Matiu 11:23 - Buka Blahi Ka Cheke Holo

²³ Ghotilo naikno te au Kapanam ra, na eghunu nhaꞌa haghe ghami God kligna eghu jau si ghotilo gaoghathomi na? Theo fara! God ginauna koko soru ghami ghotilo Hades ka namonodi naikno tela lehehi ra. Nu jame filodi naikno te diꞌa ka namono Sodom kofubobhoi te edi God ka ghotilo igre meuna, naikno te diꞌa di Sodom igre jame tughu nagnafahi. Eghuteuna namono Sodom gne jame au ngala gognaro na.

Matiu 11:23 ပူးပေါင်းရင်းမြစ်များ

Matiu 4:13

Mana ne kulu tei Nasaret, eghuteuna mana theome au raugha jare. Nu mana jifla neke tei au Kapanam, kaisei namono rhegna Kholo Galili, ke lamnagna nohi Sebulun nei Naftali.

Jenesis 13:13

Naiknodi Sodom gre thono gnognoro fara, eigna ne edi kmana nafnata nakhibo te theome doglo ka tathagna Lord na.

Thakle 11:8

Eghuteuna thinidi phia mae igre ginauna thuru jare ka nabrou biꞌo gna namono na, eigna tifa na mare neke tupijuruni nei faleheni neku nodi mae funei phiamare na ka gaju fafatha. Nanghagna namono biꞌo igne, Sodom ba Ijep. Igne kaisei cheke naba eigna namono biꞌo Jerusalem.

Letas Teke Rioriso Mae Jud 1:7

Ghotilo jaola ke ghatho fapulodi phei namono biꞌo Sodom ghe Gomora nei keha namono te au faligohodi phei namono biꞌo tuare. Naiknodi namono igre neke jafra jateula engel te jafra teke theome leghuni God igre neku. Naugna namono igre fodu ka gnognoro, eghuteuna mae nalha'udire neke gnognoro fari thedi. Aonu mare neke au papara ka khaꞌaghi te theo ka glehegna na. Eghume mae igre kaisei fagaglana mala filoni tahati hui.

Mae Khuru 2:27

Naugna iagho ginauna na theome lisa laoni tharungagu na Hades. Eghuteuna iagho ginauna theome snakreni nou Mae Blahi na mala boto ke lamna gluma.

Luku 14:11

Eghume, mae ihei te nhaꞌa faꞌuluni thegna na, God ginauna nake nhaꞌa faleghuni mana. Nu mae ihei te nhaꞌa faleghuni thegna na, God ginauna nake nhaꞌa faꞌuluni mana.”

Matiu 16:18

Eghume te chekeni iara ka iagho na, iagho mae Pita jateula kaisei thina eghu. Kate babana iara nogu khiloau na, thina igne ginauna na famamhaku hi. Eghuteuna, nogna nolaghi glehe na ginauna na theome tangomana nate tapla soruni nogu khiloau iara na.

Matiu 8:5

Kate posa mae Jisas ka namono Kapanam, kaisei mae funeidi hatimare mae armi di Rom mei ne tore ka mae Jisas, ne cheke eghu ka mana,

Profet Obadaea 1:4

Nu te chekeni iara ka ghotilo na, neuba ghotilo ne flalo kligna jateula gaghata neu, ba hohoro nomi suga fari hotei nathunu ka maloa kligna, iara ginauna koko soru ghami ghotilo pari.

Lamentations 2:1

Lord ne toku tafru namono Jerusalem kate diꞌatagna na. Diꞌatagna mana igne jateula saeklon biꞌo te toku tafru namono na ka gromno biꞌo ra neu. Tifa na Jerusalem gne neke kaisei famane namono agne Israel, aheva te au nogna Sugablahi funei na. Nu ka narane te diꞌatagna Lord igne, mana goigoni namono igne, eghuteuna mana theome ghatho tahuni Sugablahi igne.

Luku 16:23

Nu God ne kuruni mae te dedei ne tei ka vido aheva te au naikno te lehere ne au papara fara jare. Mae dedei ne filo gaꞌuni mae Ebraham balugna mae Lasaros.

