Matiu 11:28 - Buka Blahi Ka Cheke Holo

²⁸ “Ghotilo te babaꞌo ka nanhiꞌo te tahu ra mei ka iara mala gnafa, iara ginauna hata fadelei nanhiꞌo te tahu tuana ka ghotilo.

Matiu 11:28 ပူးပေါင်းရင်းမြစ်များ

Matiu 11:29

Ghotilo mei mala leghuni nogu vetula iara gne, eghuteuna iara ginauna farirhiu ghami ghotilo, naugna iara mae au kmu nei nhaꞌa fapari ghau thegu. Eghuteuna ghotilo ginauna na ludeni vido mala gnafa na.

Jone 7:37

Narane leghu lahu igne ngala narane biꞌo fara ka gaghamu na. Kau narane tuana mae Jisas kegra haghe farihoteigna nakhapru na ne cheke eghu fabiꞌo, “Mae ihei te roi koꞌu na mei ka iara mala koꞌu.

Jone 6:37

Naikno te gnafa teke tusu mei mae Mama ka iara re ginauna mei ka iara. Nu ihei te mei ka iara na iara ginauna theome brue fapuloni.

Galesia 5:1

Mae Kraes neke fasnagla ghita mala au snagla fabrahu tahati. Eghume ghotilo kegra heta. Thosei snakreni kaisei naikno me mala hata fapulo ghami jateula naikno sneka eghu.

Thakle 22:17

Tharunga te Blahi ghe khetogna Lam na, repa ne cheke eghu, “Mei sagho!” Naikno te gnafa te nomhini cheke igne mala jaola cheke eghu, “Mei sagho!” Iheire te magnahaghei hatani u karha te theo ka gnafagna na, ghotilo mei mala koꞌu kolho ka khoꞌu te tusu mei karha igne.

Profet Jeremaea 6:16

Lord ne cheke eghu ka nogna naiknore, “Ghotilo ghaoghatho fakeli mala laseni nabrou aheva nate leghuni ghotilo na. Ghotilo mala filoni famane nabrou teke leghuni mae kuꞌeda tifa ra. Eghuteuna ghotilo mala jaola leghuni nabrou igne. Jame te eni ghotilo igne na, ghotilo ginauna na au fakeli nei na au ka pharikeli ka nakarhami na.” Nu ghotilo tiromi neke cheke eghu, “Theo! Ghehati theome magnahaghei te leghuni nabrou te keli igne!

Nodi Khoje Hatimare Mae Jiu 116:7

Eghuteuna iara gognaro na kela keli tagu fara, naugna Lord na thofno keli fara ranghi ghau iara.

Profet Isaia 28:12

Mana magnahaghei fara te tusu lao vido mala gnafa ka mare mala kafe glealeꞌa, nu mare tirodi fara te fanomho ka mana na.

Matiu 23:4

Hatimare lilisei kmana vetula te ninhigrana ke klignami ghotilo. Nu mare thedi na ginauna theome tangomana te fariuriu leghuni kaisei vetula ka igre.

Hibru 4:1

Tutuani fara, God neke nhaꞌa soru nhaꞌa cheke igne mala tei gnafa tahati balugna mana. Eghume fiofilo ghitai eghu, na eghunu keha ka ghotilo theome ari thokeni namono mala gnafa na jateula mae Israel tifa ra eghu.

Profet Isaia 66:2

Iara thegu teke vuavuhadi maloa ghe nauthoglu igre baludi gobigna lepo te au ke lamnadi. “Nu iara keli tagu fara ka nafnata mae te nhaꞌa faparini thegna igne, ba mae te diꞌa nagnafadi nakhibognare, mana thofno ghatho tahu ghau iara, eghuteuna leghuni nogu cheke iara na.

Nodi Khoje Hatimare Mae Jiu 38:4

Gognaro na iara knoho ka nakhibo jateula te knoho ka nhorora neu, eghuteuna iara theome tangomana te pala haghedi nakhibogure naugna ne tahu fara.

Fapea Tesalonika 1:7

Eghume te chekeni iara ka ghotilo iheire te au papara fara ra, God ginauna fagnafa ghami ghotilo balumi ghehati kate thakle meigna Lord Jisas funu kligna balu nogna tothoghei engel te nolaghi.

Profet Isaia 11:10

Ka narane igne, king te jateula glathi ka vikegna King Devet teu igne, ginauna na jateula kaisei flagi eghu, mala tangomana naiknodi keha kantri are te mei filoni mana. Eghuteuna naikno te gnafare ginauna ghatho tahuni namonogna mana Jerusalem.

