Matiu 1:20 - Buka Blahi Ka Cheke Holo

²⁰ Kate ghathoni teu mana igne, mana ne mifi. Aonu kaisei engel nogna Lord ne thakle ka mana, ne cheke eghu, “Ghema Josep, iagho mae vikegna mae Devet, thosei mhaghu te hata khetomu Meri ana naugna u sua na neke au mei kau nogna nolaghi mae Tharunga te Blahi.

Matiu 1:20 ပူးပေါင်းရင်းမြစ်များ

Luku 1:19

Engel na neke cheke fapulo ka mana, “Iara Engel Gabriel. Iara kegra ke ulugna God, nu mana kuru mei ghau iara ka iagho mala toutonu ranghi nigho iagho u nonomho te keli igne.

Matiu 1:18

Igne u thoutonu teke karhagna mae Jisas Kraes na. Idogna mana Meri gne neke paru nekeu ka mae Josep. Nu ame tolaghi nga repa teku na mare la filonihi Meri gne la au thugna hi kau nogna nolaghi mae Tharunga te Blahi.

Matiu 2:19

Ke leghugna te lehe mae Herod na, kaisei engel nogna Lord ne thakle ranghini mae Josep kau mifi na ka namono biꞌo Ijep,

Profet Joel 2:28

Lord ne cheke eghu, “Ke leghugna igne, iara ginauna snakreni Tharungagu na mala soru mei au baludi naikno te gnafa igre. Thumi gaꞌase nei thumi nalhaꞌu teu ghotilo are ginauna toutonuni chekegu iara na jateula mae profet eghu. Mae biꞌo gre ginauna mifi, eghuteuna mae majaghani re ginauna filodi keha nafnata mifi te nhogri.

Luku 2:4

Mae Josep ghe khetogna ne jifla Nasaret kaisei namono ka Provins Galili ne tei Betlehem ka Provins Judia. Namono igne namonogna mae King Devet tifa. Mae Josep ne tei jare naugna mana kaisei mae ka vikegna mae King Devet.

Matiu 28:5

Engel na ne cheke eghu ka phei gaꞌase re, “Thosei mhaghu. Iara lase ghami ghopa hironi mae Jisas, mae ihei teke tupijuru mare ka gaju fafatha ia.

Profet Isaia 26:3

Lord, iheire te ghatho tahu nigho fabrahu, ginauna toghodi mala au ka pharikeli, naugna mare ne rouronu nigho fabrahu.

Jajis 13:3

Kaisei narane, engel nogna Lord na ne thakle ka khetogna Manoa na ne cheke eghu ka naꞌa, “Iara lase nigho iagho te theome au sua na, nu neuba, iagho ginauna bukla na au kaisei thumu nalhaꞌu.

Jenesis 31:11

Ka mifi igne, nogna engel God na ne cheke eghu ka iara, ‘Jekop!’ Iara ne cheke eghu, ‘Hoe.’

Matiu 2:22

Kate nomhini mana mae Akelaus teke mae King Judia tughuni mae kmagna Herod teke lehe na, mae Josep ne mhaghu te tei au jare. Aonu, ke leghugna te cheke God ranghini mae Josep kau mifi na, retilo neke tei ka namono Nasaret te au ke lamnagna Provins Galili. Igne ne horoghoto fara ka unha teke cheke eghu hatimare mae profet tifa eigna mae Kraes ia, “Mare na kiloni mana mae gna Nasaret.”

Nodi Khoje Hatimare Mae Jiu 143:8

Ka hamerane di gre cheke mei sagho mala ghathoni iara nou namha biꞌo iagho na, naugna iagho ngala te rouronu nigho iara na. Leuleghu fata ngala iara te tarai ari ka iagho na. Falalase mei sagho ranghi ghau iara u nabrou te mala leghuni iara na.

Nodi Khoje Hatimare Mae Jiu 119:125

Tusu mei glalase ka iara nou mae gloku gne, mala lase fakelidi iara nou farirhiure.

Nodi Khoje Hatimare Mae Jiu 94:19

Kate nanga nogu fara iara na, iagho fakeli nagnafagu iara koba leuleghu fata na.

Matiu 2:13

Ke leghugna te jifla mare na, mae Josep thuru ne mifi. Eghuteuna, kaisei engel nogna Lord ne thakle mei ne cheke eghu ka mana, “Ghema Josep, dofra haghe! Hata sua ghe idognare mala soru ka namono Ijep, au fabrahu jare ke ghilei cheke nigho iara mala teke pulo na. Mae King Herod na hironi mae sua igne, naugna mana magnahaghei te faleheni mae sua na.”

Profet Jeremaea 33:26

Na jateula igne eghu, iara ginauna na theome thododi vikedi mae Jekop ghe nogu mae gloku iara mae Devet. Eghuteuna iara na jaola theome huhughuni nhaꞌa cheke nate au fabrahu teke eni iara balugna King Devet, nei king te gnafa nate funei frunidi vikedi mae Ebraham, mae Aesak nei mae Jekop, ginauna karha mei ka vikegna Devet. Iara ginauna kokhonidi nogu naiknore, eghuteuna iara ginauna toghodi mala au fakeli ka nodi namono na jateula teke tifa ia eghu.”

