Matiu 12:10 - Buka Blahi Ka Cheke Holo

¹⁰ Eghuteuna jare ka suga tharai na au kaisei mae te lehe khamegna na. Eghuteuna mare magnahaghei te fathoethokeni mae Jisas ne mei cheke eghu ka mana, “Ba, vetula na snakre ghita tahati site fakarhani naikno te fogra na ka narane Sabat na?”

Matiu 12:10 ပူးပေါင်းရင်းမြစ်များ

Luku 13:14

Mae biꞌogna suga tharai na ne diꞌatagna fara ka mae Jisas, naugna mae Jisas ne fakelini gaꞌase tuana ka narane Sabat. Aonu mae biꞌogna suga tharai na ne cheke eghu ka naiknore, “Namno narane kolho te mala loku tahati na. Eghume ghotilo mei ka kaisei narane ka narane tuare mala ke fakeli fapulo ghami mare. Thosei mei mala fakeli ghami mare kau narane Sabat.”

Jone 9:16

Eghuteuna, keha mae Farasi re ne cheke eghu, “Mae teke eni igne neke theome mei funu ka God, naugna mana ne theome leghuni vetula gna narane Sabat.” Nu keha mae re ne cheke eghu, “Jame mae teke eni igne mana mae diꞌa meuna, mana jame theome tangomana te edi kofubobhoi igre.” Mae Farasire ne theome kaisei gaoghatho eigna mae Jisas.

Jone 8:6

Mare cheke igre khogla saosagroni kolho mae Jisas, mala cheke jafra mana nu athini mana ka fate eghu kolho. Nu mae Jisas theome cheke ne pogho soru ne rioriso ka thagru glose na, ka geghesu thegna na.

Jone 5:10

Aonu, hatimare mae biꞌodi mae Jiu igre ne cheke eghu ka mae teke keli fapulo na, “Gognarogne narane Sabat. Thono blahi fara ka noda vetula tahati na te pala iagho nou khifra na kau narane Sabat gne.”

Luku 11:54

Mare ne fariuriu saosagroni mae Jisas mala cheke fajafra mana.

Matiu 12:2

Hatimare mae Farasi filoni igne ne cheke eghu ka mae Jisas, “Ghema, filo sagho ka nou mae fanomho are, mare loku kau narane Sabat. Nu narane igne thono blahi fara ka noda vetula tahati mae Jiu gre!”

Profet Sekaraea 11:17

“Kokhoni ni fara mae ihei te tirogna reireghidi sipu re tuana! Uve, nabagna na mae tuana mei armi mala goigoni ni mana! Nabagna na mei naflahi mala kusu khamegna na! Nabagna na bilo koko tathagna fei nheta na mala dofu mana!”

Profet Isaia 32:6

Leuleghu fata na naikno te fameomekro na cheke fajiflani kolho cheke te fameomekro na, eghuteuna ghathoni kolho te mala eni puhi te diꞌa na. Mana leghuni fabrahu puhi te diꞌa na, eghuteuna toutonu tafri cheke te chaichaghi eigna Lord. Mana theome faghamudi ihei te rofo, ba theome fakoꞌudi iheire te roi koꞌu.

Jone 5:3

Kmana naikno thuru ka suga tuare. Naikno igre au kmana nafnata khabru tadi. Kehare dofu, kehare lehehi ghahedire nei kehare blughu. Engel nogna Lord na soru mei leuleghu fata mala fakaploni kholo tuana.

Luku 23:2

Kate posa jare na, mare ne funu vuavuha cheke eigna mae Jisas. Mare ne cheke eghu ka mae Paelat, “Ghehati lasenihi puhigna mae igne, mana batu fadiꞌadi nei chaghidi naiknore mala thosei foli takis ka Sisa, king biꞌogna Rom. Mana jaola kiloni thegna ‘Kraes’, kaisei mae king biꞌo.”

Luku 23:14

Mana ne cheke eghu ka mare, “Ghotilo hata mei mae igne ka iara agne. Te chekeni ghotilo na, mana ne baubatu fadiꞌadi naiknore mala thosei leghuni mae funei biꞌo gna Rom. Nu gognarona iara na ghusnani mana ke ulumi ghotilo hui. Eghuteuna iara theome filoni kaisei najafra te chekedi ghotilo gre ka mana.

Luku 20:22

Ba, ghema, keliu ngala te foli takis tahati ka mae Sisa na? Ba theo?” Mae Sisa gne mae king biꞌo gna Rom.

Matiu 19:3

Keha mae Farasi mei ne fariu saosagroni mae Jisas. Mare ne ghusna eghu ka mana, “Ghema, snakreni ka noda vetula tahati na si mae te koko khetogna na ka keha puhi te magnahaghei mana na ia?”

Profet Isaia 59:13

Ghehati figri tagru nigho nei ghatho iho nigho, nei theome magnahaghei te leghu nigho. Ghehati tei koko nighohi, eigna igne ghehati filo faparidi nei paradi eghu koba keha naiknore. Gaoghathomi fateote'o nei chekemi fateote'o teu igre thofno chaichaghi fara kolho.

Profet Isaia 59:4

Theo kaisei ka ghotilo te fate naikno ka puhi te doglo na. Kate tei ka fate na, ghotilo edi thua nafnata cheke chaichaghi fateote'o. Leuleghu fata na, ghotilo leghudi kolho nomi gaoghatho themi te mala goigonidi keha naiknore.

Nonomho Te Keli Teke Risoi Mae Mak 3:2

Aonu keha naiknore magnahagheni te fathoethokeni mae Jisas. Mare ne thono filo leghuni mana glahula me fakelini mana mae te lehe khamegna na kau narane Sabat.

Jone 7:23

Te mala leghuni nogna vetula mae Moses na ghotilo tohi fagaglana sua nalhaꞌu na ka fahanagna narane na. Te khale kau narane Sabat fahanagna u narane na ghotilo ginauna eni tohi fagaglana na kau narane tuana. Naugna unha site diꞌatami ghotilo ka iara kate fakelini iara thinigna thongana kaisei mae kau narane Sabat gnea?