Matiu 11:21 - Buka Blahi Ka Cheke Holo

²¹ Mana ne cheke eghu, “Puhi biꞌo ka ghotilo naiknomi ka namono Koresin! Puhi biꞌo ka ghotilo naiknomi ka namono Betsaeda! Naugna ghotilo ne tiromi leghuni chekegna God. Kofubobhoi te edi iara ka ghotilo ra, jame edi ka namonodi mae bongihehe Taea ghe Sidon gre meuna, mare jame gnokrohi pari balu pohe thapa nei ghiha nakrofuhi eghu ka thinidire, fagaglana gna tela tughu nagnafahi nei koko nakhibohi teuna.

Matiu 11:21 ပူးပေါင်းရင်းမြစ်များ

Mae Khuru 12:20

Kate au teu jare na, mae Herod neke diꞌatagna fara ka naiknodi phei namono biꞌo Taea nei Sidon. Aonu mae biꞌodi phei namono tuare ne loku fodu mala tei filoni mae King Herod. Ulu lahu na mare ne kulu famaemaheni mae Blastus, mae ihei te mae biꞌo ka nogna tothoghei mae gloku mae Herod re mala toghodi mana. Ke leghugna igne mare mei ne toreni u pharikeli na ka mae Herod, naugna funu tifa te mei na mare jare ka namono te funei frunini mae Herod tuana te mala foli gano koba na.

Jone 12:21

Mare mei ne thafoni mae Filip, mae Filip gne mae gna Betsaeda ka nohi Galili. Mare ne cheke eghu ka mana, “Mae biꞌo, ghehati magnahaghei mei filoni mae Jisas.”

Luku 9:10

Kate gnafa nodi gloku na, mae khurure neke pulo mei ka mae Jisas. Mare ne toutonu ka mana gobigna lepo teke edi mare re. Ke leghugna igne, mare ne tei balugna mae Jisas ka kaisei namono te kiloi Betsaeda. Mare ne tei au thedi jare.

Nonomho Te Keli Teke Risoi Mae Mak 6:45

Ke leghugna igne mae Jisas ne cheke ka nogna mae fanomhore mala saghe ka mola na tei ka namono Betsaeda ka keha phile kholo na. Mana au faleghu neu mala kuru fapulodi ghu naiknore ka namonodire.

Matiu 15:21

Ke leghugna igne, mae Jisas jifla ka vido tuana baludi nogna mae fanomhore ne tei ka nohi te au phei namono biꞌo Taea ghe Sidon.

Thoutonu Eigna Mae Job 42:6

Eghume, iara tirogu ghau thegu, eghuteuna iara gnokro lamna nakrofu nei ka gaughavu glose fagaglana gna te tughu nagnafa iara na.”

Letas Teke Rioriso Mae Jud 1:11

Puhi biꞌo fara na thokei mei ka mare! Eigna mare ne leghuni puhigna mae Kein tifa ia. Eghuteuna mare jateula mae Belam eigna mare magnahaghei hata sileni fara kate toutonu chaghi na. Mare huhughuni God jateula mae Kora teke huhughuni God tifa ia eghu. Mare ginauna jateula mana eghu mala lehe.

Jone 1:44

Mae Filip gne mae gna Betsaeda, kaisei namono baludi mae Aduru ghe mae Pita.

Luku 6:17

Mae Jisas neke soru baludi nogna mae khurure funu ka thogele na. Mana soru ne kegra ka sare na baludi mae fanomho te kmanare. Eghuteuna kmana naikno ne mei funudi ka namono te iko tongana Judia, Jerusalem, nei ka namono te au ke tongna rhedi phei namono biꞌo Taea ghe Sidon.

Nonomho Te Keli Teke Risoi Mae Mak 8:22

Kate mei thoke mare ka namono Betsaeda na, keha naiknore hata ne mei kaisei mae te dofu ka mae Jisas, ne toreni mana mala haboni mala fakelini mae te dofu na.

