Matiu 11:22 - Buka Blahi Ka Cheke Holo

²² Tutuani fara, te chekeni iara ka ghotilo na, ka narane fate na God ginauna kokhonidi naiknodi Taea ghe Saedon igre ke tulaomi ghotiloi.

Matiu 11:22 ပူးပေါင်းရင်းမြစ်များ

Matiu 11:24

Tutuani fara, te chekeni iara ka ghotilo na, ka narane leghu lahu na God ginauna fatedi naikno te au ka namono igne. Fate tuana ginauna biꞌo fara uludi narane teke fatedi mana naikno te diꞌa te au ka namono Sodom.”

Matiu 10:15

Tutuani fara te chekeni iara ka ghotilo na. Ka narane fate na thono diꞌa fara ranghidi naikno te diꞌa te au kau namono tuana ke tulaodi naikno te diꞌa di Sodom ghe Gomora tifa ra.

Ululahu Jone 4:17

Ka igne nogna namha na horoghoto ke lamnada mala frane tahati ka narane te mala fate ghita na. Naugna ka nauthoglu gne tahati jateula mana.

Matiu 12:36

Nu te chekeni iara ka ghotilo na, kau narane fate na, naiknore ginauna na rurutha ka God eidi nafnata cheke te theo nafudi teke chekedi thedire.

Luku 10:14

Nu ka narane fate na God ginauna kokhonidi naiknodi Taea ghe Saedon igre ke tulaomi ghotiloi.

Profet Esikiel 29:18

“Maegna ka nauthoglu. King Nebukadnesa gna Babilonia balu nogna armi jifla la tei magra koba ka namono Taea. Mana huhurudi nogna soldia re mala pala glepo te tahu re ka phaꞌudi nei fafradi teure. Eghuteuna khakla ka phaꞌudi re krathu ne hui eghuteuna fafradi re jaola ne ukru ka thubu. Nu eidi gloku biꞌo te gnafa te edi mare igre, king igne baludi nogna soldia te gnafa mana igre theome uluni kolho kaisei glepo, te mala jateula nodi taba teu mare na.

Profet Jeremaea 27:3

Eghuteuna iagho faꞌatha nogu cheke iara igne ka mae te atha nonomho te tei Jerusalem ka mae Sedekaea, king gna Juda mala atha tei mare ka king gna Idom, nei ka king gna Moab, nei ka king gna Amon, nei ka king gna Taea nei ka king gna Saedon.

Profet Jeremaea 25:22

King di Taea nei King di Saedon, nei King te gnafa te au ka vido rhegna Mediterenian, nei naiknodi thilo namono:

Fapea Pita 3:7

Nu ka chekegna God tuana la, maloa ghe glose te au teu gognaro gre na ofoniu kolho khaꞌaghi na mala nhako. Maloa ghe glose gre na ofou ghilei thoke mei narane God nate fatedi naikno te diꞌare, eghuteuna kafe faluvudi iheire te theome leghuni mana na.

Fapea Pita 2:9

Thoutonu igre falalase ranghi ghita Lord ginauna fakarhidi iheire te fatutuani ni mana kate thoke meidi hoholo. Nu iheire te theome doglore, Lord ginauna paradi ghilei thokeni narane te mala fatedi naikno te gnafare.

Hibru 2:3

Eghume, te theome ghatho tahuni tahati chekegna God te mala thofno fakarhi ghita na, tahati theome tangomana te fafraini glehe na. Thegna Lord neke kulu cheke eigna u karha igne. Eghuteuna iheire teke thofno nomhini ka thegna mana u cheke igne, mare fatutuani neke cheke eghu ka ghehati, “Thono tuani fara.”

Profet Joel 3:4

“Ghotilo naiknomi ka phei namono biꞌo Taea ghe Saedon, nei ghotilo naiknomi ka kantri Filistia! Unha te magnahaghei eni ghotilo ka iara na? Iara neke theome eni kaisei puhi te diꞌa ka ghotilo. Iara neke theome eni kaisei puhi te diꞌa mala ke foli fapulo ghotilo ka iara. Jame te eghu na, iara ginauna nake tughu fapulo ka ghotilo.

Matiu 11:21

Mana ne cheke eghu, “Puhi biꞌo ka ghotilo naiknomi ka namono Koresin! Puhi biꞌo ka ghotilo naiknomi ka namono Betsaeda! Naugna ghotilo ne tiromi leghuni chekegna God. Kofubobhoi te edi iara ka ghotilo ra, jame edi ka namonodi mae bongihehe Taea ghe Sidon gre meuna, mare jame gnokrohi pari balu pohe thapa nei ghiha nakrofuhi eghu ka thinidire, fagaglana gna tela tughu nagnafahi nei koko nakhibohi teuna.

Thakle 20:11

Aonu iara ne filoni kaisei nogna sape nafnakno biꞌo mae King te vegha fara na, eghuteuna iara jaola filoni mae te gnokro teu tagna na. Eghuteuna nauthoglu ghe maloa re ne rikha kokoni mana ne dofidi.

Thakle 20:12

Eghuteuna iara ne filodi naikno te gnafa teke lehe ra, mae teke fnakno ba mae teke theome fnakno tifa ra, mare kegra ke ulugna nogna sape nafnakno mae King na. Eghuteuna mare ne tothora bukare mala toutonudi unha teke edi teke mei naikno te gnafare ka nakarhadire. Aonu mare jaola ne tothora nogna buka God na. Mana neke rioriso soru nanghadi naikno te mala karha fabrahu tifa tifa ka buka igne. Mana ne kafe fatedi naiknore leghudi unha teke edi mare re.