Profet Isaia 30:21

Neuba ghotilo ne figri fei mairi ba fei nheta, ghotilo ginauna tangomana te nomhini naoglagna mana te cheke eghu mei ke leghumi na, “Igne nogu nabrou iara na. Leghuni!”

Proveb 12:5

Mae te doglo na, ghathoni fabrahu te mala eni puhi te doglo na. Nu mae te diꞌa na ghathodi fabrahu thua nafnata puhi te mala chaghidi naiknore.

Ululahu Kings 17:13

Nu mae Elija ne cheke eghu ka naꞌa, “Thosei nanga nou, iagho posa ka namono mala gahu gano te chekeni iagho tuana. Nu ulu lahu na iagho eni kaisei bret ikoi ka flaoa tuana mala hata mei ka iara. Eghuteuna ke leghu na iagho tangomana te eni unha te salaꞌui na malami ghopa thumu na.

Profet Jeremaea 40:9

Mae Gedalaea ne eni kaisei nhaꞌa cheke, ne cheke eghu ka mare, “Ghotilo thosei mhaghu te loku ranghidi maedi Babilonia igre. Au ka namono gre loku ranghini king gna Babilonia. Eghume ghotilo ginauna au fakeli ka namono igne.

Profet Jeremaea 31:22

Lord namha ghami fara ghotilo, nu ghotilo tei kokoni fabrahu mana. Niha nau ame ke pulo mei nga ka mana si ghotilo ia? Lord ginauna eni kaisei glepo majaghani fara ka nauthoglu igne. Naiknodi Israel igre ginauna loku famaku ka nodi Lord na, jateula gaꞌase te loku famaku ka kheto gna na ia eghu.”

Profet Isaia 51:7

“Ghotilo iheire te leghuni puhi te doglo na, nei ghotilo iheire te loku famaku chekegu iara na ka nagnafamire teu ra, thosei mhaghudi naikno te maꞌe ghami nei cheke fadiꞌa ghami teu are.

Naba 12:6

Aonu Lord ne cheke eghu ka repa, “Ghopa fanomho fakeli ka nogu cheke iara gre! “Ne au nga kaisei mae profet balumi ghotilo nu, iara ginauna mei ka nogna mifi mana re, eghuteuna iara ginauna facheke balugna ka nogna mifi mana tuare.

Jenesis 46:3

Aonu God ne cheke eghu ka mana, “Iara God, nogna God mae kmamu. Thosei mhaghu te tei Ijep na, naugna iara ginauna na fablahidi vikemu iagho gre mala vuragha jare Ijep.

Profet Isaia 7:2

Kate nomhini King Ehas baludi nogna naiknore te loku fodu nodi soldia phei king igre te mala magra Juda na, mare ne mhaghu nodi fara.

Profet Isaia 7:13

Mae Isaia ne cheke eghu, “Ghema Ehas, fanomho fakeli sagho! Ghotilo vikegna mae Devet ra, ghotilo neke eni igne fabrahu, eghuteuna naiknore la ghilei tirodi ghami ghotilo. Ba, ghotilo magnahagheni nogu God iara gne te tiromi ghami la ghotilo na sia?

Ululahu Kings 3:5

Ka bongi igne mae Solomon ne thuru Gibeon, eghuteuna Lord ne mei ka mana ka kaisei mifi. Eghuteuna God ne cheke eghu ka mana, “Iagho tangomana te tore ka iara unha te magnahagheni iagho na, eghuteuna iara ginauna tusu ari ka iagho.”

Matiu 2:12

Nu God ne cheke faheta fara ka mare kau mifi na mala thosei ke pulo mare kau nabrou te thoke ka mae King Herod. Aonu mare neke pulo ka nodi namono na ka keha nabroui.

Matiu 27:19

Mae Paelat chekedi glepo igre kate gnokro mana ka sape fate na. Kate gnokro mae Paelat te fateni mae Jisas na, khetogna gavana igne ne famei kaisei nonomho. Nonomho igne cheke eghu, “Thosei eni kaisei glepo ranghini thau te theo kaisei nakhibogna tuana. Naugna ginei iara ne mifi eigna naꞌa ne theome thuru fakeli nogu.”

Mae Khuru 5:19

Nu ka bongi tuana na kaisei engel nogna Lord na ne tora grengathagna suga sosolo na. Engel na ne batu fajifladi mae khurure ke kosi ne cheke eghu,

Thakle 19:7

Tahati keli tada nei gleale'a fara eghu, nei tahati pala hagheni nanghagna na. Naugna narane mala gaghamu tholaghi gna Lam na, nei khupi na la tarabanahi mare te mala tolaghi na.