Matiu 13:11 - Buka Blahi Ka Cheke Holo

¹¹ Mae Jisas ne cheke eghu ka mare, “Te eni iara igne, naugna God neke tusu ari kolho ka ghotilo glalase te mala lase fakelidi thofno glepo te au poru ka nakarha God te funei frunini. Nu iara cheke ranghidi keha naiknore ka cheke naba kolho.

Matiu 13:11 ပူးပေါင်းရင်းမြစ်များ

Ululahu Korin 2:14

Ihei te theome au tagna u Tharunga te Blahi na, mana theome tangomana te hata u farirhiu te tusu mei Tharunga gna God na. Mana theome lasedi gaoghathodi farirhiu igre, eghuteuna farirhiu igre theo nafudi kolho ka mana. Eigna ihei ngala te baubatu tagna Tharunga te Blahi na te tangomana te mala lasedi nogna farirhiu mana re.

Matiu 19:11

Mae Jisas ne cheke eghu ka mare, “Theome kmana naikno te laseni fakelini eigna tholaghi na. Nu God neke tusu ranghidi keha naiknoghu kolho glalase tangomana te mala laseni na.

Jemes 1:5

Nu ihei te theo nogna gaoghatho te keli na, toreni God. Naugna God ginauna na gleale'a te tufa fabiꞌo ranghini mana gaoghatho te keli na. Eghuteuna God ginauna na theome fafuafuna ka mae ihei te tore ka mana na.

Ululahu Jone 2:27

Nu mae Kraes neke kuru meini mae Tharunga te Blahi na ka ghotilo. Mae Tharunga te Blahi gne au ngala balumi ghotilo mala farirhiu ghami gobigna lepore. Eghume ghotilo theome magnahagheni kaisei mae velepuhi delei te mala farirhiu ghami na. Mae Tharunga te Blahi gne tutuani fara, theome chaichaghi. Eghume heta ghemi au balugna mae Kraes, jateula mae Tharunga te Blahi teke farirhiu ghami ghotilo ia eghu.

Ululahu Jone 2:20

Nu ghotilo theome jateula mare eghu, eigna mae Tharunga te Blahi neke meihi ke klignami ghotilo. Eghume ghotilo te gnafa na laseni cheke te tutuani na.

Matiu 16:17

Mae Jisas ne cheke eghu ka mae Simon, “Iagho keli tamu, ghema Simon, thugna mae Jone. Theo kaisei naikno teke farirhiu nigho tuana. Nu mae Mama te au kligna neke falalase nigho eigu iara.

Efesus 1:9

Mana neke enihi unha teke ghathoni thegna na. Uve, mana neke falalase ka tahati gaoghatho teke poru teku igne, eigna mana neke kulu ghathoni igne tifa mala kaputu ka mae Jisas Kraes.

Profet Isaia 35:8

Kaisei nabrou biꞌo ginauna au ka namono igne, eghuteuna mare ginauna kiloni nabrou igne, nogna Nabrou Blahi Lord. Naikno te diꞌa nei naikno te fameomekro teu ra, ginauna theome leghuni nabrou igne, nu iheire te leghuni kolho puhi te keli na nate tangomana te leghuni nogna Nabrou Blahi Lord.

Efesus 5:32

U cheke tuana e poru gaoghathogna na eghuteuna iara cheke eidi tuare agne naugna cheke tuana jaola cheke eigna Kraes nei nogna khiloau.

Luku 8:10

Mae Jisas ne cheke eghu ka mare, “God neke tusu ari ka ghotilo kolho glalase te mala lase fakelidi thofno glepo te au poru ka nakarha God te funei frunini. Nu iara cheke ranghidi keha naiknore ka cheke naba kolho. Kate eni iara igne ne horoghoto fara ka unha teke chekeni mae profet Isaia tifa ia, “ ‘Neubane hiro mare, mare na theome tangomana te filo glanini. Eghuteuna neubane fanomho mare, mare ginauna na theome tangomana te nomhi fakelini.’ ”

Ululahu Korin 15:51

Iara magnahaghei te chekeni kaisei glepo teke poru tifa ia. Tahati ginauna theome kafe lehe, nu tahati na karhau ngala kate nomhini naogla gna khufli ka narane leghu lahu na, tahati te gnafa na ginauna ghosei tughu ngala jateula nakafli eghu. Uve, kate tanhi gna khufli na, naikno teke lehehira ginauna nake ghosei karha fapulo mala karha fabrahu tifa tifa. Eghuteuna tahati te karha nga teugre mala jaola e tughu.

Ululahu Korin 2:7

Cheke glalase te toutonuni ghehati igne nogna cheke glalase God. Tutuani, kani teke theome vuavuha teku God u nauthoglu igne, mana neke kulu enihi kaisei nabrou ka nogna glalase te mala tei thoke tahati ka mana kligna na. Mana neke theome falalase cheke igne ghilei thoke gognaro.

Jone 6:65

Mae Jisas neke cheke eghu, “Igne u gaoghathogna teke chekeni iara ia, theome tangomana kaisei naikno te mei ka iara na jame te theome snakre meini mae Mama ka iara na.”

Ululahu Timoti 3:9

Mana mala thofno fatutuani ni nogna farirhiu khiloau na, nei theome mala ghatho peapeani u thofno farirhiu tuana.

Ululahu Korin 13:2

Eghuteuna, neuba iara ne tangomana te toutonuni chekegna God na jateula mae profet, ba lasedi fara gobigna lepo ka nauthoglu gne ba gobigna lepo te poru, ba au nogu fatutuani biꞌo te mala fathughadi thogelere, nu jame te theome namhadi iara keha naiknore, iara theo nafugu kolho.

