Matiu 1:22 - Buka Blahi Ka Cheke Holo

²² U glepo igre ne horoghoto ka unha teke chekeni Lord God ka mae profet Isaia,

Matiu 1:22 ပူးပေါင်းရင်းမြစ်များ

Luku 24:44

Mana ne cheke eghu ka mare, “Glepo te edi ka iara igre, iara neke kulu chekedihi ka ghotilo ka teke au nga tekeu iara balumi ghotilo ia. Iara neke rurutha fakelihi ka ghotilo eidi unha teke rioriso eigu iara ka nogna vetula mae Moses, nei ka nodi buka hatimare mae profet, nei ka buka Sam teu igre. Tutuani fara teke chekeni iara ka ghotilo na, gobigna lepo igre la tutuani fara.”

Ululahu Kings 8:15

Aonu mana ne cheke eghu, “Tahati cheke fakelini Lord, noda God tahati naiknoda Israel. Mana thofno leghuni unha teke nhaꞌa chekeni thegna ka mae kmagu iara King Devet.

Mae Khuru 3:18

Nu tifa na God neke cheke mei ka hatimare mae profet ra, eigna mae Kraes gne ginauna mala au papara. Eghuteuna ka puhi igne God ne fahoroghotoni unha teke chekeni thegna na.

Ululahu Kings 8:24

Iagho neke famane taji fakelini u nhaꞌa cheke teke eni iagho tifa ka mae kmagu iara nou mae gloku iagho, King Devet. Eghuteuna nhaꞌa cheke igne la mei horoghoto gognarona.

Jone 18:9

Igne ne horoghoto ka unha teke cheke eghu mana tifa ia, “Mama, iara na theome lisa lao mala sniki kaisei naikno ka teke chekedi iagho mala reireghidi iara teku gre.”

Matiu 13:35

Igne ne horoghoto ka unha teke cheke eghu kaisei mae profet tifa ia, “Iara ginauna na toutonu ka cheke naba ranghidi naiknore unha teke theome falalase God funu ka narane teke vuavuha nauthoglu igne te ghilei mei thoke gognarogne.”

Esra 1:1

Ka finogha ululahu King Saeras gna Pesia te funei fruni Babilonia igne, king neke uluni namono biꞌo Babilonia. Lord ne loku ka nagnafagna king igne mala eni kaisei vetula. Nogna sekretri mana re ne rioriso soru vetula igne, eghuteuna mana ne fateitei nonomho igne heva heva ka vido te gnafa te funei frunidi mana igre, mala iu'iju soru ka naiknore. Lord neke eni igne, mala thoke mei tutuani chekegna Lord teke chekeni Profet Jeremaea igne:

Jone 17:12

Kani au tekeu iara baludi, iara neke taji fakelidi kau nolaghi gna nanghamu iagho na, nangha teke famei iagho ka iara ia. Iara neke kafe taji fakelidi mare hui. Eghuteuna kaisei mae ngala ka mare nate snivi na mala horoghoto ka unha teke cheke eghu kau grioriso te blahi ia.

Jone 15:25

Igne horoghoto ka unha teke risoni ka vetula na eigna mae Kraes, ‘Mare theome magnahaghei ghau iara kate theo nafugna.’

Jone 10:35

Tahati laseni unha te chekeni ka grioriso te blahi na tutuani fabrahu. God kilodi naikno te toutonuni chekegna mana tuare jateula thegna God eghu.

Matiu 13:21

Nu theome sukha pari ka nagnafagna mana na kolho, eghume theome au raugha kolho. Kate thoke mei puhi biꞌo ba naꞌau papara naugna te fatutuani ni chekegna God.

Matiu 12:17

Te eni mana igne ne thono horoghoto fara kau chekegna God teke cheke eghu mae profet Isaia tifa ia:

Matiu 2:15

Mae Josep ne au neu jare ne ghilei lehe mae Herod. Igne ne horoghoto fara ka chekegna Lord teke cheke eghu mae profet Hosia tifa ia, “Iara neke kilo fajiflani mae thugu na ka namono Ijep.”

Matiu 8:17

Nogna cheke mae profet Isaia igne ne horoghoto fara ka narane tuana, “Mana ne hata fahui fogra te fanigra ghita na, nei hata fadeleihi khabruda tahati re.”

Matiu 5:17

Mae Jisas ne cheke eghu ka mare, “Na mei iara kau nauthoglu igne mala hata koko nogna vetula mae Moses nei nodi cheke hatimare mae profet gre eghu ghotilo gaoghathomi na. Theo, iara gne mei mala horoghoto nei laseni eghu ghotilo gaoghathogna unha teke chekeni mare ia eghu.

Luku 21:22

Naugna narane tuana narane God mala fatedi naikno tuare, eghuteuna gobigna lepo teke chekedi ka grioriso te blahi na igre ginauna tutuani fara.

Thakle 17:17

Mare na eni igne, naugna God neke lilisei gaoghatho tuana ka nagnafadire, nei mala eni mare unha te magnahagheni mana na. Mare ne kaisei gaoghatho ne mala snakre lao ka bosu na nodi nolaghi te mala funei fruni na. U bosu na ginauna funei frunidi naiknore ghilei thokeni narane God nate roꞌeni namono Babilon jateula teke chekeni mana tifa ia eghu.

Letas Teke Riso Tei Mae Pol Ka Khiloau Rom 1:2

Tifa na, God neke nhaꞌa cheke ranghi ghita eigna u Nonomho te Keli igne, eghuteuna vahidi hatimare mae profet mala rioriso eigna u nhaꞌa cheke igne ka nogna grioriso te blahire.