Mae Khuru 9:38 - Buka Blahi Ka Cheke Holo

³⁸ Namono Jopa gne kaisei namono rhegna Lida. Naikno khiloaudi Jopa re nomhini te au teu mae Pita Lida na. Aonu mare ne kurudi phei mae ne tei ka mae Pita. Phiamare ne cheke eghu ka mae Pita, “Ghehati magnahaghe nigho iagho te faghose mei ka nomi namono na!”

Mae Khuru 9:38 ပူးပေါင်းရင်းမြစ်များ

Mae Khuru 9:36

Ka namono Jopa jare kaisei naikno khiloau nanghagna na Tabita. Nanghagna naꞌa ka cheke Griki na, “Dokas”. Naꞌa edi koba glepo te keli mala toghodi naikno te kumare.

Mae Khuru 11:26

Kate ludeni mae Sol na, mae Banabas ne tathaleini mana neke pulo Antiok. Mae Banabas ghe mae Sol ne au kaisei finogha thongana Antiok baludi naikno khiloau re. Eghuteuna phiamare ne farirhiudi kmana naikno jare. Namono ulu lahu te kilodi mae fanomhore u nangha naikno khiloau teu igne, Antiok.

Mae Khuru 9:32

Mae Pita ne tei sala'u ka namono te gnafa te au ka nohi tuare ne ghilei tei posa ka naikno khiloau te au ka namono Lida.

Josua 19:46

nei Mejakon, nei Rakon, baludi vido te lithui Jopa.

Fapea Kronikols 2:16

Mare ginauna tei Lebanon mala kato thaba te magnahaghedi iagho re. Eghuteuna mare ginauna pala soru thaba igre ka gratha na mala haru fodu jare. Eghuteuna mare na hata tei phugra gaju igre Jopa. Eghuteuna nou mae gloku iaghore ginauna soru ka vido tuana mala pala tei Jerusalem.”

Esra 3:7

Aonu naiknore ne falao sileni mala folidi mae kapenta baludi mae iheire te lase kato thina. Eghuteuna mare ne fatei gano, nei waen, nei oliv oel eghu ka phei namono Taea ghe Saedon, mala foli gaju sida gna Lebanon mala horo gna Sugablahi na, leghuni unha teke chekeni King Saeras gna Pesia. Mare tangomana te lilisei gaju igre tongna, mala hata soru ka naprona biꞌo Jopa.

Profet Jona 1:3

Nu mae Jona ne tirogna, ne fariuriu rikhani Lord mala tei ka namono Spen te khaba ke mosu. Aonu mana ne tei ka namono Jopa te au ka geri thongna na ne filoni kaisei vaka tarabana mala tei Spen. Mana foli pasis ne tei lamna ka vaka igne mala rikhani Lord. Aonu mare jifla Jopa ne tei Spen.

Mae Khuru 9:19

Ke leghugna teke ghamu na, thinigna mana na neke heta fapulo. Mae Sol ne au jare Damaskas keha narane baludi nogna mae fanomho Jisas re.

Mae Khuru 9:42

Nonomho eigna igne ne tei tongana heva heva ka namono Jopa, eghuteuna kmana naikno ne funu fatutuani ni Lord.

Mae Khuru 9:43

Mae Pita ne au kmana narane jare Jopa ka sugagna mae Simon, mae ihei te edi glepo ka guli buluka.

Mae Khuru 10:5

Gognaro na iagho kurudi keha mae te mala tei Jopa mala tali meini mae Simon, keha nanghagna na, mae Pita.

Mae Khuru 10:8

Mae Konilias ne cheke eidi glepo igre ka thilomare, eghuteuna kurudi nga me tei Jopa mala chekeni mae Pita.

Mae Khuru 11:5

“Iara au nekeu Jopa. Eghuteuna kaisei fata kate tarai teu iara na, iara neke filoni kaisei mifi. Iara filoni kaisei glepo jateula pohe biꞌo eghu neke soru mei ka maloa na. Fifilogna na jateula te loku naikno ka fati khukrure te farurhu te soru pari ra eghu ne ghilei mei namo ka iara.

Mae Khuru 11:13

Mana neke toutonu ranghi ghami ghehati eigna u engel teke filoni mana teke kegra teku ke lamna suga na. U engel na neke cheke eghu ka mana, ‘Iagho kurudi keha mae mala tei Jopa tali meini mae Simon, keha nanghagna na, mae Pita.