Matiu 12:34 - Buka Blahi Ka Cheke Holo

³⁴ Ghotilo gne jateula mogo eghu, naugna ghotilo lase chaichaghi fara! Ninhigrana fara ranghi ghami ghotilo te chekeni kaisei glepo te keli na, naugna puhimi ghotilo re theome keli. Unha te fodu ka nagnafagna naikno na, tuana ngala te jifla mei ka chekegna mana re.

Matiu 12:34 ပူးပေါင်းရင်းမြစ်များ

Luku 6:45

Jateula igne eghu, naikno te keli na, mana fodu ka gaoghatho te keli ka nagnafagna na. Mana edi koba glepo te kelire. Nu naikno te diꞌa na fodu ka gaoghatho te diꞌa ka nagnafa gna na, mana edi koba glepo te diꞌare. Naugna glepo te diꞌare te fodu ka nagnafagna mana tuare ngala te jifla mei ka chekegna mana re.”

Matiu 15:18

Nu unha te chekeni mana ka foflogna na, jifla mei unha teke ghathoni mana ka nagnafagna na. Glepo igre te fathonani mana ke ulugna God na.

Efesus 4:29

Kate cheke na, ghotilo thosei chekeni kaisei cheke te diꞌa. Nu te keli na, chekeni ngala unha te nabagna te mala nomhini naiknore, eghuteuna nomi cheke ghotilo re ginauna tangomana te toghodi naikno te fanomhore.

Ululahu Samuel 24:13

Iagho laseni cheke gna tifa igne, ‘Naikno te diꞌa na kolho te eni glepo te diꞌa na.’ Iara theome tangomana te eni kaisei glepo te diꞌa ka iagho.

Ululahu Jone 3:10

Eghume tahati lasedihi iheire te thugna God nei iheire te thugna mae Satan. Iheire te theome eni unha te doglo na theome thugna God. Eghuteuna ihei te theome namhani kheragna fofodu na mana theome thugna God.

Matiu 12:35

Eghume naikno te keli na au gaoghatho te keli ka nagnafagna na, eghuteuna mana tangomana te chekedi glepo te kelire. Naikno te diꞌa na au gaoghatho te diꞌa ka nagnafagna na, eghuteuna mana tangomana te chekedi glepo te diꞌare.

Jone 8:44

Ghotilo mae kmami na mae Satan. Ghotilo nogna naikno mana eghuteuna ghotilo magnahaghei edi unha glepo te magnahaghedi mana re. Mana kaisei mae falehe naikno funu tifa. Mana theome magnahaghei te leghuni u nabrou te tutuani na, naugna theo kaisei tutuani ke lamnagna mana. Mana kaisei mae chaichaghi, eghuteuna mana jateula chaichaghi te chekedi thegna tuare eghu. Eghuteuna, u chaichaghi te gnafare mei funudi ka mana.

Profet Isaia 32:6

Leuleghu fata na naikno te fameomekro na cheke fajiflani kolho cheke te fameomekro na, eghuteuna ghathoni kolho te mala eni puhi te diꞌa na. Mana leghuni fabrahu puhi te diꞌa na, eghuteuna toutonu tafri cheke te chaichaghi eigna Lord. Mana theome faghamudi ihei te rofo, ba theome fakoꞌudi iheire te roi koꞌu.

Matiu 23:33

“Ghotilo chaghi fara jateula pholi eghu! Ghotilo vikegna mogo faghughumhu! Ghotilo ginauna theome tangomana te rikha kokoni diꞌatagna God na! Mana ginauna fate ghami ghotilo nei kuru tei ghami ghotilo Gehena.

Profet Isaia 59:14

Puhi te doglo te mala fatedi naiknore, nei unha te keli teu igre theome tangomana te mei namo ka ghehati na. Naikno na theome tangomana te nomhini kaisei cheke te tutuani, nu puhi te chaichaghi igne ngala te au ka foflogna naikno na.

Nodi Khoje Hatimare Mae Jiu 64:3

Nodi chekere fnonu fara jateula naflahi eghu jaꞌi mei ghau iara. Mare tarabana mala ja'i ghau iara ka nodi cheke te thono diꞌa fara re.

Matiu 3:7

Kmana mae Farasi nei mae Sadiusi eghu ne mei ka vido aheva te faꞌapublahi naikno mae Jone na, naugna mare ne magnahaghei mei apublahi ka mana. Eghuteuna, kate filodi mare na, mae Jone ne cheke eghu ka mare, “Ghotilo jateula mogo eghu! Naugna ghotilo lase chaichaghi fara! Ihei teke cheke ranghi ghami ghotilo te mala mei apublahi na, eghuteuna ihei teke cheke te mala rikhani ghotilo diꞌatagna God tela namo meihi igne?

Luku 3:7

Kmana naikno fara ne mei ka mae Jone mala apublahi. Mae Jone ne cheke eghu ka naikno te mei apublahi re, “Ghotilo jateula pholi eghu! Naugna ghotilo lase chaichaghi fara! Ihei teke cheke ranghi ghami ghotilo te mala mei apublahi na, eghuteuna mala rikhani teu diꞌatagna God tela namo meihi na?

Profet Isaia 59:4

Theo kaisei ka ghotilo te fate naikno ka puhi te doglo na. Kate tei ka fate na, ghotilo edi thua nafnata cheke chaichaghi fateote'o. Leuleghu fata na, ghotilo leghudi kolho nomi gaoghatho themi te mala goigonidi keha naiknore.

Nodi Khoje Hatimare Mae Jiu 53:1

Naikno te fameomekro na cheke eghu ka nagnafagna na, “Jare na theo kaisei God kolho.” Mae igne kaisei mae gnognoro fara kolho, mana ngala kaisei mae te mala eni u puhi te diꞌa na. Theo kaisei naikno te tangomana te mala eni unha puhi te keli na.

Nodi Khoje Hatimare Mae Jiu 64:5

Mare famamhaku ka gaoghathodire puhi te diꞌa na. Mare ne ghatho fakelini aheva nate liliseigna phighoro na ne cheke eghu, “Theome tangomana kaisei naikno nate filodire unha te lilisei tahati igre.”

Proveb 4:23

Saghe leghu fakelini nagnafamu na, eigna nakarhamu iagho na jifla mei jare.

Proveb 16:23

Thiꞌagna mae te autagna gaoghatho te keli na batudi nogna chekere. Eghuteuna tangomana te figrini nagnafagna keha mae na.

Profet Isaia 9:17

Eghume, Lord na theome kelitagna ka nogna naikno majaghani igre, eghuteuna mana theome kokhonidi naikno biꞌo teke lehehi khetodi nei goro sua glehe kokoi, naugna mare te gnafa na kafe tirodini Mana. Mare theome gnafa te eni puhi te diꞌa na. Eghuteuna leuleghu fata na mare cheke chaichaghi koba. Nu neuba Lord ne paradi, mana theome gnafa te diꞌatagna ka mare na. Eghuteuna mana ginauna tarabana mala paradi naikno igre.

Efesus 5:4

Jaola, theome keli te nomhidi ka ghotilo te chekedi u nafnata cheke te diꞌa ba cheke glalama ba nafnata cheke muamugna te thona. Glepo igre theome doglo te edi ghotilo re. Nu te keli na ghotilo mala cheke fakelini God.

Jemes 3:2

Tutuani fara, tahati te gnafa na kafe edi kmana najafra. Nu jame kaisei mae theome eni kaisei najafra ka unha te chekedi mana re meuna, mae tuana ngala kaisei mae te doglo fara na. Eghuteuna mana ngala mae ihei tangomana te reireghi fakelini nakarhagna na.