Nodi Khoje Hatimare Mae Jiu 94:13

Eghuteuna iagho ginauna theome snakreni kaisei hoholo mala thokeni mana. Uve, iagho ginauna toghoni mana mala au fakeli ghilei thokeni narane te mala paradi iagho naikno te diꞌa re.

Profet Isaia 61:3

eghuteuna mala fameomegodi nei faglealeꞌadi eghu naikno te diꞌanagnafa ka namono Saion. Mare ghiha nakrofu ka phaꞌudire fagaglana gna nodi diꞌanagnafa na, nu mare ginauna nake gleale'au, jateula te fahaghe khepi nafnakno ra eghu. Tifa na mare neke diꞌanagnafa nei tanhi neku, nu ginauna mare na koje mala kilo fnaknoni Lord. Mare ginauna doglo ke ulugu iara jateula gaju ok te doglo teke joꞌu thegna Lord ra eghu. Eghuteuna mare te gnafa na ginauna kilo fnaknoni Lord eidi glepo te keli teke edi manare.

Eklesiasti 1:8

Eghume, gobigna lepo igre na eghu fabrahu kolho tifa tifa. Leuleghu narane na tahati filo tathada glepo igre, eghuteuna tahati nomhidi glepo igre, nu tahati theome chekeni la nabahi teuna.

Eklesiasti 4:8

Jame kaisei mae au sopa thegna, mae igne theo thabusigna, ba thugna, nu leuleghu narane na mana loku heta fabrahu theome gnafa kaisei narane, naugna mana magnahaghei sileni biꞌo. Nu mae igne theome ghusna eghu ka thegna, “Mala toghoni ihei si gloku biꞌo te edi iara leuleghu narane te theome gnafa igrea?” Nafnata puhi te eni mana igne thofno diꞌa fara nei theo nafugna eghu kolho.

Mae Khuru 15:10

Eghume gognaro na ghotilo magnahaghei te fariuriuni God ka puhi te nhaꞌa lao kaisei vetula te mala leghuni iheire te theome Jiu te ruma mei ka khiloau gre. Nu u vetula tuana mae kuꞌeda tifa ra ba tahati na theome tangomana te leghuni.

Thoutonu Eigna Mae Job 5:7

Naikno na ei puhi biꞌo mala thokeni thegna. Uve, tuana jateula khaꞌaghi te deudeplu haghe ra eghu.

Nodi Khoje Hatimare Mae Jiu 32:4

Bongi narane na khamemu iagho na para ghau iara fara. Iara theo kaisei nogu nolaghi kolho, jateula khoꞌu te krango ka naprai ia eghu.

Eklesiasti 1:14

Iara la filodihi gobigna lepo teke edi ka nauthoglu igne, nu unha te chekeni iara na, gobigna lepo igre theome nanaba ka gaoghathoda tahati re. Tahati jateula te ngolho leghu ka nuri ia eghu kolho.

Profet Isaia 1:4

Ghotilo nogu naikno iara igre thono diꞌa fara! Eghuteuna puhimi ghotilore jaola thono diꞌa fara. Ghotilo naikno mala tapla jafra fabrahu ka nakhibo kolho. Eghuteuna ghotilo la tei kokonihi Lord. Uve, ghotilo tiromini nodi God maedi Israel te thono blahi fara igne la figri tagrunihi mana.

Thoutonu Eigna Mae Job 14:1

“Naikno na karha ka gaꞌase, nakarhagna na sokmo fara, eghuteuna mana au ke lamna kmana puhi biꞌo.

Profet Jeremaea 31:25

Jame ihei te babaꞌo na, iara ginauna nake farheta fapuloni. Eghuteuna jame ihei te rofo na, ba te roi koꞌu na, iara ginauna tusu ranghini gano nei khoꞌu eghu mala ke rheta fapulo.”

Mae Khuru 20:35

Ka nogu gloku te gnafare, iara falalase ka ghotilo unha jame te edi koba tahati te mala toghodi iheire te nigra. Eghume tahati thosei ghatho ihoni u chekegna noda Lord Jisas, teke cheke eghu mana ia, ‘Mae ihei te tuatufa na, mana keli tagna fara ke tulaogna mae ihei te hata glepo malagna thegna kolho.’  ”

Profet Jeremaea 35:16

Vikegna mae Jonadab thugna mae Rekab igre, mare leghuni fabrahu cheke gna mae kuꞌedi tifa na, nu ghotilo gne theome leghudi nogu cheke iara re.’