Matiu 12:23 - Buka Blahi Ka Cheke Holo

²³ Kate filoni mare igne, mare jaglo nodi fara ne cheke eghu, “Tore! Igne ngala jau si mae vikegna King Devet te ofoni tahati na.”

Matiu 12:23 ပူးပေါင်းရင်းမြစ်များ

Matiu 9:27

Kate jifla mae Jisas ka vido tuana, phei mae te dofu ne funu leghuni mana ne eha eghu ka mana, “Iagho vikegna mae King Devet, kokhoni ghami ghepa!”

Jone 4:29

“Ghotilo re, kaisei mae na ne chekedi ka iara gobigna lepo teke edi iara tifa re. Mei si ghotilo filoni mana. Glahula me mae igne ngala mae Kraes na!”

Matiu 21:9

Aonu kehare tei ke ulugna mae Jisas. Eghuteuna kehare mei ke leghugna mana. Mare kafe thagru, ne cheke eghu, “Hosanna! Kilo fnaknoni vikegna mae Devet!” “God fablahini mana te mei ka nanghagna Lord!” “Kilo fnaknoni God te au kligna!”

Matiu 9:33

Kate brue fajifla mae Jisas naitu teke au ka mana na, mana neke funu facheke. Naiknore filoni igne ne jaglo nodi fara ne cheke eghu, “Icho idomi! Theo kaisei glepo teke filoni tahati jateula igne teku agne Israel tifa na! Igne ngala kaisei glepo ululahu te filoni tahati na!”

Matiu 15:22

Kaisei naikno biꞌogna Kenan te mei au ka nohi tuana mei ne eha eghu ka mae Jisas, “Lord, vikegna mae King Devet! Kokhoni ghau iara! Thugu gaꞌase iara na kaisei naitu ne parani fara.”

Matiu 7:28

Kate gnafa mae Jisas chekedi glepo igre, naiknore ne jaglo nodi fara ka nogna nafnata farirhiu te edi mana igre.