Matiu 12:17 - Buka Blahi Ka Cheke Holo

¹⁷ Te eni mana igne ne thono horoghoto fara kau chekegna God teke cheke eghu mae profet Isaia tifa ia:

Matiu 12:17 ပူးပေါင်းရင်းမြစ်များ

Profet Isaia 42:9

Filo si ghotilo! Glepo te chekedi iara mala thoke mei tekura, la thoke meihi tutuani. Eghuteuna gognarona, iara ginauna toutonu ka ghotilo eidi glepo majaghani nate thakle mei thogheiro.”

Jone 12:38

Igne ne horoghoto fara ka nogna cheke mae profet Isaia teke cheke eghu tifa ia, “Lord, iheire nate fatutuanidi nomi cheke ghehati gre? Ka iheire Lord teke fakakhana nogna nolaghi na?”

Matiu 21:4

Igne ne horoghoto fara ka gaoghathogna unha teke chekeni mae profet tifa ia,

Matiu 13:35

Igne ne horoghoto ka unha teke cheke eghu kaisei mae profet tifa ia, “Iara ginauna na toutonu ka cheke naba ranghidi naiknore unha teke theome falalase God funu ka narane teke vuavuha nauthoglu igne te ghilei mei thoke gognarogne.”

Profet Isaia 44:26

Nu kate chekeni nogu mae gloku iara igne kaisei glepo na, glepo igne ginauna thoke mei tutuani. “Te chekeni iara gognarona, naiknore ginauna nake pulo mei Jerusalem, eghuteuna mare ginauna nake babana fapulo namono biꞌo te gnafa Juda teke groꞌe ka mae naoka igre.

Mae Khuru 13:27

Iheire te au Jerusalem nei iheire te mala baubatu teuna theome filo glanini ngala mae Jisas te mae fakarhai na. Eghuteuna mare theome lase dila chekedi mae profet te iu'ijudi koba leuleghu narane Sabat. Nu cheke igre ne horoghoto fara kate fate faleheni mare mae Jisas.

Jone 19:28

Ke leghugna igne, mae Jisas la lasenihi nogna gloku na la gnafahi. Te mala horoghoto kau grioriso te blahi na mana ne cheke eghu, “Iara roi koꞌu.”

Jone 10:35

Tahati laseni unha te chekeni ka grioriso te blahi na tutuani fabrahu. God kilodi naikno te toutonuni chekegna mana tuare jateula thegna God eghu.

Luku 24:44

Mana ne cheke eghu ka mare, “Glepo te edi ka iara igre, iara neke kulu chekedihi ka ghotilo ka teke au nga tekeu iara balumi ghotilo ia. Iara neke rurutha fakelihi ka ghotilo eidi unha teke rioriso eigu iara ka nogna vetula mae Moses, nei ka nodi buka hatimare mae profet, nei ka buka Sam teu igre. Tutuani fara teke chekeni iara ka ghotilo na, gobigna lepo igre la tutuani fara.”

Luku 21:22

Naugna narane tuana narane God mala fatedi naikno tuare, eghuteuna gobigna lepo teke chekedi ka grioriso te blahi na igre ginauna tutuani fara.

Matiu 8:17

Nogna cheke mae profet Isaia igne ne horoghoto fara ka narane tuana, “Mana ne hata fahui fogra te fanigra ghita na, nei hata fadeleihi khabruda tahati re.”

Matiu 12:16

Aonu mae Jisas ne cheke faheta ka naiknore mala thosei toutonu eigna mana.

Matiu 12:18

“Igne nogu mae gloku teke vavahi iara na. Nu iara namhani nei gleꞌani eghu mana. Iara ginauna tusu ranghini mana Tharungagu na. Aonu mana ginauna chekeni chekegu iara na ka naikno te theome Jiu mala tughu nagnafa mare.