Nonomho Te Keli Teke Risoi Mae Mak 7:31

Mae Jisas jifla ka nohi Taea, eghuteuna sala'u Saedon ne thoke ka Kholo Galili, ka nohi Dikapolis.

Matiu 18:7

Thono diꞌa fara naiknogna nauthoglu igne, naugna kmana glepo te batu fadiꞌadi nodi fatutuani naiknore. Glepo igre ginauna edi fabrahu ngala, nu thono diꞌa fara mae ihei te edi glepo igre.

Matiu 11:22

Tutuani fara, te chekeni iara ka ghotilo na, ka narane fate na God ginauna kokhonidi naiknodi Taea ghe Saedon igre ke tulaomi ghotiloi.

Mae Khuru 27:3

Ka keha narane na ghehati ne thoke Saedon. Mae Julias ne keli fara ranghini mae Pol ne snakreni mana mala tei filodi kheragna fofodu te au ka namono tuana. Mare tangomana te toghoni mae Pol ka unha te nabagna mana na.

Luku 4:26

Eghuteuna God neke theome kuruni mae Elija mala tei kolho ka thau te glehe kokoi Israel re, nu God neke kuruni mae Elija mala tei toghoni ngala naikno biꞌo te glehe kokoi te au ka namono Sarefat ka nohi Sidon.

Nonomho Te Keli Teke Risoi Mae Mak 7:24

Ke leghugna igne mae Jisas jifla jare ne tei ka nohi rhegna namono biꞌo Taea. Mana tei ne ruma ka kaisei suga, eghuteuna mana theome magnahaghei kaisei naikno te laseni aheva te au teu mana na. Nu ne eghu ba ngau, mana theome tangomana te poru na.

Matiu 26:24

Iara mae teke mei funu ka God na ginauna lehe jateula te chekeni ka grioriso te blahi ia eghu. Nu kokhonini fara mae ihei nate snakre lao ghau iara ka khamedi nogu naoka iara re. Nabagna na mae tuana jame neke theome karha ngala, naugna mana naꞌau papara fara!”

Profet Joel 3:4

“Ghotilo naiknomi ka phei namono biꞌo Taea ghe Saedon, nei ghotilo naiknomi ka kantri Filistia! Unha te magnahaghei eni ghotilo ka iara na? Iara neke theome eni kaisei puhi te diꞌa ka ghotilo. Iara neke theome eni kaisei puhi te diꞌa mala ke foli fapulo ghotilo ka iara. Jame te eghu na, iara ginauna nake tughu fapulo ka ghotilo.

Profet Emos 1:9

Lord ne cheke eghu, “Kmana fata naiknodi Taea tapla jafra ka nakhibo. Mare theome gnafa katha vido ikoi ka puhi igne. Thono theo fara. Kate tei ka magra te uluni kaisei namono na, mare hata naiknogna namono tuana mala tei foli jateula naikno sneka eghu ka kantri Idom. Tifa na mare neke nhaꞌa cheke mala au ka pharikeli baludi vike igre, nu mare theome leghuni kolho nodi nhaꞌa cheke na. Tutuani fara, iara ginauna roꞌeni namono biꞌo Taea eidi nafnata puhi te diꞌa te edi naiknore igre.

Thakle 6:12

Aonu kate filo teu iara na, mae Lam na ne hata koko fafamno loke gna buka na. Kaisei nakheu biꞌo ne nghali tongana, eghuteuna naprai na ne theome agha. Heva te heva ka nauthoglu igne na ne kafe romno soru, eghuteuna glaba na ne ukru jateula dadara neu.

Thakle 11:3

Eghuteuna ke lamnadi narane igre, iara ginauna tusu lao nolaghi ka phei nogu mae profet igre mala toutonuni phiamare chekegna God na. Phiamare ginauna pipichi pohe pipito teke hohoro ka khakla nanigot, fagaglana gna nodi diꞌanagnafa na.”