Luku 4:23

Mae Jisas ne cheke eghu ka mare, “Iara laseni, ghotilo ginauna na chekeni ka iara chekegna tifa igne, ‘Ghema dokta, kulu fakeli fapulo nigho themu sagho!’ Eghuteuna ghotilo ginauna na cheke eghula ka iara, ‘Ghehati nomhidihi glepo teke edi iagho Kapanam ra. Eghume, gognaro na jaola ke edi sagho glepo tuare agne ka namonomu themu gne!’ ”

Matiu 17:24

Mae Jisas baludi nogna mae fanomhore ne tei ka namono Kapanam. Kate au teu mare jare na, keha mae mala salo takis gna Sugablahi na mei ne ghusna eghu ka mae Pita, “Ba, nomi mae velepuhi ghotilo gne foli takis langau signea?”

Profet Esikiel 26:20

Eghuteuna iara ginauna kuru tei ghami ghotilo ka namonodi naikno teke lehe ra, mala au baludi iheire teke lehehi tifa ra. Ghotilo ginauna soru pari lamna glose mala au fabrahu baludi mae teke lehe ka namono tela diꞌahi ra. Eghuteuna ghotilo ginauna theome tangomana na teke karha fapulo kau glehe na.

Profet Esikiel 31:14

Eghuteuna funu ka narane tuana te mei na, theo kaisei gaju te kotu te brahu te tei posa ka maloaro jateula gaju igne teuna. Gaju te gnafa re mala lehe, jateula naikno na lehe eghuteuna tei pari ka namonodi mae te lehera.

Profet Esikiel 32:18

“Maegna ka nauthoglu. Iagho tanhi nei diꞌanagnafa eghu eidi naiknodi Ijep eigna mare ne kmana fara. Iagho kuru sorudi ka beku baludi naiknodi keha kantri te nheta fara are, mala au baludi iheire tela teihi ka namono igne.

Profet Esikiel 32:24

“Mae soldia funudi Elam igre jaola teihi pari ka nodi namono mae te lehe ra. Mae iheire te lehe ka magra ra nodi bekure au lithui jare. Kani karhadi tekure mae igre neke famamhaghudi fara naiknore, eghuteuna gognarona mare lehe jateula khuma mata eghu kolho, eghuteuna thuru soru ka beku igre. Mare mamaja jateula mae iheire jaola teke lehe ka magra ra eghu.

Matiu 10:15

Tutuani fara te chekeni iara ka ghotilo na. Ka narane fate na thono diꞌa fara ranghidi naikno te diꞌa te au kau namono tuana ke tulaodi naikno te diꞌa di Sodom ghe Gomora tifa ra.

Luku 10:15

Ghotilo naikno te au ka namono Kapanam ra, na eghunu nhaꞌa haghe ghami God kligna eghu jau si ghotilo gaoghathomi na? Theo fara! God ginauna koko soru ghami ghotilo Hades ka namonodi naikno tela lehehira!

Mae Khuru 2:31

Mana ne kulu filo glanihi unha nate eni God ginauna. Aonu mana ne cheke eigna mae Kraes nate karha fapulo na, neke cheke eghu, ‘God na theome lisa laoni mana mala au Hades. Eghuteuna mana theome snakreni thinigna na mala boto lamna gluma.’

Thakle 1:18

Iara mae ihei te karha tifa te tifa. Tutuani! Tifa na iara neke lehehi, nu gognaro na iara kela karha fapulo mala au fabrahu tifa tifa. Iara au nolaghi te mala cheke ranghini ihei te mala au ka glehe nei ihei te mala au ka karha na. Iara jaola au nolaghi te mala cheke ranghini ihei nate tei Hades ka namonodi naikno tela lehehira.

Thakle 6:8

Iara filo lao ne filoni kaisei hose ne jifla mei, eghuteuna thinigna hose tuana jateula teke lehehi eghu thono diꞌa fara filogna na. Nanghagna mae te gnokro ka hose tuana, “Glehe”. Eghuteuna “Hades”, namonodi naikno te lehehira, ne mei namo fara ke leghugna mana. Eghuteuna God ne tusu ranghidi ka Glehe ghe Hades u nolaghi te mala falelehe kaisei ka fati naikno te gnafa ka nauthoglu igne. Tutuani, Glehe ghe Hades tangomana te falehedi naiknore ka magra biꞌo, ka grofo, ka fogra nei ka bosu mata gna nauthoglu igne.

Thakle 20:13

Glehe ghe namono Hades ne snakre haghedi naikno te gnafa teke lehe te au ke lamnadire, eghuteuna nhorora na jaola ne snakre haghedi naikno te gnafa te au ke lamnagna. Mana ne fatedi naikno igre leghuni unha teke edi teke mei mare ka nakarhadire.