Matiu 12:32 - Buka Blahi Ka Cheke Holo

³² Nu ihei te cheke fadiꞌa ghau iara mae teke mei funu ka God na, God ginauna tangomana te hata fadeleidi nakhibogna mana re. Nu ihei te cheke fadiꞌani mae Tharunga te Blahi na, God ginauna theome hata fadeleidi nakhibogna mana re, kau nauthoglu gognaro gne ba nathuꞌu nauriha na.

Matiu 12:32 ပူးပေါင်းရင်းမြစ်များ

Nonomho Te Keli Teke Risoi Mae Mak 3:29

Nu ihei te cheke faparini mae Tharunga te Blahi na, God ginauna na theome hata fadelei nakhibogna mana re, nu nakhibo tuare na au fabrahu ka mana tifa tifa.”

Jone 7:39

Mae Jisas neke cheke eigna mae Tharunga te Blahi nate mei ka iheire te fatutuani ni mana re. Kau narane tuana God theome kuru mei ngau mae Tharunga na, naugna mae Jisas theome kegra ngau kau nafnakno.

Ululahu Timoti 1:13

Tutuani fara, tifa na iara neke cheke fadiꞌani mana nei jaola paradi nei lalamadi iheire teke leghuni mana re. Nu neuba ngau, mana neke kokhoni ghau iara, naugna iara neke theome laseni glepo te diꞌa teke eni iara na. Iara neke edi glepo igre kani theome fatutuani ni ngau mana.

Taetus 2:12

God neke namha ghita tahati mala hatini tahati u karha tuana mala theome tangomana tahati te mamagnadi puhi te diꞌare nei leghudi u puhidi naikno te theome laseni God re. Nu God magnahaghei ghita tahati te mala reireghi fakeli ghita theda kau nauthoglu igne. Mana jaola magnahaghei ghita te edi unha glepo te keli tagnadi mana kau narane te ofoni teu tahati balu grouronu biꞌo ka meigna noda mae Fakarhai Jisas Kraes. Mana ngala mae noda God te biꞌo tahati na, mana ginauna na thakle mei balu siasigla.

Efesus 1:21

Tutuani, Kraes na au kligna mala funei frunidi hatimare mae King te gnafa, nei hatimare mae engel, nei keha nafnata nolaghi fateo langau ka maloa gne. Kraes au nangha te biꞌo tulao ke uludi keha nangha te au nolaghi biꞌo ka nauthoglu igne, ba ka keha narane te mei ginau.

Mae Khuru 3:19

Eghume ghotilo hogri nagnafa, mala ke figri ka God, mala hata fadeleidi mana nakhibomire.

Luku 12:10

Eghuteuna ihei te cheke fapari ghau iara mae teke mei funu ka God, God tangomana te hata fadeleidi nakhibogna mana re. Nu ihei te cheke fadiꞌani nogna gloku Tharunga te Blahi na, God ginauna theome hata fadeleidi nakhibogna mana re.

Matiu 12:31

Naugna tuana, te chekeni iara ka ghotilo na, ihei te loku jafra ba cheke faparini God na, God ginauna tangomana te hata fadeleidi nakhibogna mana re. Nu ihei te cheke faparini Tharunga te Blahi na, God ginauna theome tangomana te hata fadeleidi nakhibogna mana re.

Thoutonu Eigna Mae Job 36:13

“Iheire te theome rouronu ka God igre diꞌa tadi fara ka nagnafadi re. Eghuteuna neuba God ne fadoglidi mare, mare tirodi tarai kolho ka God mala toghodi mana.

Ululahu Timoti 1:15

Mae Jisas Kraes neke mei ka nauthoglu igne mala fakarhi ghita ka nakhibo fateote'o. U cheke tuana thofno tutuani fara, mala nomhini nei fatutuani ni eghu naiknore. Iara tifa na neke diꞌa pari lahu ka nakhibo ke uludi naikno te gnafare gre.

Jone 7:12

Kmana naikno ne cheke pouporu eigna mae Jisas. Keha naiknore ne cheke eghu, “Mae igne kaisei mae keli fara puhigna na.” Keha naiknore ne cheke eghu, “Theo, mae igne magnahaghedi naiknore mala leghudi kolho nogna chaghi thegna re.”

Luku 23:34

Mae Jisas ne cheke eghu, “Mama! Hata fadelei nakhibodi naikno igre, naugna mare theome laseni unha te eni na.” Eghuteuna mae soldiare ne lalahu khale mala laseni mae ihei nate hata nogna pohe mae Jisas re.

Nonomho Te Keli Teke Risoi Mae Mak 10:30

mana ginauna na tangomana te thokei kaisei gobi fata ghilei sala'udi gobigna lepo teke jifla kokodi mana re. Ka nauthoglu igne na mana au nogna suga nei tahigna nei greghagna nei idogna nei thugna nei nogna vido glose, eghuteuna mare jaola ginauna na paraniu mana. Nu kau nogna nauthoglu majaghani God nate mei nathuꞌu nauriha na mana na hatini karha fei tifa na.

