Matiu 10:41 - Buka Blahi Ka Cheke Holo

⁴¹ Ihei te taji fakelini kaisei mae profet, naugna te mae profet mana teuna, God ginauna tabani mana jateula ngau God te tabani mae profet tuana eghu. Nu mae ihei te taji fakelini kaisei mae te doglo, naugna te mae doglo mana ke ulugna God na, God ginauna tabani mana jateula God te tabani mae te doglo tuana eghu.

Matiu 10:41 ပူးပေါင်းရင်းမြစ်များ

Hibru 6:10

God theome lolodiadi nei theome ghatho ihodi nomi gloku te keli nei nomi namha eghu ghotilo ranghini mana ka teke toghodi ghotilo nogna naiknore. Eghuteuna mana ginauna ghathoniu ngala te toghodi fabrahu ghotilo re na taba ghami ghotilo.

Fapea Jone 1:8

Fiofilo ghami, thosei jateula mare eghu. Nu ghotilo mala hata fahui nomi taba teke kmusani themi na.

Jenesis 20:7

Gognaro na iagho ke hata fapulo gaꞌase igne ka mae thofno khetogna na, naugna mae igne kaisei nogu mae profet iara, eghuteuna mana ginauna na tarai nigho iagho, eghuteuna iagho ginauna na theome tangomana te lehe na eghu. Nu jame te theome hata fapulo iagho gaꞌase igne na, iagho ginauna na lehe baludi nou naiknore.”

Ululahu Korin 9:17

Jame thegu iara kolho teke vahini gloku igne na meuna, iara jame tangomana te hata sileni eigna. Nu iara neke theome vahini, iara eni kolho unha God teke cheke ranghi ghau na.

Matiu 16:27

Tutuani fara, iara mae teke mei funu ka God na ginauna nake pulo mei ka nauthoglu igne balu nogna nolaghi biꞌo mae Mama. Eghuteuna, nogna engel mae Mama re ginauna mei balugu iara. Ka narane tuana iara ginauna tabadi naiknore eidi unha gloku teke edi mare.

Matiu 6:18

Aonu naiknore ginauna theome tangomana te laseni te dangna teu iagho na eghu. Nu kaisei mae Kmamu te theome tangomana kaisei naikno te filoni na ngala te lase nigho iagho na. Eghuteuna mae Kmamu, mae ihei te filoi unha te eni poru iagho na, mana ginauna taba nigho iagho.”

Letas Teke Riso Tei Mae Pol Ka Khiloau Rom 16:23

Mae Gaeasi jaola kubae ghami ghotilo. Iara au ka sugagna mana gognaro na. Khiloau na salo fodu koba ka sugagna mana. Erastus mae mala reireghi sileni gna namono biꞌo Korin gne, nei mae kherada Kuotasi phiamare kubae ghami ghotilo.

Matiu 6:6

Nu iagho na, kate tarai na iagho ruma ka nou chogho na, eghuteuna bobotho grengatha na, eghuteuna iagho tarai poru ka mae Kmamu te theome tangomana ihei te filoi na eghu. Mana na filoni unha te eni poru iagho na eghuteuna mana ginauna taba nigho iagho.”

Mae Khuru 16:15

Naꞌa nei naikno te gnafa te au ka nogna suga na ne kafe apublahi. Aonu Lidia ne tore ghami ghehati mala tei ka sugagna na. Naꞌa ne cheke eghu ka ghehati, “Ne thofno kaisei naikno khiloau iara teu ghotilo gaoghathomi na, mei au ghotilo ka sugagu iara gne eghu.” Naꞌa ne cheke fara ka ghehati mala au balugna.

Matiu 6:4

Te eghu na, iagho themu ngala te laseni unha teke tufa iagho na. Nu mae Kmamu God mae ihei te filoni unha teke eni poru iagho na, nate taba nigho na.”

Matiu 6:1

Mae Jisas ne cheke eghu, “Fiofilo ghami ghotilo ia, thosei mala filo ghami nga eghu edi gloku te kelire ke uludi naiknore. Naugna mae Kmami ghotilo te au kligna na mana ginauna na theome taba ghami ghotilo.

Profet Isaia 3:10

Ghotilo cheke ka iheire te leghuni puhi te doglo na, eigna Lord ginauna fablahidi mare, naugna mare ne edi glepo te kelire.

Matiu 7:8

Naugna ihei te tore glepo ka God na, God ginauna na tusu ranghini mana, eghuteuna ihei te mei te hiro glepo ka God na, mana ginauna na ludeni, nei ihei te kikidi ka nogna grengatha God na, God ginauna na tora ranghini mana.

Matiu 25:44

“Mare ginauna jaola cheke eghu ka iara, ‘Lord, niha ghehati filo nigho teke rofo ba roi koꞌu ba jifla kokoni sugamu na ba soesole ba fogra ba au ka suga sosolo, nei theome togho nigho teku na?’

Matiu 25:45

“Iara mae King na ginauna cheke eghu ka mare, ‘Tutuani fara te chekeni iara ka ghotilo na. Kate tiromi toghoni ghotilo kaisei nogu naikno iara te au pari lahu ka igre na, ghotilo jateula te tiromi togho ghau iara eghu.’