Matiu 12:42 - Buka Blahi Ka Cheke Holo

⁴² Kau narane tuana God ginauna fatedi naikno te gnafare, nakrupe biꞌo gna Siba na kegra haghe mala cheke thakle ghami ghotilo naikno gognaro gre te thono jafra tutuani ghotilo na. Naugna naꞌa neke mei funugna ka namono te khaba fara mala fanomho ka nogna farirhiu te keli mae King Solomon. Eghuteuna te chekeni iara ka ghotilo na, kaisei mae te biꞌo uluni mae King Solomon na auhi agne mala toutonuni chekegna God na!”

Matiu 12:42 ပူးပေါင်းရင်းမြစ်များ

Jone 1:14

Eghume Chekegna God igne neke karha mei fei thini jateula tahati neku, neke au balumi ghehati. Ghehati neke filonihi u nogna nolaghi mana na. Nolaghi tuana neke tusu lao mae Mama ka mae thofno Thugna na. Eghuteuna mae Chekegna God igne fodu kau khokofakasai nei tutuani.

Matiu 17:5

Kate cheke mae Pita na, kaisei khoveo te siasigla ne kafe toku tafrudi mare. Eghuteuna ka vido tuana kaisei naogla ne mei funu ka khoveo na, ne cheke eghu, “Igne thofno mae Thugu iara na. Iara namhani mana nei keli taguni eghu mana. Ghotilo fanomho fakeli nei leghuni eghu mana!”

Jone 1:18

Funu tifa te ghilei thoke ka narane gognarogne, theo kaisei naikno te thofno filoni God na. Nu mae Jisas Kraes thofno mae Thugna God te au balugna Mama na ngala te mei fatakleni God ka tahati na.

Matiu 3:17

Aonu kaisei naogla ne cheke eghu mei funugna kligna, “Igne mae thofno Thugu iara na. Iara thofno namhani mana nei keli taguni eghu mana.”

Profet Isaia 7:14

Tutuani fara, Lord thegna ginauna tusu ranghi nigho kaisei fagaglana. Ghotilo ginauna filoni kaisei kupi na bukla, eghuteuna naꞌa ginauna karha kaisei thugna nalhaꞌu, eghuteuna naꞌa ginauna kiloni mana, Imanuel. Gaoghathogna na God na au baluda.

Ululahu Kings 10:24

Eghuteuna kmana naikno ka nauthoglu igne magnahaghei te mei fanomho ka nogna gaoghatho te keli te tusu lao God ka mana.

Ululahu Kings 5:12

Lord ne tusu ranghini mae Solomon kmana gaoghatho te keli jateula teke toreni mana na neu. Eghuteuna king Hiram ghe mae King Solomon, phiamare ne nhaꞌa cheke fofodu fakeli nodi.

Ululahu Kings 4:34

Hatimare mae king ka nauthoglu igne nomho thoutonu eigna nogna famane gaoghatho te keli King Solomon igre, eghuteuna mare ne kurudi keha nodi mae mala tei fanomho ka mana.

Ululahu Kings 4:29

King Solomon au tagna gaoghatho te keli teke tusu ranghini God. Gaoghatho te keli nei glalase teu igre thono biꞌo fara, jateula nusu ka geri thongna ra eghu theome tangomana te kahadire.

Ululahu Kings 3:28

Kate nomhini naikno gna Israel eigna puhi te famane fadoglini King Solomon puhi biꞌo farihoteidi phei gaꞌase vine igre, mare ne thofno ghatho tahuni mana. Naugna mare laseni God neke tusu lao ka King Solomon famane gaoghatho te keli mala fate fadoglidi mana naiknore.

Ululahu Kings 3:12

Eghume, iara ginauna eni unha te toreni iagho na. Iara ginauna tusu ranghi nigho kmana gaoghatho te keli nei glalase eghu uludi iheire teke kulu karha ka iagho nei iheire nate karha mei ke leghumu iagho.

Ululahu Kings 3:9

Eghume tusu ranghi ghau gaoghatho te keli nei glalase eghu mala tangomana iara te funei frunidi nou naikno iagho igre ka puhi te doglo. Eghuteuna mala filo glanidi iara unha te doglo, nei unha te jafra. Jame te theo na, iara na theome laseni te mala funei frunidi naikno igre.”

Matiu 12:41

Jaola ka narane God nate fatedi naikno te gnafare, naiknodi Ninive igre ginauna kegra haghe mala cheke thakle ghami ghotilo naikno gognaro gre te thono jafra tutuani ghotilo na. Naugna ka narane teke toutonu mae Jona na mare neke tughu nagnafa! Eghuteuna te chekeni iara ka ghotilo na, kaisei mae te biꞌo uluni fara mae Jona na auhi agne!

Matiu 12:6

Tutuani fara, te chekeni iara ka ghotilo na, nu kaisei glepo te biꞌo uluni Sugablahi na auhi agne.

Diutronomi 30:13

Theome au ke lamna nhorora, eghume iagho theome tangomana te cheke eghu na, ‘Ihei nate soru lamna nhorora te mala hata te mei ka tahati na, mala tangomana tahati te nomhi ni nei leghuni teuna?’