Jone 7:52

Hatimare ne cheke eghu ka mae Nikodimas, “Ba, iagho mae funumu Galili la sia? Hiro fakelidi sagho grioriso te blahi igre, iagho ginauna theome filoni kaisei mae profet te mei funu Galili na.”

Luku 7:34

Eghuteuna kate thoke mei iara te ima nei koꞌu teuna, naiknore ne cheke eghu, ‘Filoni si ghotilo mae igne! Mana ima nei koꞌu teuna ngala te glepo ulu ka mana na! Eghuteuna, mae te diꞌa te salo takis nei keha mae te diꞌa la teu igre ngala te mae kheragna mana re.’

Matiu 11:19

Eghuteuna kate thoke mei iara te ghamu nei koꞌu teuna, naiknore cheke eghu, ‘Filoni si ghotilo ka mae igne! Ghamu nei koꞌu teuna ngala te glepo ulu fara ka mana na! Eghuteuna, mae te diꞌa te salo takis nei mae te diꞌa teu igre ngala kheragna mana re.’ Eghuteuna mare ginauna filoni nogna gaoghatho te keli God na kate thakle meidi unha te tutuani re.”

Matiu 13:55

Tahati laseni mae igne. Mana kaisei mae kolho, mana neke theome mei funu ka God. Mana thugna ngala mae kapenta. Idogna na Meri. Mae thabusigna mana re igre, mae Jemes, mae Josep, mae Simon ghe mae Judas.

Matiu 8:20

Mae Jisas ne cheke eghu ka mana, “Gauhare au nodi vido te mala thuru na eghuteuna nanghajire au nodi gnoku. Nu iara mae teke mei funu ka God na, theo kaisei namono te mala augu na.”

Matiu 12:8

Naugna iara mae teke mei funu ka God gne ngala mae funei gna narane Sabat na.”

Matiu 13:22

Sisi te sukha ke lamnadi glathi buburu te fachuchuru na igre eidi iheire te nomhini chekegna God, nu cheke igne ghosei ne thafru ka unha te magnahaghedi fara ka thua nafnata dedei gna nauthoglu igne. Eghume theo kaisei sisi te karha na.

Matiu 13:39

Eghuteuna Satan jateula mae naoka te joꞌu sokiaro ia eghu. Nu narane leghu lahu gna nauthoglu igne jateula narane te mala pulei wit ra eghu. Eghuteuna nogna engel God igre jateula mae gloku te mala pulei wit ra eghu.

Matiu 13:40

“Sokiaro te rarathu mae glokure mala gnubra kau khaꞌaghi teu igre jateula tuana eghu kate pulei naikno engel igre ka narane leghu lahu gna nauthoglu igne.

Nonomho Te Keli Teke Risoi Mae Mak 3:28

Tutuani fara, te chekeni iara ka ghotilo na. God tangomana te hata fadelei thua nakhibo nei thua nafnata cheke te diꞌa te edi naiknore ranghini God.

Luku 16:8

“Aonu ke leghugna igne, nogna funei mae te chaichaghi igne ne fafnaknoi mana naugna mana ne mae hiohiro fara ne hiro dedi puhi igre. Naugna naiknogna nauthoglu igne hiohiro fara kate reireghidi nodi glokure ke uludi fara naikno te au ka naphae re.”

Ululahu Timoti 4:8

Jame te keli na tahati fariuriudi thinida gre mala heta. Nu te fariuriu tahati nakarhada ka khiloau gne te mala heta na, tuana te thofno keli fara na. Naugna ginauna tangomana te togho ghita ka puhi te gnafa ka nakarhada gognaro nei ka nakarha nate mei nathuꞌu nauriha.

Ululahu Timoti 6:17

Cheke faheta ranghidi iheire te dedei fara ka nauthoglu igne mala thosei fahaehaghe fara nei thosei rouronudi glepo nate dofidi kaisei narane, nu cheke ranghidi mala fatutuani ni God mae ihei te tusu ranghi ghita gobigna lepo te keli mala gleale'a tahati.

Fapea Timoti 4:10

Iagho lasenihi, mae Dimas ia la tei koko ghauhi iara, naugna mana namhani fara puhigna nauthoglu igne, eghuteuna mana la teihi ka namono Tesalonika. Eghuteuna mae Kriseni la teihi ka Provins Galesia, eghuteuna mae Taetus la teihi ka nohi Dalamatia.

Jemes 1:27

Nu puhi te doglo ka God Kmada na igne. Taji fakelidi goro sua te glehe kokoi ba goro naikno biꞌo tela lehehi khetodi ra. Naugna phei tothoghei igre ngaguni noda thotogho tahati na. Eghuteuna taji fakelini thegna ka gobigna lepo te diꞌa ka nauthoglu gne. Igne u nafnata naikno khiloau te magnahagheni God na.