Matiu 1:16 - Buka Blahi Ka Cheke Holo

¹⁶ mae Jekop na neke kmagna mae Josep khetogna Meri, idogna mae Jisas mae te kiloni Kraes.

Matiu 1:16 ပူးပေါင်းရင်းမြစ်များ

Matiu 27:17

Naiknore ne kafe khapru mei ke kosi suga mae Paelat. Aonu mae Paelat ne ghusna eghu, “Mae ihei ka phei mae igre te magnahagheni ghotilo te mala snakre fajiflani iara tami na? Mae Barabas ba Jisas te kiloi mae Kraes?”

Jone 4:25

Gaꞌase na ne cheke eghu ka mae Jisas, “Iara laseni mae fakarhai te kiloni mae Kraes na na mei. Kate mei mae Kraes na mana ginauna famane rurutha ranghi ghita tahati gobigna lepore.”

Luku 3:23

Jame kate thokeni tolufulu finogha gna na, mae Jisas ne funu farirhiudi naiknore. Eghuteuna gaoghathodi naiknore mae Jisas gne neke thugna mae Josep. Mae Josep gne thugna mae Heli.

Matiu 27:22

Mae Paelat neke ghusna eghu, “Unha nate eni iara ranghini mae Jisas te kiloi mae Kraes igne?” Mare ne kafe thagru fabiꞌo, “Tupijuruni ka gaju fafatha!”

Luku 4:22

Naiknore ne kafe keli tadi fara ka mae Jisas ne jaglo nodi fara ka nogna famane cheke te chekedi mana re, ne cheke eghu, “Tore, mae igne thugna mae Josep kolho!”

Luku 2:48

Ka vido tuana, idogna kmagna mana re jaola ne jaglo nodi fara kate filoni mana na. Aonu, idogna na ne cheke eghu ka mana, “Thuguo, naugna unha site eni iagho ka ghepa ignea? Ghepa kmamu ne nanga nomi fara ne hiro nigho iagho.”

Luku 2:7

Ka suga binaboli na, repa theo vido keli mala thurudire. Aonu Meri ne fakarha thugna nalhaꞌu ulu lahu na. Naꞌa ne pipiha ka pohe na, ne fatuthuruni ka sape mala faghamu buluka na.

Luku 1:27

Mana hata ne tei jare nonomho na ka gaꞌase te paru teu ka mae te kiloi Josep mae ihei teke karha ka vikegna mae King Devet. Nanghagna gaꞌase majaghani igne, Meri.

Nonomho Te Keli Teke Risoi Mae Mak 6:3

Tahati laseni mae kapenta igne, mana thugna Meri kolho. Eghuteuna mae tahigna mana re mae Jemes, mae Josep, mae Judas nei mae Simon. Eghuteuna, greghagnare kafe au teu ngala igre. Mana kaisei mae kolho, mana neke theome mei funu ka God.” Aonu naiknore ne filo faparini kolho mana.

Matiu 2:13

Ke leghugna te jifla mare na, mae Josep thuru ne mifi. Eghuteuna, kaisei engel nogna Lord ne thakle mei ne cheke eghu ka mana, “Ghema Josep, dofra haghe! Hata sua ghe idognare mala soru ka namono Ijep, au fabrahu jare ke ghilei cheke nigho iara mala teke pulo na. Mae King Herod na hironi mae sua igne, naugna mana magnahaghei te faleheni mae sua na.”

Matiu 1:15

mae Eliudi na neke kmagna mae Eleasa; mae Eleasa na neke kmagna mae Matan; mae Matan na neke kmagna mae Jekop;

Matiu 16:16

Ka vido tuana mae Simon Pita ne cheke eghu, “Iagho mae Kraes, Thugna God te karha fabrahu te tifa.”

Matiu 16:20

Ke leghugna igne mae Jisas ne cheke farheta ka nogna mae fanomhore mala thosei toutonu ka ihei nga te mana ngala mae Kraes na.