Matiu 12:45 - Buka Blahi Ka Cheke Holo

⁴⁵ Eghuteuna naitu na tei ne hata mei keha fitu naitu te thono diꞌa fara ke tulao gna thegnai. Mare tei ne au ke lamnagna naikno na jare. Eghuteuna gognarona nakarhagna naikno tuana thono diꞌa fara ke tulao gnai teke tifa na. Eghume jateula tuana eghu ghotilo naikno te diꞌa gognaro gre naugna ghotilo ne theome magnahaghei ghau iara, mae teke mei funu ka God na.”

Matiu 12:45 ပူးပေါင်းရင်းမြစ်များ

Luku 11:26

Eghuteuna naitu na tei ne hata mei keha fitu naitu te thono diꞌa fara ke tulao gna thegnai. Mare tei ne au ke lamnagna naikno na jare. Eghuteuna gognarona nakarhagna naikno tuana thono diꞌa fara ke tulao gnai teke tifa na.”

Nonomho Te Keli Teke Risoi Mae Mak 5:9

Aonu mae Jisas ne ghusnani mana, “Ihei nanghamu na?” Mana ne cheke eghu ka mae Jisas, “Iara nanghagu na, ‘Mae Thara’ naugna ghehati kmana fara!”

Nonomho Te Keli Teke Risoi Mae Mak 16:9

Kate karha fapulo hamerane Sade na, mae Jisas ne kulu thakle ka Meri Makidala. Thau teke brue fajifladi mana fitu naitu teke au ka naꞌa tifa ra.

Hibru 10:39

Nu tahati gne theome naikno mala figri fapulo mala au ka glehe te theo gnafagna. Theo. Tahati naikno mala fatutuani ni God mala au ka karha tifa tifa.

Matiu 23:24

Ghotilo baubatudi naiknore, nu ghotilo mae baubatu dofu eghu! Naugna ghotilo krisu koko sisimi te thoti ke lamnagna nomi tapera na, nu ghotilo aga soruni ngala kamel biꞌo na ka thi'ami re!

Matiu 12:24

Kate nomhini hatimare mae Farasi cheke igne, mare ne cheke eghu, “Mae Satan, nodi mae funei hatimare mae naitu are, site tusu ranghini mana nolaghi te mala bruedi naitu area.”

Efesus 6:12

Tahati theome magrini nogna nanheta nei glalase eghu naikno kolho, nu tahati magrani mae Satan nei nogna nolaghi. Tutuani fara, tahati magridi naitu ka maloa gne nei keha nafnata nolaghi te au ka nauthoglu te romno te funei frunini mae Satan igne.

Matiu 23:15

“Uve, puhi biꞌo ka ghotilo mae velepuhi nei mae Farasi teu igre! Ghotilo chaghi fara! Naugna ghotilo tei kasa nhorora ba moumolu mala harini ihei te mala leghudi puhimi ghotilo re. Ke leghugna te leghudi puhimi ghotilo re, mana ginauna diꞌa fara ke tulaomi ghotiloi, eghuteuna naba te tei Gehena jateula ghotilo themi eghu.

Levitikas 13:20

Aonu mae pris na fifilo tagna, eghuteuna jame filoni mana thubu igne theome ka thini kolho nu tei lamna ka nafnahi, eghuteuna khakla te au ka vido te vegha igne, mana na chekeni te mana theome klino ka tathagu iara na. Thubu igne kaisei fogra diꞌa ka thini te jifla mei ka vido teke nhuge na.

Matiu 17:21

Nu nafnata naitu igne tangomana te jifla mei kolho kau tarai nei dangna.”