Matiu 12:28 - Buka Blahi Ka Cheke Holo

²⁸ Nu te loku iara ka nogna nolaghi God na te brue fajifladi naiture, igne ngala fagaglana gna u narane God te funei frunidi nogna naiknore la meihi ka ghotilo teuna.

Matiu 12:28 ပူးပေါင်းရင်းမြစ်များ

Luku 11:20

Nu te loku iara ka nogna nolaghi God te brue fajifladi naiture, igne ngala fagaglana gna nogna narane God te funei frunidi nogna naiknore la meihi ka ghotilo teuna.

Profet Daniel 7:14

Mae te au fabrahu funu tifa igne ne vahini mana mala mae king, eghuteuna tusu ranghini nolaghi nei nafnakno biꞌo. Eghuteuna naikno te au ka kantri te gnafa, kokholo te gnafa nei cheke te gnafa teu igre ginauna pogho soru ka mana. Eghuteuna nogna nolaghi mana te mala funei frunidi naiknore ginauna au fabrahu tifa tifa.

Matiu 21:43

“Eghume te chekeni iara ka ghotilo na. God ginauna hata fadelei nolaghi na ka ghotilo naikno teke funei frunidi mana re. Aonu God ginauna ke tusu lao nolaghi igne ka naikno te edi unha te magnahaghedi mana re.

Matiu 6:33

Nu te keli na, kulu hironi ghu u nakarha God te funei fruni na, nei kulu edi unha te magnahaghedi mana re eghu. Eghuteuna, God ginauna tusu ranghi ghami gobigna lepo te magnahaghedi ghotilo re.

Mae Khuru 10:38

Eghuteuna ghotilo lasenihila u thoutonu eigna mae Jisas gna Nasaret. Tutuani, God Mama neke kuruni mae Tharunga te Blahi na mala toghoni mana nei tusu ranghini mana u nolaghi te biꞌo tulao. Ghotilo jaola laseni mae Jisas gne neke tei tongana heva heva neke edi koba glepo te kelire, nei fakelidi naikno te gnafa te au ke parigna nogna nolaghi mae Satan. Mae Jisas tangomana te eni igne naugna God au balugna mana.

Kolose 1:13

God neke hata fadelei ghitahi ka nogna nolaghi mae Satan, eghuteuna lisei ghita ke parigna nogna nolaghi Thugna God, mae ihei mana te namhani fara.

Letas Teke Riso Tei Mae Pol Ka Khiloau Rom 14:17

God na theome funei fruni ghita naugna te ima tahati keha nafnata gano ba koꞌu. Theo. Nu God na funei fruni ghita tahati kate eni unha te doglo na ke ulugna mana, nei au ka pharikeli, nei au gleale'a ka Tharunga te Blahi.

Luku 16:16

Mae Jisas ne cheke eghu, “Tifa na naiknore neke leghuni nogna vetula mae Moses na nei chekedi hatimare mae profet. Nu funu ka mae Jone Apublahi na, mare neke toutonuni u Nonomho te Keli eigna God te funei frunidi nogna naiknore. Naugna naiknore nomhini igne, mare fariuriu fara mala ruma kau nakarha igne.

Nonomho Te Keli Teke Risoi Mae Mak 1:15

Mana ne cheke eghu, “Thofno narane teke vahini God na la thokei meihi gognarona, eghuteuna narane God nate funei frunidi nogna naiknore la namo meihi. Eghume lilisei puhi te diꞌare nei fatutuani ni ngala Nonomho te Keli gne!”

Matiu 21:31

“Mae ihei ka phia mae sua igre te leghuni chekegna mae kmagna na?” Hatimare mae pris nei hatimare mae biꞌo teu gre ne cheke eghu ka mana, “Mae sua ke ulu gne.” Mae Jisas ne cheke eghu ka mare, “Tutuani fara, te chekeni iara ka ghotilo na. Hatimare mae te diꞌa te salo takis nei goro gaꞌase vine teu igre ginauna au ke lamnadi naikno te funei frunidi God igre ame ghotilo nga eghu.

Luku 9:2

Mae Jisas ne kuru fajifladi mae khuru re mala tei toutonuni mare nakarha te funei frunini God na, nei mala fakarhidi iheire te fogra.

Nonomho Te Keli Teke Risoi Mae Mak 16:17

Eghuteuna iheire te fatutuanire, God ginauna tusu ranghidi nolaghi, mala tangomana mare ei kofubobhoi. Mare ginauna tangomana te brue naitu ka nanghagu iara. Eghuteuna mare ginauna cheke ka keha nafnata cheke majaghani teke theome laseni mare tifa na.

Profet Daniel 2:44

“Ka nodi narane mae king igre, God gna kligna na ginauna funei frunidi naikno te gnafa heva te heva ka nauthoglu igne. Theo kaisei king nate tangomana te roꞌeni ba nate uluni mana. Nu mana ginauna goigonidi kantri te gnafare, eghuteuna mana funei frunidi naikno nei glose heva heva tifa te tifa.

Hibru 12:28

Eghume tahati mala cheke fakelini God naugna tahati au noda namono te au fabrahu tifa tifa. Eghuteuna tahati mala loku ranghini mana balu mhaghu mala eni fabrahu unha te gleale'ani mana na. Naugna noda God te ghatho tahuni tahati gne jateula khaꞌaghi biꞌo te gnubra fateo gobigna lepo te diꞌa ra eghu.

Luku 10:11

‘Te luti gnagnapa gna nomi namono ghotilo gne ka ghahemi ghehatire. Ghehati na ghiha koko, fagaglana gna God nate fate ghami ghotilo ginauna. Nu ghotilo lase fakelini igne: narane te funei frunidi God naiknore la namo meihi.’

Nonomho Te Keli Teke Risoi Mae Mak 11:10

“God fablahini mae igne, te mei King ranghi ghita jateula ngau mae ku'emi Devet!” “Kilo fnaknoni God ka maloa kligna!”

Matiu 12:18

“Igne nogu mae gloku teke vavahi iara na. Nu iara namhani nei gleꞌani eghu mana. Iara ginauna tusu ranghini mana Tharungagu na. Aonu mana ginauna chekeni chekegu iara na ka naikno te theome Jiu mala tughu nagnafa mare.

Matiu 4:24

Thoutonu eigna mae Jisas na ne tei tongana heva heva ka Provins Siria, eghuteuna mare hata ne mei ka mana naikno te gnafa te fogra re. Naikno igre au tadi soasopai khabru. Keha au naitu, keha snosnogho, nei keha lehe ghahedi nei khamedi teure. Tutuani, mae Jisas ne kafe fakarhadi.

Matiu 12:29

“Jateula tuana eghu theome tangomana kaisei naikno te ruma ka nogna suga mae te nheta na te blau nogna glepore. Mana na kulu haru famaku ghu mae te nheta na ame tangomana nga mana te ruma ka suga na te blau nogna famane glepore.

Ululahu Jone 3:8

Nu ihei te tapla jafra fabrahu ka nakhibo na mana nogna mae Satan, naugna mae Satan tapla jafra fabrahu vuha tifa. Thugna God neke thakle mei malagna gaoghatho igne, mala roꞌeni nogna gloku mae Satan.