Matiu 11:7 - Buka Blahi Ka Cheke Holo

⁷ Aonu, ke leghugna teke pulohi nogna mae fanomho Jone igre, mae Jisas ne toutonu eigna mana ka naiknore. Mana ne ghusna eghu ka mare, “Ghotilo teke tei ka namono nagou ia unha nafnata naikno teke tei filoni ghotilo jare na? Ghotilo neke tei filoni kaisei mae jateula fora te blele tafri kau nuri ra neku? Theo!

Matiu 11:7 ပူးပေါင်းရင်းမြစ်များ

Jemes 1:6

Nu kate tore ka God na, ghotilo fatutuani ni God nei thosei ghatho peapea. Naugna mae ihei te ghatho peapea na, mana khogla jateula galo te haghe nei ke soru teu ka nuri na ia eghu kolho.

Jone 5:35

Mae Jone gne jateula kaisei juta te faghano phae te mala filo fakelini u nabrou te tei ka God ia eghu. Eghuteuna katha vido ikoi ghotilo neke nomhidi chekegna mana re neke gleale'a fara.

Efesus 4:14

Kate kotu haghe te naikno biꞌo na, tahati ginauna theome jateula vaka te pala tafri ka nuri ba galo biꞌo ia eghu. Tahati ginauna theome tangomana te ghosei leghuni u nafnata farirhiu te chaichaghi na. Neuba hatimare mae velepuhi chaichaghi are ne magnahaghei chaghi ghita tahati kolho mala leghuni tahati nabrou te jafra na.

Jenesis 49:4

Nu puhimu iagho na mala jateula khoꞌu te britha te nheta fara te theome tangomana kaisei naikno te kegra fothini ia eghu. Eghume iagho theome nabamu te batudi hatimare mae thabusimu igre eghu, naugna iagho neke thuru fodu balugna fapea khetogna mae kmamu na. Iagho famamaja ghau iara fara kate eni iagho puhi te diꞌa fara igne.

Luku 8:18

Naugna te eghu tuana me, ghotilo faghano fanomho fakeli ka cheke igre. Naugna mae ihei te au nogna glepo na, God ginauna nake tusu ranghini mana keha glepoi. Nu mae ihei te theo nogna glepo na, neubane katha ikoi kolho te au ka mana na, God ginauna nake hata fadelei ka mana.”

Matiu 21:25

Ba, nolaghi teke faꞌapublahi naikno mae Jone ia neke mei funu ka God, ba funu ka naikno kolho? Chekeni ka iara.” Aonu, mare ne funu fapoaphola fari thedi ne cheke eghu, “Jame cheke eghu tahati na, ‘God ngala teke tusu lao nolaghi ka mae Jone na,’ mana ginauna cheke eghu ka tahati, ‘Jame teuna, naugna unha ne theome leghuni ghotilo unha teke chekeni mae Jone na?’

Matiu 3:5

Kmana naikno ne tei fanomho ka mae Jone. Mare mei funudi Jerusalem, nei ka namono te gnafa ka Provins Judia, nei ka namono te falithuini Kho'u Jordan.

Jone 1:38

Mae Jisas figri ne filodi phiamare te mei ke leghugna re. Mana ne cheke eghu ka phiamare, “Magnahaghei unha si ghopa ia?” Phiamare ne cheke eghu ka mana, “Rabae, au aheva si iagho ia?” Cheke “Rabae” teu igne gaoghathogna na “Mae velepuhi” eghu.

Matiu 11:8

Ba, neke tei filo unha? Filoni kaisei mae te pipichi famane pohe? Theo! Ihei te pipichi nafnata pohe tuare au ka nogna suga mae funei.

Matiu 12:20

Naikno te nigra fei thini ba fatutuani, mare jateula fora te namo klopa ba juta te namo lehe ia eghu. Nu mae igne ginauna theome thododi naikno te nigra igre. Nu mana ginauna eni fabrahu igne ghilei thokeni narane naikno te theome Jiu gre nate hatani nakarha nogna God.