Mae Khuru 9:42 - Buka Blahi Ka Cheke Holo

⁴² Nonomho eigna igne ne tei tongana heva heva ka namono Jopa, eghuteuna kmana naikno ne funu fatutuani ni Lord.

Mae Khuru 9:42 ပူးပေါင်းရင်းမြစ်များ

Mae Khuru 9:35

Aonu nonomhogna teke keli fapulo mae Aenias igne ne tei tongana ka naikno te au Lida nei ka sare glilihigna Saron. Mare ne funu fatutuani ni Lord kate filoni mare mae Aenias na.

Jone 12:11

Naugna kate filoni mae Lasaros teke karha fapulo na, kmana mae Jiu ne jifla kokodi mae pris ulure ne fatutuani ni mae Jisas.

Jone 11:45

Kmana mae Jiu teke mei au balugna Meri igre ne filoni unha te eni mae Jisas igne ne fatutuani ni mana.

Mae Khuru 11:21

Nolaghi nogna Lord na ne au baludi, eghuteuna naikno kmana Antiok ne fatutuani ne leghuni Lord.

Jone 12:44

Mae Jisas kegra haghe ne cheke eghu fabiꞌo, “Mae ihei te fatutuani ghau iara na, mana theome fatutuani ghau iara kolho, nu fatutuani nila mae Mama mae teke kuru mei ghau iara kau nauthoglu igne.

Jone 11:4

Kate nomhini mae Jisas nonomho igne mana ne cheke eghu, “U fogra tuana theome mala lehe mae Lasaros, nu mala filoni naiknore nogna nolaghi biꞌo God na. Eghuteuna mala laseni naiknore iara mae Thugna mana na jaola au nolaghi biꞌo jateula mana eghu.”

Josua 19:46

nei Mejakon, nei Rakon, baludi vido te lithui Jopa.

Fapea Kronikols 2:16

Mare ginauna tei Lebanon mala kato thaba te magnahaghedi iagho re. Eghuteuna mare ginauna pala soru thaba igre ka gratha na mala haru fodu jare. Eghuteuna mare na hata tei phugra gaju igre Jopa. Eghuteuna nou mae gloku iaghore ginauna soru ka vido tuana mala pala tei Jerusalem.”

Profet Jona 1:3

Nu mae Jona ne tirogna, ne fariuriu rikhani Lord mala tei ka namono Spen te khaba ke mosu. Aonu mana ne tei ka namono Jopa te au ka geri thongna na ne filoni kaisei vaka tarabana mala tei Spen. Mana foli pasis ne tei lamna ka vaka igne mala rikhani Lord. Aonu mare jifla Jopa ne tei Spen.

Mae Khuru 9:36

Ka namono Jopa jare kaisei naikno khiloau nanghagna na Tabita. Nanghagna naꞌa ka cheke Griki na, “Dokas”. Naꞌa edi koba glepo te keli mala toghodi naikno te kumare.

Mae Khuru 9:38

Namono Jopa gne kaisei namono rhegna Lida. Naikno khiloaudi Jopa re nomhini te au teu mae Pita Lida na. Aonu mare ne kurudi phei mae ne tei ka mae Pita. Phiamare ne cheke eghu ka mae Pita, “Ghehati magnahaghe nigho iagho te faghose mei ka nomi namono na!”

Mae Khuru 9:43

Mae Pita ne au kmana narane jare Jopa ka sugagna mae Simon, mae ihei te edi glepo ka guli buluka.

Mae Khuru 10:5

Gognaro na iagho kurudi keha mae te mala tei Jopa mala tali meini mae Simon, keha nanghagna na, mae Pita.

Mae Khuru 10:8

Mae Konilias ne cheke eidi glepo igre ka thilomare, eghuteuna kurudi nga me tei Jopa mala chekeni mae Pita.

Mae Khuru 11:5

“Iara au nekeu Jopa. Eghuteuna kaisei fata kate tarai teu iara na, iara neke filoni kaisei mifi. Iara filoni kaisei glepo jateula pohe biꞌo eghu neke soru mei ka maloa na. Fifilogna na jateula te loku naikno ka fati khukrure te farurhu te soru pari ra eghu ne ghilei mei namo ka iara.

Mae Khuru 11:13

Mana neke toutonu ranghi ghami ghehati eigna u engel teke filoni mana teke kegra teku ke lamna suga na. U engel na neke cheke eghu ka mana, ‘Iagho kurudi keha mae mala tei Jopa tali meini mae Simon, keha nanghagna na, mae Pita.