Matiu 10:25 - Buka Blahi Ka Cheke Holo

²⁵ Mae sikolu na nabagna te mala jateula nogna mae velepuhi na teuna, nu mae gloku na nabagna te mala jateula nogna mae funei na teuna. Nu keha naiknore kilo ghau iara Bielsebul, kaisei nanghagna mae Satan. Nu te cheke eghu mare ka iara nomi mae funei ghotilo na, mare ginauna na eghu la cheke fadiꞌa ghami ghotilo ke tulao gu iarai.”

Matiu 10:25 ပူးပေါင်းရင်းမြစ်များ

Luku 11:15

Nu keha naiknore ne cheke eghu, “Tore, mae Jisas gne, mana loku ka nogna nolaghi mae Satan la bruedi naitu teke au ka naiknore. Mae Satan gne mae funeidi naiture.”

Matiu 12:24

Kate nomhini hatimare mae Farasi cheke igne, mare ne cheke eghu, “Mae Satan, nodi mae funei hatimare mae naitu are, site tusu ranghini mana nolaghi te mala bruedi naitu area.”

Matiu 9:34

Nu hatimare mae Farasi gre ne cheke eghu, “Mana tangomana ni kolho te bruedi naiture, naugna mae Satan, mae funeidi naiture, te tusu ranghini mana nolaghi te mala bruedi naiture.”

Jone 7:20

Aonu naikno khapru teu jare re ne cheke eghu ka mana, “Ghema, kaisei naitu na au ke lamnamu iagho! Mae ihei gne site rogna falehe nigho iagho na ia?”

Nonomho Te Keli Teke Risoi Mae Mak 3:22

Keha mae velepuhigna vetula nogna mae Moses funudi Jerusalem ne cheke eghu, “Filoni si ghotilo, mae Satan mae te kiloi Bielsebul na au ka mana. Mae Bielsebul gne mae funeidi naiture, mana tusu ranghini mana nolaghi te mala bruedi naiture.”

Jone 8:48

Hatimare mae Jiu ne cheke eghu ka mana, “Tutuani fara te chekeni ghehati ka iagho na, iagho theome mae Jiu nu iagho maemu ka namono Samaria, eghuteuna kaisei naitu au ke lamnamu iagho. Ba, theome doglo si cheke te edi ghehati grea?”

Jone 10:20

Kmana naikno ka mare ne cheke eghu, “Mae igne au kaisei naitu ke lamnagna la fanolini pha'ugna mana na! Ghotilo thosei lao fanomho ka mana!”

Jone 8:52

Goro mae biꞌo re ne cheke eghu ka mae Jisas, “Uve, gognaro na ghehati lase nigho hi ka nou cheke themu re, iagho au kaisei naitu ke lamnamu. Naugna mae Ebraham ia la lehehi tifa nei hatimare mae profet ra jaola lehe hila. Nu te chekeni iagho na, ‘Mae ihei te leghuni chekegu iara na mana na theome lehe tifa e tifa.’

Fapea Kings 1:2

Kaisei narane, mae Ahasaea king gna Israel uka ne ghoreho ka nogna suga na Samaria. Aonu mana kurudi keha mae nogna mae gloku mala tei ka namono Ekron ka kantri Filistia mala toreni Baal-Sebub, nodi god mae Ekron, mala laseni nake keli ba theo teuna.

Matiu 12:27

Nu jame ne loku iara ka nogna nolaghi mae Satan ne bruedi naiture teuna, ka unha nolaghi si teke brue naitu nomi mae gloku ghotilo ra? Neu nga nu mare brue naitu la ka nogna nolaghi mae Satan. Eghume unha teke eni mare tura fagaglana gna te chaghi ghotilo na.

Luku 11:18

Eghume jame mae Satan nei nogna naiknore magra fari thedi meuna, mare na theome au raugha. Tuana ngala leghu lahu gna mae Satan. Iara chekeni igne naugna ghotilo te chekeni na ne bruedi iara naiture ka nogna nolaghi mae Satan eghu.

Luku 11:19

Nu jame te loku iara ka nogna nolaghi mae Satan te bruedi naiture teuna, ka unha nolaghi si teke brue naitu nomi mae gloku ghotilo ra? Neunganu mare brue naitu la ka nogna nolaghi mae Satan. Eghume unha teke edi mare tura fagaglana gna te chaghi ghotilo na.

Nonomho Te Keli Teke Risoi Mae Mak 10:39

Phiamare ne cheke eghu ka mae Jisas, “Uve, ghepa tangomana.” Mae Jisas ne cheke eghu ka phiamare, “Tutuani fara, ghopa ginauna au papara jateula nafnata na au papara nate eni iara gne eghu.