Mae Khuru 9:4 - Buka Blahi Ka Cheke Holo

⁴ Mae Sol ne khoko soru pari ne nomhini kaisei naogla ne cheke eghu ka mana, “Sol, Sol! Naugna unha sagho te para ghau iara gnea?”

Mae Khuru 9:4 ပူးပေါင်းရင်းမြစ်များ

Profet Sekaraea 2:8

Ke leghu na, Lord mae ihei te au nolaghi fateote'o igne neke vahi ghau iara mala tei toutonu eigna nonomho igne ka kantri te goigonidi nogu naikno iara igre. Mana neke cheke eghu, “Iheire te goigoni ghami ghotilo nogu naikno iara igre, mare jateula te goigoni ni thofno famane nogu glepo iara ra eghu.

Ululahu Korin 12:12

Kraes na jateula kaisei thini eghu, eghuteuna au kmana grerege thini tagna. Neubane au kmana nafnata vido tagna, mana kaisei thini ngala.

Letas Teke Riso Tei Mae Pol Ka Khiloau Rom 11:22

Ghathoni si ghotilo God na mae keli fara, nu mana tangomana te fate ghita la. Mana fatedi iheire te theome leghuni puhigna mana re, nu mana keli fara ka ghotilo, naugna ghotilo ne leghuni nogna puhi mana na. Nu jame te theome leghuni ghotilo igne na, mana ginauna jaola kato koko ghami ghotilo.

Profet Isaia 63:9

Kate kabru nei au papara teu mare na, Lord na jaola kabru nei au papara eghu baludi. Mana namhadi nei kokhonidi eghu, naugna igne mana thegna teke fakarhidi nei atha fasnagli teku re. Funu tifa te mei na, mana neke reireghidi fabrahu.

Jenesis 22:11

Nu engel nogna Lord na au neu kligna ne eha eghu ka mana, “Ebraham! Ebraham!” Mae Ebraham ne cheke eghu, “Iara au teu ao Lord.”

Jenesis 16:8

Eghuteuna engel na ne cheke eghu ka naꞌa, “Hega, iara lase nigho iagho nogna naikno gloku Sarai. Iagho neke mei funu aheva neku? Iagho mala tei aheva, naugna unha?” Naꞌa ne cheke eghu, “Iara ne rikhani Sarai.”

Efesus 5:30

Naugna tahati ka khiloau na jateula vido thinigna mana eghu.

Ululahu Korin 4:7

Ba ihei te chekeni te doglo ghotilo ke uludi keha naiknore? Tutuani, glepo te khotodi ghotilo gre God ngala teke tusu ari ka ghotilo na! Eghume, ghotilo theo nafumi te mala cheke fahaehaghe fara eidi glepo igre.

Jone 21:15

Ke leghugna te gnafa ghamu mare na, mae Jisas ne cheke eghu ka mae Simon Pita, “Simon, thugna Jone, iagho thofno namha ghau iara ngau ke uludi keha mae igrei sia?” Mae Pita ne cheke eghu ka mana, “Uve Lord, iagho lase ghauhi iara te namha nigho na.” Mae Jisas ne cheke eghu ka mae Pita, “Reireghidi gnafa nogu naikno iara jateula sua sipu teu igre.”

Matiu 25:40

“Iara mae King ginauna cheke eghu ranghidi, ‘Tutuani fara, te chekeni iara na. Kate eni ghotilo ranghini kaisei nogu naikno iara te au pari lahu ka igre, ghotilo jateula te eni ranghi ghau la iara eghu!’

Jenesis 3:9

Nu Lord God ne ehani mae Adam ne cheke eghu, “Adam, iagho au aheva?”

Jone 20:16

Mae Jisas ne cheke eghu ka naꞌa, “Meri.” Meri figri ne filo glanini mae Jisas ne cheke eghu, “Raboni!” Gaoghathogna ka cheke Hibru na “Velepuhi”.

Jone 18:6

Kate cheke eghu mae Jisas, “Uve, iara ngala mana na” teuna, mare ne kafe ghogro faleghu ne uka soru pari.

Luku 10:41

Nu mae Jisas ne cheke eghu ka naꞌa, “Mafa, iagho nangadi nei ghathodi eghu fara glepo te kmana gre.

Naba 16:45

“Ghopa riu fadelei ka naikno igre! Mala tangomana iara te falehedi naikno igre gognarola!” Nu Moses ghe Eron ne pogho soru foflodi nei tathadi teure pari ka glose na, ne tarai.

Eksodas 3:4

Lord filoni te mei namo mae Moses, eghuteuna Lord ne kiloni mae Moses fari hoteigna khaꞌaghi igne, ne cheke eghu, “Moses! Moses!” Eghuteuna Moses ne cheke eghu, “Iara au teu ao.”

Mae Khuru 5:10

Safira jaola ghosei ne khoko soru ke ulugna mae Pita ne lehe. Aonu mae majaghanire ruma mei ne filoni naꞌa tela lehehi na. Mare pala ne jifla kosi ne tei giugilui rhegna khetogna na.

Profet Isaia 6:8

Aonu Lord God ne cheke eghu, “Ihei nate kuruni iara na? Eghuteuna ihei nate tei toutonuni chekegu iara na?” Iara ne cheke eghu, “Iara au teu ao! Kuru tei ghau iara!”

Mae Khuru 9:5

Mae Sol ne cheke eghu, “Iagho mae ihei sia, Lord?” Mana ne cheke eghu, “Iara mae Jisas. Iara ngala mae ihei teke parani iagho ia.