Matiu 11:6 - Buka Blahi Ka Cheke Holo

⁶ Eghume, ihei te maku fabrahu ka iara nogna fatutuani na, mana ginauna gleale'a fara.”

Matiu 11:6 ပူးပေါင်းရင်းမြစ်များ

Ululahu Korin 2:14

Ihei te theome au tagna u Tharunga te Blahi na, mana theome tangomana te hata u farirhiu te tusu mei Tharunga gna God na. Mana theome lasedi gaoghathodi farirhiu igre, eghuteuna farirhiu igre theo nafudi kolho ka mana. Eigna ihei ngala te baubatu tagna Tharunga te Blahi na te tangomana te mala lasedi nogna farirhiu mana re.

Matiu 26:31

Mae Jisas ne cheke eghu ka nogna mae fanomhore. “Ginau bongi na ghotilo na kafe tei koko ghau iara eigna unha nate eni mare ka iara na. Igne unha teke chekeni God ka grioriso te blahi na: “ ‘Iara ginauna faleheni mae greireghi sipu na, eghuteuna tothoghei sipu igne ginauna kafe rikiraka tafri.’

Jone 6:66

Ke leghugna te cheke eghu mae Jisas igne, kmana naikno teke leghuni fabrahu mana re, mare ne tei kokoni mana neke tirodi leghuni mana.

Matiu 24:10

Ka narane tuana kmana naikno teke fatutuanire ginauna nake theome fatutuani. Mare ginauna majora fari thedi, eghuteuna kehare ginauna theome magnahaghedi kehare.

Ululahu Pita 2:8

Eghuteuna ka keha grioriso te blahi na cheke eghu, “Naiknore ginauna totokhei ka thina igne. Eghuteuna mare ginauna na uka ka thina igne.” Mare uka naugna mare ne theome leghuni unha te chekeni God na. Igne unha te ghathoni God te maladi mare na.

Matiu 18:7

Thono diꞌa fara naiknogna nauthoglu igne, naugna kmana glepo te batu fadiꞌadi nodi fatutuani naiknore. Glepo igre ginauna edi fabrahu ngala, nu thono diꞌa fara mae ihei te edi glepo igre.

Galesia 5:11

Kheraguro, jame tutuani te toutonu fabrahuni teu iara eigna vahe na, naugna unha si naiknore te para ghau iara gne? Jame toutonuni teu iara eigna vahe na mae Jiu gre ginauna theome diꞌa tadi ka iara kate toutonu iara eigna glehegna Kraes ke kligna gaju fafatha ia.

Nodi Khoje Hatimare Mae Jiu 119:1

Naikno te thofno doglo fara nakarhadire mare thofno glealeꞌa nodi fara, naugna mare ne leghudi nogna vetula Lord re.

Luku 2:34

Eghuteuna mae Simion ne fablahidi retilo ne cheke eghu ka Meri, “U sua igne God neke vahini mala fakarhidi kmana naiknodi Israel te au ka nakhibo, nei mana na theome fakarhidi kmana naiknodi Israel iheire te fahaehaghedi thedi. Naugna mana ginauna na kaisei fagaglana te mei vuhagna ka God. Kmana naikno tirodini mana.

Matiu 5:29

Nu, jame te batu nigho tatha fei nhetamu na kau puhi te diꞌa na, iagho bilo koko. Theome keli te lisa lao iagho thinimu fateo na Gehena ka khaꞌaghi te karha fabrahu na. Te keli na iagho koko ngala vido ikoi tuana.

Matiu 13:21

Nu theome sukha pari ka nagnafagna mana na kolho, eghume theome au raugha kolho. Kate thoke mei puhi biꞌo ba naꞌau papara naugna te fatutuani ni chekegna God.

Nonomho Te Keli Teke Risoi Mae Mak 6:3

Tahati laseni mae kapenta igne, mana thugna Meri kolho. Eghuteuna mae tahigna mana re mae Jemes, mae Josep, mae Judas nei mae Simon. Eghuteuna, greghagnare kafe au teu ngala igre. Mana kaisei mae kolho, mana neke theome mei funu ka God.” Aonu naiknore ne filo faparini kolho mana.

Luku 7:23

Eghume, ihei te maku fabrahu ka iara nogna fatutuani na, mana ginauna na gleale'a fara.”

Jone 16:1

Mae Jisas ne cheke eghu, “Iara chekedi glepo igre ka ghotilo mala thosei blogho ghotilo nomi fatutuani na.