Matiu 11:18 - Buka Blahi Ka Cheke Holo

¹⁸ Naugna Jone neke mei ghamu nei koꞌu neku, eghuteuna naiknore cheke eghu, ‘Mae igne au kaisei naitu ke lamnagna signe.’

Matiu 11:18 ပူးပေါင်းရင်းမြစ်များ

Luku 1:15

Naugna ginauna mana na kaisei mae nafnakno ka tathagna Lord na. Eghuteuna mana na theome koꞌu waen ba unha nafnata khoꞌu te nheta fara. Nu funu ka karhagna na, mana na fodu ka Tharunga te Blahi.

Matiu 3:4

Pohe te pipichi mae Jone na neke horo ka khakla kamel, eghuteuna glepo te hugha mana ka sorogna na guli buluka. Gano te ghamu mana re khupo nei u jujurukuli.

Jone 10:20

Kmana naikno ka mare ne cheke eghu, “Mae igne au kaisei naitu ke lamnagna la fanolini pha'ugna mana na! Ghotilo thosei lao fanomho ka mana!”

Jone 8:48

Hatimare mae Jiu ne cheke eghu ka mana, “Tutuani fara te chekeni ghehati ka iagho na, iagho theome mae Jiu nu iagho maemu ka namono Samaria, eghuteuna kaisei naitu au ke lamnamu iagho. Ba, theome doglo si cheke te edi ghehati grea?”

Jone 7:20

Aonu naikno khapru teu jare re ne cheke eghu ka mana, “Ghema, kaisei naitu na au ke lamnamu iagho! Mae ihei gne site rogna falehe nigho iagho na ia?”

Matiu 10:25

Mae sikolu na nabagna te mala jateula nogna mae velepuhi na teuna, nu mae gloku na nabagna te mala jateula nogna mae funei na teuna. Nu keha naiknore kilo ghau iara Bielsebul, kaisei nanghagna mae Satan. Nu te cheke eghu mare ka iara nomi mae funei ghotilo na, mare ginauna na eghu la cheke fadiꞌa ghami ghotilo ke tulao gu iarai.”

Profet Hosia 9:7

Ghotilo maemi Israel ra fanomho fakeli, naugna narane teke lilisei God te mala para ghami ghotilo na la namohi. Eghuteuna nafnata puhi te para ghami God igne thofno doglo fara, eghuteuna unha najafra teke eni ghotilo na ginauna thono biꞌo fara. Eghuteuna ghotilo jateula te tiromi ghatho tahuni eghu mana. Iara lase ghami ghotilo cheke eghu ka iara, “Mae profet igne au tagna tharunga gna God, nu mana kaisei mae fagoigoli kolho eghu.” Ghotilo naikno igre tiromi ghau iara, naugna nakhibomi ghotilore biꞌo fara.

Profet Jeremaea 15:17

Iara theome gnokro ka gaghamu baludi keha naikno te gleale'a koba balu maꞌe are. Nu leuleghu fata na, iara au fabrahu kolho thegu, naugna diꞌatamu iagho ranghidi naikno igre fodu ka iara.

Ululahu Korin 9:27

Tutuani, iara thofno funei frunini nakarhagu thegu na mala nogu mae sneka iara. Naugna iara magnahaghei fara te hatini u thofno nakarha na. Uve, kate toutonuni iara ka naiknore eigna nabrou te mala hata thofno nakarha na, iara thegu na jaola leghuni nabrou tuana, na eghunu theome hata iara tabadi naikno khiloau te fatutuani ni Kraes re eghu.

Mae Khuru 26:24

Kate chekedi teu mae Pol glepo igre te mala tafragna thegna na, mae Festas ne fnaja fabiꞌo, “Ghema Pol, iagho la meomekro! Iagho hiohiro fabrahu ka buka la ghilei meomekro hila!”

Profet Jeremaea 29:26

‘Sefanaea, Lord na vahi nigho iagho mala tughuni mae Jehoeada mala mae pris ulu ka nogna Sugablahi Lord. Iagho tangomana te lokini kaisei mae fameomekro te loku jateula kaisei mae profet teu ana. Iagho loki khame gna nei ghahe gna teu manare fari hotei thaba, aonu fabaꞌo lao kaisei chen aean ka grara gna mana na.

Fapea Kings 9:11

Kate pulo mei mae Jehu ka keha mae komanda igre, mare ne ghusna eghu ka mana, “Ba, gobigna lepore keliu kolho? Unha eghu te chekeni mae te fameomekro ia ka iagho na?” Aonu mana ne cheke eghu, “Ghotilo lasedi nogna nafnata cheke mae igne ra.”

Matiu 9:34

Nu hatimare mae Farasi gre ne cheke eghu, “Mana tangomana ni kolho te bruedi naiture, naugna mae Satan, mae funeidi naiture, te tusu ranghini mana nolaghi te mala bruedi naiture.”

Matiu 11:17

“ ‘Ghehati koje ka nifu mala gleale'a nei ragi eghu ghotilo, nu ghotilo tiromi ragi kolho. Ghehati kojeni khoje te mala diꞌanagnafa na, nu ghotilo tiromi diꞌanagnafa nei tanhi eghu kolho.’

Nonomho Te Keli Teke Risoi Mae Mak 3:22

Keha mae velepuhigna vetula nogna mae Moses funudi Jerusalem ne cheke eghu, “Filoni si ghotilo, mae Satan mae te kiloi Bielsebul na au ka mana. Mae Bielsebul gne mae funeidi naiture, mana tusu ranghini mana nolaghi te mala bruedi naiture.”

Jone 8:52

Goro mae biꞌo re ne cheke eghu ka mae Jisas, “Uve, gognaro na ghehati lase nigho hi ka nou cheke themu re, iagho au kaisei naitu ke lamnamu. Naugna mae Ebraham ia la lehehi tifa nei hatimare mae profet ra jaola lehe hila. Nu te chekeni iagho na, ‘Mae ihei te leghuni chekegu iara na mana na theome lehe tifa e tifa.’