Matiu 11:29 - Buka Blahi Ka Cheke Holo

²⁹ Ghotilo mei mala leghuni nogu vetula iara gne, eghuteuna iara ginauna farirhiu ghami ghotilo, naugna iara mae au kmu nei nhaꞌa fapari ghau thegu. Eghuteuna ghotilo ginauna na ludeni vido mala gnafa na.

Matiu 11:29 ပူးပေါင်းရင်းမြစ်များ

Profet Jeremaea 6:16

Lord ne cheke eghu ka nogna naiknore, “Ghotilo ghaoghatho fakeli mala laseni nabrou aheva nate leghuni ghotilo na. Ghotilo mala filoni famane nabrou teke leghuni mae kuꞌeda tifa ra. Eghuteuna ghotilo mala jaola leghuni nabrou igne. Jame te eni ghotilo igne na, ghotilo ginauna na au fakeli nei na au ka pharikeli ka nakarhami na.” Nu ghotilo tiromi neke cheke eghu, “Theo! Ghehati theome magnahaghei te leghuni nabrou te keli igne!

Jone 13:15

Iara eni glepo igne ka ghotilo mala filo leghuni ghotilo, mala eni ghotilo jateula teke eni iara ia eghu.

Matiu 7:24

Mae Jisas ne cheke eghu, “Eghume, mae ihei te nomhidi chekegu iara igre nei leghudi teuna, mana ginauna jateula kaisei mae te lalase babana nogna suga na ke tagru glose te saesape ka thina ia eghu.

Hibru 5:9

Kate loku fahui mana unha teke magnahagheni God na, mana mala au fabrahu mala fakarhidi naikno te gnafa te leghuni mana re.

Fapea Korin 10:1

Keha naikno ka ghotilo cheke eghu, “Kate au teu delei na mae Pol gne cheke faheta fara ka tahati, nu kate mei agne na mana mhaghu te cheke fabiꞌo na!” Fanomho ka iara. Uve, Kraes na mae keli, eghuteuna mana theome ghosei diꞌatagna. Iara leghuni puhigna mana na. Eghume te chekeni iara ka ghotilo na,

Matiu 28:20

Nu farirhiudi mala leghudi mare gobigna lepo te chekedi iara ka ghotilo ra. Ghotilo laseni, iara ginauna na au balumi ghotilo fabrahu ghilei thoke ka huigna nauthoglu igne.”

Profet Sekaraea 9:9

Lord ne cheke eghu, Ghotilo naiknomi Saion! Ghotilo glealeꞌa! Ghotilo naiknomi Jerusalem! Ghotilo mala eha fabiꞌo! Filo ghotilo! Nomi King ghotilo la mei gognarona. Puhigna na doglo fabrahu, eghuteuna mana la uludihi nogna naokare. Nu mana nhaꞌa faparini thegna, eghuteuna mana saghe mei ka kaisei sua dongki.

Filipae 2:5

Gaoghathomi nei puhimi teu ghotilo re mala jateula gaoghathogna nei puhigna eghu mae Jisas Kraes.

Naba 12:3

Uve, mae Moses gne kaisei mae nhaꞌa faparini thegna. Theo kaisei naikno ka nauthoglu gne te tangomana nhaꞌa faparini thegna jateula mana teuna.

Matiu 21:5

“Cheke ka naiknodi Jerusalem, ‘Filo si ghotilo nomi King ghotilo na la mei ka ghotilo. Mana nhaꞌa faparini thegna la saghe ka dongki na. Mana saghe ka sua dongki na.’ ”

Fapea Korin 10:5

Eghuteuna ghehati tangomana te tapla sorudi thua nafnata cheke fahaehaghe te edi naiknore eigna thofno glalase nogna God. Ghehati fariuriu mala tuthughu gaoghathodi naiknore, mala thofno leghuni Kraes.

Ululahu Tesalonika 4:2

Eigna ghotilo lasedihi farirhiu teke tusu ari tami ka nogna nolaghi noda Lord Jisas.

Jone 13:17

Naugna ghotilo la lasedihi unha te chekedi iara igre. Eghuteuna ghotilo ginauna keli tami fara jame te leghudi re.

Matiu 17:5

Kate cheke mae Pita na, kaisei khoveo te siasigla ne kafe toku tafrudi mare. Eghuteuna ka vido tuana kaisei naogla ne mei funu ka khoveo na, ne cheke eghu, “Igne thofno mae Thugu iara na. Iara namhani mana nei keli taguni eghu mana. Ghotilo fanomho fakeli nei leghuni eghu mana!”

Fapea Tesalonika 1:8

Mana ginau mei funu kligna balu khaꞌaghi ngaja mala fatedi iheire te theome laseni God, nei iheire te tirodi leghuni u Nonomho te Keli eigna noda Lord Jisas Kraes.

Ululahu Korin 9:21

Eghuteuna kate loku iara baludi iheire te theome Jiure, iara na jateula mare eghu, eigna mare theome leghuni u vetula na. Iara eni igne te mala tangomana te toghodi iheire te fatutuani ni Kraes. Iara theome huhughuni nogna vetula God na, naugna iara tangomana te leghuni nogna vetula Kraes.

Mae Khuru 7:37

“Mae Moses igne neke cheke eghu ka naiknodi Israel re, ‘God ginauna na fakegra ranghi ghami ghotilo kaisei mae profet jateula iara eghu.’

Luku 8:35

Aonu naiknore mei ne filoni unha te toutonuni mare na. Eghuteuna kate mei mare ka mae Jisas na, mare ne filoni mae teke brue fajifla mae Jisas naiture tagna na. Mana pipichi pohe gnokro neu rhedi ghahegna mae Jisas re, eghuteuna gaoghathognare kela doglohi. Aonu naiknore ne mhaghu nodi fara.

Nodi Khoje Hatimare Mae Jiu 131:1

Lord God, iara la liliseihi puhi fahaehaghera, nei jaola liliseihi te cheke fahaehaghera eghu. Iara na theome fariuriu edi unha te ninhigrana fara te mala edi iara re, nei mala lasedi unha te ninhigrana naba te mala lasedi iara re.

Nodi Khoje Hatimare Mae Jiu 116:7

Eghuteuna iara gognaro na kela keli tagu fara, naugna Lord na thofno keli fara ranghi ghau iara.

Proveb 3:17

Gaoghatho te keli na ginauna faglealeꞌa nigho fabrahu, eghuteuna tusu ranghi nigho pharikeli.

Profet Isaia 28:12

Mana magnahaghei fara te tusu lao vido mala gnafa ka mare mala kafe glealeꞌa, nu mare tirodi fara te fanomho ka mana na.

Profet Isaia 29:19

Eghuteuna naikno te kuma te theome fnakno nanghadire ginauna glealeꞌa fara balu ragi, naugna Lord na nodi God Blahi mae Israel.

Fapea Kronikols 10:11

Tutuani fara, mae kmagu iara na neke para ghami ghotilo ka gloku te biꞌo fara, nu iara ginauna nake para ghami fara ghotilo ka gloku ke biꞌo laoi. Mana neke puri ghami ghotilo ka khodo, nu iara ginauna nake puri ghami ghotilo ka aean.’ ”