Nonomho Te Keli Teke Risoi Mae Mak 4:11

Mae Jisas ne cheke eghu ka mare, “God neke tusu ari kolho ka ghotilo glalase te mala lase fakelidi thofno glepo te au poru ka nakarha God te funei frunini. Nu iara cheke ranghidi keha naiknore ka cheke naba kolho.

Kolose 2:2

Iara eni igne mala heta ghotilo nagnafamire nei au fodu ghotilo kau namha. Ka puhi igne, ghotilo thofno lase fakelini mae ihei God teke theome falalaseni tifa, mae igne Jisas Kraes thegna.

Efesus 6:19

Eghuteuna ghotilo jaola tarai ghau iara, mala tangomana God te tusu mei ka iara cheke te mala toutonuni iara na. Tarai ghau iara te mala theome mhaghuni te mala toutonu cheke te tutuani eigna Nonomho te Keli na.

Ululahu Korin 4:7

Ba ihei te chekeni te doglo ghotilo ke uludi keha naiknore? Tutuani, glepo te khotodi ghotilo gre God ngala teke tusu ari ka ghotilo na! Eghume, ghotilo theo nafumi te mala cheke fahaehaghe fara eidi glepo igre.

Ululahu Korin 4:1

Ghotilo mala ghatho ghami ghehati jateula nogna mae gloku Kraes eghu, eigna God vahi ghami ghehati mala toutonuni nogna cheke God teke poru tifa igne.

Jone 7:17

Mae ihei te magnahaghei leghuni unha glepo te magnahaghedi God re, mae tuana ginauna lasedi unha te chekedi iara igre neke mei funudi ka God teuna. Mana ginauna laseni u farirhiu igre theome nogu iara thegu.

Nodi Khoje Hatimare Mae Jiu 25:14

Lord, iagho kheradi iheire te leghu nigho iagho re. Iagho farerheta u nhaꞌa cheke teke eni iagho ka mae ku'emi tifa ra.

Ululahu Timoti 3:16

Tutuani fara, nogna thofno farirhiu khiloau na kaisei glepo biꞌo fara. Eghuteuna thofno farirhiu tuana cheke eghu, Mae Kraes neke vuha mei thini jateula naikno. Mae Tharunga te Blahi neke fatakleni puhigna mae Kraes na thono doglo fara. Engel re neke filoni mana. Naiknore neke tei toutonu eigna mana ka namono te kmanare. Naikno heva heva ka nauthoglu igne neke fatutuani ni mana. God neke hata hagheni mana kligna ka siasigla.

Efesus 1:18

Iara toreni noda God mala tusu ari glalase te biꞌo. Glalase igne ginauna togho ghami ghotilo mala filo glanini unha teke kilo ghita God na. Jaola glalase igne mala togho ghami ghotilo te mala filo glanini thofno glepo keli te gnafa teke nhaꞌa cheke ranghidi nogna naiknore.

Profet Isaia 29:10

Lord neke edi tathami ghotilo re mala kukape, eghuteuna au jateula mae te thuru iho fara ra eghu. Eghuteuna Lord jaola fadodofu tathadi mae profet igre mala theome tangomana mare te filoni kaisei glepo te keli nei theome togho ghami ghotilo te mala tei ka nabrou te doglo na.

Mae Khuru 16:14

Kaisei gaꞌase jare nanghagna na Lidia. Naꞌa thaugna Taetira neke mei au jare Filipae. Nogna gloku na mala fofoli pohe ukru nei naꞌa jaola pogho soruni thofno God. Kate fanomho teu naꞌa ka mae Pol na, God ne tothora nagnafagna na ne fatutuani ni mae Jisas.

Profet Isaia 29:11

Gaoghathodi mifi te gnafa igre ginauna poru ka ghotilo, naugna ghotilo themi na jateula te bobothohi eghu chekegna God te au ke lamnagna kaisei buka na. Jame tusu lao ghotilo buka igne ka ihei te lase iu'iju na, eghuteuna toreni mana mala iu'iju teuna, mana ginauna na cheke eghu, “Iara theome laseni. Buka igne la bobothohi.”

Matiu 13:10

Hatimare mae fanomhore mei ne ghusna eghu ka mae Jisas, “Naugna unha site cheke naba iagho ka naikno grea?”

Matiu 20:23

Mae Jisas ne cheke eghu ka phiamare, “Uve, tutuani fara, ghopa ginauna au papara, ka nafnata glepo nate au papara iara gne. Nu te mala gnokro fei nhetagu nei mairigu teu na theome nogu gloku iara te mala snakreni ka ihei na. God Mama ginauna tusu lao vido tuare ka naikno teke kulu vavahi mana thegna re.”

Nonomho Te Keli Teke Risoi Mae Mak 10:40

Nu te mala gnokro fei nhetagu nei mairigu teuna theome nogu gloku iara te mala snakreni ka ihei na. God ginauna na tusu lao vido tuare ka naikno teke kulu vavahi mana thegna re.”

Letas Teke Riso Tei Mae Pol Ka Khiloau Rom 11:25

Uve kheraguro, iara magnahaghe ghami te thofno laseni glepo biꞌo te poru igne, eigna glepo te poru igne ginauna togho ghami mala thosei fahaehaghe ghotilo. God ne fapatugamadi nagnafadi mae Jiu gre ghilei thokeni narane te mala ke pulo mei ka God hatimare mae iheire te theome Jiu teke vavahi mana gre.