Matiu 12:38 - Buka Blahi Ka Cheke Holo

³⁸ Aonu, keha mae Farasi nei mae velepuhigna vetula nogna mae Moses teure ne mei cheke eghu ka mae Jisas, “Ghehati magnahaghe nigho iagho te eni kaisei gloku biꞌo te nolaghi. Igne fagaglana te mala laseni ghehati nolaghi teke mei funu ka God na.”

Matiu 12:38 ပူးပေါင်းရင်းမြစ်များ

Ululahu Korin 1:22

Tutuani, hatimare mae Jiu magnahaghei filo fagaglana funu ka God, eghuteuna hatimare mae Griki hiro glalase.

Jone 2:18

Kate filoni unha te eni mae Jisas igne, mae biꞌodi mae Jiu gre ne diꞌatadi fara ne ghusna eghu ka mana, “Unha kofubobhoi nate eni iagho te mala laseni ghehati God neke tusu ari ka iagho nolaghi te mala edi glepo igre na?”

Luku 11:16

Keha naiknore magnahaghei te fariuriuni mae Jisas. Aonu mare ne toreni mana mala eni kaisei kofubobhoi mala laseni glahula mei funu ka God tutuani.

Jone 4:48

Mae Jisas ne cheke eghu ka mae biꞌo na, “Ghotilo magnahaghei te kulu filodi ghu kofubobhoi nei fagaglana teu te edi iara re ame fatutuani ghau nga iara eghu.”

Luku 11:29

Kate khapru mei naikno te kmanare, mae Jisas ne cheke eghu, “Puhimi ghotilo naikno gognaro gre thono diꞌa fara. Ghotilo toreni koba kaisei fagaglana, nu iara ginauna theome fakakhana kaisei fagaglana funugna ka God ka ghotilo. Nu fagaglana ngala te tangomana nate filoni ghotilo na fagaglana teke eni God ranghini mae profet Jona tifa ia kolho.

Jone 6:30

Aonu, naiknore neke cheke eghu ka mana, “Edi sagho keha kofubobhoi mala fatutuani nigho ghehati. Unha glepo nate eni iagho na?

Matiu 12:37

God ginauna jateula tuana eghu fate ghami ghotilo ka unha te chekedi ghotilo re. Jame te chekedi ghotilo glepo te kelire mana ginauna chekeni ne theome jafra ghotilo teuna. Nu jame te chekedi ghotilo glepo te diꞌare mana ginauna chekeni ne jafra ghotilo teuna.”