Matiu 1:19 - Buka Blahi Ka Cheke Holo

¹⁹ Mae Josep khetogna Meri gne, mana kaisei mae keli fara puhigna na. Mana theome magnahagheni te famamajani Meri ka mavitu na, aonu mana ne hiro phoge kau gaoghathogna na mala megei nga klisu nodi pharu na.

Matiu 1:19 ပူးပေါင်းရင်းမြစ်များ

Luku 2:25

Kaisei mae biꞌo te kiloi Simion, mana jaola au Jerusalem. Mana kaisei mae doglo fara nakarhagna na ke ulugna God nei tarai koba eghu. Mana ofoni u narane God nate fakarhadi naiknodi Israel re. Eghuteuna u Tharunga te Blahi na ne au balugna mana.

Nonomho Te Keli Teke Risoi Mae Mak 6:20

Mae Herod mhaghu fara te faleheni mae Jone na, naugna mana laseni mae Jone gne kaisei mae keli nei mae blahi eghu. Eghume mae Herod ne famane reireghi fakelini mae Jone. Mae Herod keli tagna te fanomho ka nogna farirhiu mae Jone re neubane fadiꞌani kau cheke te edi mana re.

Levitikas 20:10

“Jame kaisei ka ghotilo tapla jafra ka khetogna keha mae na, ghotilo mala aknu falehedi repa.

Jenesis 38:24

Jame naba thilo nhigra ke leghugna igne, mare ne mei cheke eghu ka mae Juda, “Nanghomu iagho Tama ia la jafrahi ka puhi te diꞌa na ne jateula ngau thau vine neu ne thuru balugna kaisei mae, eghuteuna naꞌa gognaro na la buklahi eghu.” Mae Juda ne cheke faheta eghu fara, “Hata mei gaꞌase tuana mala koko lao ka khaꞌaghi mala lehe na.”

Nonomho Te Keli Teke Risoi Mae Mak 10:4

Mare ne cheke eghu ka mana, “Mae Moses tangomana te snakreni mae nalhaꞌu na te koko khetogna na jame te kulu rioriso mana kaisei vido pepa te mala koko khetogna na.”

Levitikas 19:20

“Eghuteuna jame kaisei mae thuru balugna kaisei gaꞌase sneka teke nhaꞌa cheke mare mala tolaghi ka keha mae na teku na, nu naꞌa theome snagla naugna keha mae igne mana theome foli fajifla ni ngau naꞌa, eghume, mae ihei teke thuru balugna gaꞌase sneka igne mala foli poloru. Nu ghotilo thosei mala falehedi repa naugna gaꞌase igne naikno sneka kolho.

Jenesis 6:9

Igne u thoutonu gna mae Noa na. Mae Noa gne ngala thofno kheragna tutuani God na. Naugna kaisei mana ngala mae te doglo nei thofno leghuni teu God na. Nanghadi thugna mae Noa re igre, mae Sem, mae Ham nei mae Jafet.

Mae Khuru 10:22

Thilomare ne cheke eghu ka mana, “Uve, mae Konilias mae biꞌodi mae armi re ne kuru mei ghami ghetilo. Mana kaisei mae keli fara nei tarai koba ka God. Eghuteuna mae Jiure ghatho tahuni fara mana. U engel nogna God na neke cheke ka mana mala tore nigho mala tei ka sugagna mana na mala nu tangomana mana te nomhidi unha te chekedi iagho are eghu.”

Diutronomi 22:20

“Nu jame mae tuana cheke tutuani, eghuteuna mare theo kaisei vido pohe te mala laseni te gaꞌase igne neke theome thuru balugna keha maei tifa na neke tolaghi nga teuna.

Mae Khuru 27:39

Hamerane haghe hatimare mae boskru gna vaka na ne filoni kaisei namono. Mare theome laseni namono aheva, nu mare filoni kaisei naprona ikoi te nusu. Aonu, mare magnahaghei hata te longa vaka na ka naprona tuana.

Fapea Korin 1:15

Iara neke magnahagheni fara te kulu ari filo ghami ghotilo tifa na naugna iara thofno fatutuani ghami ghotilo te lase ghau iara te loku fadoglo ke ulumi. Tutuani, iara neke ghathoni kate filo ghau iara na ghotilo tangomana te phei fata gleale'a na.