Matiu 11:17 - Buka Blahi Ka Cheke Holo

¹⁷ “ ‘Ghehati koje ka nifu mala gleale'a nei ragi eghu ghotilo, nu ghotilo tiromi ragi kolho. Ghehati kojeni khoje te mala diꞌanagnafa na, nu ghotilo tiromi diꞌanagnafa nei tanhi eghu kolho.’

Matiu 11:17 ပူးပေါင်းရင်းမြစ်များ

Profet Isaia 30:29

Nu tahati nogna naikno Lord ra tahati ginauna na glealeꞌa fara nei koje jateula te koje tahati ka Gaghamu Blahi ra eghu. Ginauna tahati glealeꞌa fara jateula naikno te fanomho ka khoje nifu te koje te tei ka nogna thogele blahi Lord ra eghu. Naugna mana noda Thina rheta nei noda vido keli mala poru eghu tahati maeda Israel.

Matiu 9:15

Mae Jisas ne cheke eghu, “Kheragna mae te mei kau gaghamu tolaghi na mare theome tangomana te diꞌanagnafa na, naugna mae te tolaghi na au baludi ngala mare. Nu narane te mala tei kokodi mae te tolaghi na kheragnare ginauna mei. Aonu ame tangomana nga mare te dangna nei diꞌanagnafa teuna eghu. Jateula tuana eghu kate au teu iara agne baludi nogu mae fanomhore, mare ginauna na theome dangna nei diꞌanagnafa eghu.”

Profet Jeremaea 31:4

Ghotilo nogu naikno iara. Iara ginauna na fakegra haghe ghami ghotilo maemi Israel mala kaisei vike te rheta tulao. Eghume ghotilo ginauna lalahu taborin nei ragi balu gleale'a.

Matiu 9:23

Mae Jisas ne tei ruma ka sugagna mae biꞌo na. Mana filodi kmana naikno te koje ka nifu mala giugilui, nei naikno te tanhi nei paopado fabiꞌo teu jare re,

Ululahu Kings 1:40

Mare te gnafa na ne kafe gleale'a fara ne leghuni nodi king majaghani na neke pulo Jerusalem. Ka narane igne mare ne kufli nei ifu balu thagru fabiꞌo neu ne nghali tongana glose na.

Luku 15:25

“Ka vido te edi mare igre, mae tighagna na au neu ka nagare na. Kate mei namo mana ka suga na, mana ne nomhidi naogladi nifu nei gragi.

Jenesis 50:10

Hatimare ne tei ka vido Atad, ke maghati khoꞌu Jordan. Jare mare ne tanhi fabiꞌo nei diꞌanagnafa eghu eigna mae Jekop. Eghuteuna mae Josep ne diꞌanagnafa nei tanhi neu nabagna fitu narane.

Matiu 11:16

“Iara lase ghami ghotilo naikno gognaro gne. Ghotilo jateula phei bukrei sua te gnokro ka glalaba na te eha eghu fari thedi ra eghu:

Matiu 11:18

Naugna Jone neke mei ghamu nei koꞌu neku, eghuteuna naiknore cheke eghu, ‘Mae igne au kaisei naitu ke lamnagna signe.’

Luku 7:32

Ghotilo jateula phei bukrei sua te gnokro teu ka glalaba na, te eha eghu fari thedi ira eghu, “ ‘Ghotilo te koje ghehati khoje te mala gleale'a nei ragi teuna, ghotilo tiromi ragi kolho. Nu te koje ghehati u khoje te mala diꞌanagnafa na, ghotilo tiromi diꞌanagnafa nei tanhi eghu kolho.’ Igne thotoghale eimi ghepa mae Jone Apublahi na.

Luku 8:52

Naikno te au ka suga tuana ne kafe tanhi balu diꞌanagnafa, naugna sua gaꞌase na la lehehi. Nu mae Jisas ne cheke eghu, “Thosei tanhi. Naꞌa theome lehe, nu naꞌa thuru au kolho!”

Luku 23:27

Kmana naikno ne tei balugna mae Jisas. Keha naikno biꞌo te tei baludi mare re diꞌanagnafa ne tanhini mae Jisas.