

Proveb 12:12

Mae te diꞌa na magnahagheni kolho puhi te diꞌa na. Nu mae te doglo na ginauna kegra heta fabrahu.

Ululahu Pita 1:5

Ka nomi fatutuani ghotilo ka God na, mana ginauna na reireghi fakeli ghami ka nogna nolaghi na ghilei thoke mei narane leghu lahu te mala fakarhi ghami na.

Fapea Timoti 4:10

Iagho lasenihi, mae Dimas ia la tei koko ghauhi iara, naugna mana namhani fara puhigna nauthoglu igne, eghuteuna mana la teihi ka namono Tesalonika. Eghuteuna mae Kriseni la teihi ka Provins Galesia, eghuteuna mae Taetus la teihi ka nohi Dalamatia.

Thakle 2:13

Iara lase ghami ghotilo te au ka vido aheva te funei fruninihi mae Satan. Neuba ngau, ghotilo leghu ghau iara fabrahu. Tutuani fara, iara keli tagu fara ka ghotilo, naugna ghotilo theome khoko nomi fatutuani na ka iara, neuba mare ne faleheni mae Antipas jare. Kani karha teku mana na, mana neke theome gnafa te toutonu eigu iara na.

Matiu 13:20

Eghuteuna sisi te sukha ka glose te au ke kligna thina biꞌo igre eidi iheire te nomhini cheke na, eghuteuna ghosei hata balu gleale'a.

Jemes 3:2

Tutuani fara, tahati te gnafa na kafe edi kmana najafra. Nu jame kaisei mae theome eni kaisei najafra ka unha te chekedi mana re meuna, mae tuana ngala kaisei mae te doglo fara na. Eghuteuna mana ngala mae ihei tangomana te reireghi fakelini nakarhagna na.