Matiu 10:27 - Buka Blahi Ka Cheke Holo

²⁷ Unha te chekedi iara ka ghotilo kolho te nomhidi ghotilo igre, ghotilo ginauna tei cheke ranghidi naiknore mala kafe nomhidi mare.

Matiu 10:27 ပူးပေါင်းရင်းမြစ်များ

Mae Khuru 5:20

“Tei kegra ka Sugablahi gno mala toutonu ka naiknore eigna u nakarha majaghani igne.”

Jone 16:13

Nu kate mei mae Tharunga te Blahi na, mana ginauna batu ghami ghotilo ka tutuani fateoteo eigna God. Mana ginauna theome cheke leghudi nogna gaoghatho thegna re. Mana ginauna chekedi kolho ka ghotilo unha teke nomhini mana na nei toutonuni ka ghotilo eigna unha nate thoke mei nathuꞌu nauriha.

Jone 16:1

Mae Jisas ne cheke eghu, “Iara chekedi glepo igre ka ghotilo mala thosei blogho ghotilo nomi fatutuani na.

Mae Khuru 5:28

“Tore! Ghehati neke cheke fahetahi ka ghotilo mala thosei ke farirhiudi naiknore ka Nangha tuana. Filoni si ghotilo, u nomi nafnata farirhiu ghotilo igne la tei thoke heva heva Jerusalem. Eghuteuna ghotilo magnahaghei te fariuriu mala faghoroni ka ghehati glehegna mae tugne.”

Jone 16:29

Aonu nogna mae fanomho mana re ne cheke eghu ka mana, “Tutuani fara, gognaro na iagho la cheke thaklenihi ka ghehati, la theome toutonuhi ka cheke naba.

Jone 16:25

Aonu, mana ne cheke eghu ka mare, “Glepo te chekedi iara ka ghotilo igre, iara toutonu kau cheke naba. Nu narane na ginauna mei nate theome cheke naba iara ka ghotilo na. Nu iara ginauna cheke fadoglo eigna mae Mama ka ghotilo.

Luku 8:10

Mae Jisas ne cheke eghu ka mare, “God neke tusu ari ka ghotilo kolho glalase te mala lase fakelidi thofno glepo te au poru ka nakarha God te funei frunini. Nu iara cheke ranghidi keha naiknore ka cheke naba kolho. Kate eni iara igne ne horoghoto fara ka unha teke chekeni mae profet Isaia tifa ia, “ ‘Neubane hiro mare, mare na theome tangomana te filo glanini. Eghuteuna neubane fanomho mare, mare ginauna na theome tangomana te nomhi fakelini.’ ”

Fapea Korin 3:12

Eghume naugna ghehati thofno laseni nogna nolaghi biꞌo God te au fabrahu, ghehati theome tangomana te mhaghu kate loku ranghini Lord na.

Mae Khuru 17:17

Aonu mae Pol ne cheke ke lamnagna suga tharai na ranghidi mae Jiu nei mae Griki ihei te pogho soru ka thofno God mala laseni u thofno tutuani eigna God. Mana jaola leghu narane na cheke ka naikno teke mei ka maket re.

Profet Isaia 22:1

Nonomho igne mei ka iara eigna Jerusalem nei eigna Glogu Mifi igne. Mana ne cheke eghu: Unha najafra teke eni ghotilo na? Naugna unha si ghotilo te haghe ke tagru suga te glealeꞌa gnea?

Matiu 24:17

Mae ihei te au ka thagrugna nogna suga na, thosei soru tei hata fajifla nogna glepore ka nogna suga na.

Luku 12:3

Unha te cheke poruni ghotilo na, naikno te gnafare ginauna na nomhini unha te cheke poruni ghotilo tuana. Eghuteuna unha te cheke faꞌikoi ghotilo ka khuligna keha mae na ka nomi chogho themi na, naikno te gnafare ginauna na nomhini unha teke cheke faꞌikoi ghotilo ka khuligna keha mae na.”