Matiu 12:26 - Buka Blahi Ka Cheke Holo

²⁶ Eghume jateula tuana eghu, jame te brueni mae Satan nogna tothoghei naitu thegna na, nogna tothoghei naitu mana tuare ginauna magra farithedi. Eghume, jame te eghu mare na, nogna tothoghei mana tuare ginauna theome kegra maku kolho.

Matiu 12:26 ပူးပေါင်းရင်းမြစ်များ

Kolose 1:13

God neke hata fadelei ghitahi ka nogna nolaghi mae Satan, eghuteuna lisei ghita ke parigna nogna nolaghi Thugna God, mae ihei mana te namhani fara.

Ululahu Jone 5:19

Tahati lasenihi tahati goro thugna God nu mae Satan funei fruni nauthoglu tongana gne.

Thakle 16:10

Falima engel na ne tei ne totofa nogna dis na ke kligna gna nogna sape nafnakno bosu na. Eghuteuna namono te gnafa te funei frunidi bosu na ne kafe romno soru. Eghuteuna naiknodi namono igre ne funu kakathu glapidire naugna ne kabru ghedi fara.

Thakle 12:9

Mare ne koko soruni pholi biꞌo na baludi nogna engel re ka nauthoglu gne. Pholi biꞌo tuana ngala mogo gna tifa te kiloni tahati mae Satan, mae funeidi naitu te gnafare. Eigna mana ne baubatudi naikno te gnafa ka nauthoglu gne ka nabrou te jafra.

Thakle 9:11

Cheche igre au kaisei nodi mae King te mala funei frunidire. Mae igne kaisei mae engel, mana ngala mae biꞌo gna glave te mamhara fara igne. Eghuteuna ka cheke Hibru na, nanghagna engel igne mare kiloni mana, “Abadon”, nei ka cheke Griki na, “Apolion”. Eghuteuna ka cheke tahati na, “Mae mala goigonidi thua lepore.”

Fapea Korin 4:4

Eigna Satan mae ihei te funei frunini nauthoglu igne ne faromnodi nagnafadi naikno te theome fatutuanire. Eghume mare theome tangomana te filoni u naphae gna Nonomho te Keli te thofno fatakleni nogna nolaghi biꞌo Kraes na, mae ihei te thofno thotoghale gna God na.

Jone 16:11

Mare au ghaoghatho fadiꞌa eigna mae ihei God nate fateni, naugna God la fatenihi mae Satan, mae funei gna u nauthoglu igne.

Jone 14:30

Iara ginauna theome cheke faraugha balumi ghotilo, naugna mae Satan mae funei gna nauthoglu igne, la namo meihi. Tutuani fara, mana theo kaisei nogna nolaghi ke klignagu iara.

Jone 12:31

Gognarona God ginauna kafe fatedi naikno te theome fatutuani ghau iara. Eghuteuna gognaro mana na kulu hata fadelei nogna nolaghi mae Satan, mae ihei te baubatu fadiꞌadi naikno te au ka nauthoglu igne.

Matiu 4:10

Mae Jisas ne cheke eghu ka mana, “Tei delei, ghema Satan! Naugna te chekeni teu kau grioriso te blahi na, ‘Iagho pogho soru ranghini Lord nou God, eghuteuna loku ranghini kolho mana.’ ”

Matiu 9:34

Nu hatimare mae Farasi gre ne cheke eghu, “Mana tangomana ni kolho te bruedi naiture, naugna mae Satan, mae funeidi naiture, te tusu ranghini mana nolaghi te mala bruedi naiture.”

Matiu 13:19

Sisi te soru ka nabrou na igre eidi iheire te nomhini cheke eigna God te funei frunidi nogna naiknore, nu theome laseni kolho teu igre. Eghuteuna Satan mei hata koko sisi teke joꞌu ka nagnafagnadi re.