Matiu 12:30 - Buka Blahi Ka Cheke Holo

³⁰ “Tutuani, mae ihei te theome leghu ghau iara na, mana tirogna ghau iara. Eghuteuna mae ihei te tirogna togho ghau iara te mala hata meidi naiknore ka God na, mana jateula te brue fadeleidi eghu naiknore ka God.

Matiu 12:30 ပူးပေါင်းရင်းမြစ်များ

Nonomho Te Keli Teke Risoi Mae Mak 9:40

Ihei te theome eni puhi diꞌa ranghi ghita tahati na, mana mae kherada tahati.

Luku 11:23

“Tutuani, mae ihei te theome leghu ghau iara na, mana tirogna ghau iara. Eghuteuna mae ihei te tirogna togho ghau iara te mala hata meidi naiknore ka God na, mana jateula te brue fadeleidi eghu naiknore ka God.”

Luku 9:50

Mae Jisas ne cheke eghu ka mana, “Ghotilo thosei lhotini mana, naugna mae ihei te theome kegra fanogra ghami ghotilo na, mana kherami ghotilo.”

Matiu 6:24

“Theo kaisei naikno te loku ranghidi phei mae funei na. Mana ginauna magnahagheni kaisei mae funei kolho nei tirognani keha na. Mana ginauna na ghatho tahuni kaisei mae funei kolho nei na theome ghatho tahuni keha na. Eghume iagho theome tangomana te loku ranghidi God ghe dedei gna nauthoglu igne jateula phei nou funei teuna.”

Josua 24:15

Nu gognarona jame te tiromi leghuni ghotilo mana na, ghotilo mala vavahi god aheva gne te magnahagheni ghotilo na. Jame te magnahaghei leghudi ghotilo nodi god te chaichaghi naiknodi Mesopotemia teke tarai kuꞌeda tahati tifa igre teu tuare nomi ghotilo te mala ghathodi re. Ba jame ghotilo magnahaghei te leghudi nodi god te chaichaghi vikegna Amoa aheva te au teu tahati ka nodi glose na gognarogne, igne jaola nomi ghotilo te mala ghathoni na. Nu iara, balugna tharaknagu gne, ghehati ginauna leghuni kolho Lord.”

Ululahu Jone 2:19

Nogna naoka mae Kraes gre neke au baluda tahati. Nu gognaro na mare la jifla koko ghitahi. Naugna mare theome thofno nogna tothoghei tahati gne. Jame thofno nogna tothoghei tahati gne na, mare au ngau baluda tahati. Nu mare tei koko ghita tahati, eghume gaglana fara te theo kaisei mae ka mare tarabana te mala leghuni mae Kraes baluda tahati na.

Josua 5:13

Kaisei narane, kate tei te namo mae Josua Jeriko igne, mana ne filoni kaisei mae te kegra teu ke ulugna mana na. Mae igne loku kaisei naflahi mala magra. Mae Josua ne tei namo ka mae igne, ne cheke eghu ka mana, “Iagho kaisei mae balumi ghehati, ba iagho kaisei mae naoka?”

Jenesis 49:10

Naikno nate karha mei ka vikemu iagho re ginauna mala au fabrahu ka sapegna king na. Eghuteuna naikno te gnafa re ginauna leghuni mae funei ka vikemu iagho na.

Jone 11:52

Eghuteuna mae Jisas theome mala lehe tughudi kolho mae Jiu gre, nu mana jaola maladi nogna naikno God te au heva heva ka namono te kmana ka nauthoglu igne. Mana mala hata fodu meidi mala ke kaisei tothoghei ngala mare.

Profet Hosia 1:11

Ka finogha igre, naiknodi Israel nei Juda teu igre ginauna loku fodu mala vahini kaisei nodi mae mala baubatu. Mare ginauna kaisei kantri nheta fara. Naugna God ne snakredi mare mala au ka kantri igne. Uve, nogna narane Jesrel igne ginauna kaisei narane biꞌo fara. Naugna God ginauna hata fapulo nogna naiknore mala ke figri mei.”

Proveb 11:24

Tufa glepo iagho te toghodi keha naiknore, iagho ginauna dedei. Nu te loku fapulo iagho unha mala tufa teku na, iagho ginauna kuma.

Matiu 12:29

“Jateula tuana eghu theome tangomana kaisei naikno te ruma ka nogna suga mae te nheta na te blau nogna glepore. Mana na kulu haru famaku ghu mae te nheta na ame tangomana nga mana te ruma ka suga na te blau nogna famane glepore.

Nodi Khoje Hatimare Mae Jiu 94:16

God ngala te togho ghau iara na, nei kaisei phile ka iara mala magridi naikno te diꞌare teuna.