Matiu 12:36 - Buka Blahi Ka Cheke Holo

³⁶ Nu te chekeni iara ka ghotilo na, kau narane fate na, naiknore ginauna na rurutha ka God eidi nafnata cheke te theo nafudi teke chekedi thedire.

Matiu 12:36 ပူးပေါင်းရင်းမြစ်များ

Eklesiasti 12:14

Neuba tahati ne eni unha glepo te keli ba unha glepo te diꞌa na, God ginauna fatedi gobigna glepo te gnafa gre baludi glepo te poru teu.

Letas Teke Riso Tei Mae Pol Ka Khiloau Rom 2:16

God ginauna tusu lao nolaghi ka mae Jisas Kraes mala fatedi naikno te gnafare. Mana ginauna fatedi, kehare na fate fadoglodi nei kehare mala fate falehedi. Igne ginauna thoke mei ka narane God nate fatedi gobigna lepo te poru teku ke lamnadi naiknore. Eghuteuna igne leghuni u Nonomho te Keli te toutonuni iara gne.

Thakle 20:12

Eghuteuna iara ne filodi naikno te gnafa teke lehe ra, mae teke fnakno ba mae teke theome fnakno tifa ra, mare kegra ke ulugna nogna sape nafnakno mae King na. Eghuteuna mare ne tothora bukare mala toutonudi unha teke edi teke mei naikno te gnafare ka nakarhadire. Aonu mare jaola ne tothora nogna buka God na. Mana neke rioriso soru nanghadi naikno te mala karha fabrahu tifa tifa ka buka igne. Mana ne kafe fatedi naiknore leghudi unha teke edi mare re.

Matiu 10:15

Tutuani fara te chekeni iara ka ghotilo na. Ka narane fate na thono diꞌa fara ranghidi naikno te diꞌa te au kau namono tuana ke tulaodi naikno te diꞌa di Sodom ghe Gomora tifa ra.

Matiu 11:22

Tutuani fara, te chekeni iara ka ghotilo na, ka narane fate na God ginauna kokhonidi naiknodi Taea ghe Saedon igre ke tulaomi ghotiloi.

Matiu 12:37

God ginauna jateula tuana eghu fate ghami ghotilo ka unha te chekedi ghotilo re. Jame te chekedi ghotilo glepo te kelire mana ginauna chekeni ne theome jafra ghotilo teuna. Nu jame te chekedi ghotilo glepo te diꞌare mana ginauna chekeni ne jafra ghotilo teuna.”

Letas Teke Riso Tei Mae Pol Ka Khiloau Rom 14:12

Eghume kheraguro, tahati te gnafa na ginauna mala cheke thakledi puhidare ka God.

Jemes 3:6

Eghuteuna cheke te jifla mei ka foflogna naikno na jateula kaisei khaꞌaghi eghu, naugna tangomana te roꞌedi glepo te kelire. Neubane kaisei vido ikoi fara ngala ka thinida tahati na, u foflo ngala nafugna te mala jifla mei glepo te diꞌa na, eghuteuna tangomana te roꞌedi nakarhada fateo tahati re. Glepo te diꞌa igre tangomana te para ghita funu ka karhada na ghilei lehe tahati. Eghuteuna cheke te diꞌa igre neke mei funudi ka mae Satan.