Mae Khuru 9:32 - Buka Blahi Ka Cheke Holo

³² Mae Pita ne tei sala'u ka namono te gnafa te au ka nohi tuare ne ghilei tei posa ka naikno khiloau te au ka namono Lida.

Mae Khuru 9:32 ပူးပေါင်းရင်းမြစ်များ

Mae Khuru 9:13

Nu mae Ananias ne cheke eghu, “Lord, iara nomhini kmana thoutonu eigna mae igne, mana edi kmana glepo te diꞌa ranghidi nou naikno iagho re Jerusalem.

Mae Khuru 8:25

Eghuteuna mae Pita ghe mae Jone ne toutonu ka naiknore glepo teke edi mae Jisas teke filodi mare re. Ke leghugna te chekeni phiamare chekegna Lord na, phiamare neke pulo Jerusalem. Kate ke pulodi na, phiamare neke sala'u ka namonodi mae Samaria re ne toutonuni u Nonomho te Keli na ka naiknore.

Filipae 1:1

Uve, iara mae Pol ghepa mae Timoti phei nogna mae gloku mae Jisas Kraes. Ghepa riso ari letas igne ka ghotilo naikno khiloau te au ka namono Filipae. Eghuteuna ghepa riso ranghidi langau hatimare mae biꞌo nei hatimare mae te totogho ka khiloau Filipae.

Efesus 1:1

God neke vahi ghau iara mae Pol mala nogna khuru mae Jisas Kraes. Iara riso ari ka ghotilo naikno khiloau te au ka namono Efesus iheire te leghuni fabrahu mae Jisas Kraes. Naugna ghotilo nognahi mana.

Letas Teke Riso Tei Mae Pol Ka Khiloau Rom 1:7

Letas te riso ari iara igne malami ghotilo hui naikno te au ka namono Rom, eigna God namha ghami ghotilo nei kilo ghamihi ghotilo mala nogna naikno blahi mana. Iara toreni nogna khokofakasai nei pharikeli God Kmada nei nogna mae Jisas Kraes noda Lord te mala au balumi.

Mae Khuru 26:10

Tuana ngala unha teke eni iara Jerusalem na. Hatimare mae pris ulu neke tusu ranghi ghau iara nolaghi te mala koko laodi nogna naikno God re kau sosolo. Eghuteuna kate falehedi mare naiknore, iara neke kaisei gaoghatho baludi mare te mala eni igne.

Mae Khuru 9:41

Mae Pita ne loku ka khamegna na ne toghoni mala kegra haghe naꞌa. Ke leghugna igne mae Pita ne kilodi naikno khiloaure baludi goro gaꞌase tela lehehi khetodire ka chogho na ne falalase ranghidi Tabita te kela karha fapulo na.

Mae Khuru 8:14

Kate nomhidi mae khuru te au nga teu Jerusalem re u thoutonu eidi naiknodi Samaria te fatutuani ni God na, mae khurure ne kurudi mae Pita ghe mae Jone mala tei toghodi mare.

Mae Khuru 1:8

Nu ka narane nate soru mei mae Tharunga te Blahi na ke klignami ghotilo na, ghotilo ginauna na fodu kau nolaghi te mala toutonu eigu iara. Ghotilo ginauna mala toutonu eigu iara agne Jerusalem, nei Judia tongana, nei Samaria tongana, ghilei tei thoke ka namono te gnafa ka nauthoglu igne.”

Matiu 27:52

Aonu bekure ne thora, eghuteuna kmana naikno nogna God teke lehe tifa ra ne kafe kegra fapulo ka karha. Eghuteuna mare ne jifla mei ka bekudire. Ke leghugna te kegra fapulo mae Jisas na, naikno teke kegra fapulo igre ne tei Jerusalem. Eghuteuna, kmana naikno ne filodi mare.

Proveb 2:8

Mana reireghidi iheire te leghuni puhi te doglo na, eghuteuna baubatudi iheire te ghatho tahuni mana re.

Nodi Khoje Hatimare Mae Jiu 16:3

Nogna naikno God ka nauthoglu igne thofno keli fara. Iara thofno keli tagu fara te au nogu baludi mare.

Ululahu Kronikols 8:12

Mae Elpal neke au thilo thugna nalhaꞌu, mae Eba, mae Misam, nei mae Semed. Eghuteuna mae Semed ne edi haghe phei namono biꞌo Ono ghe Lod, baludi namono ikodi te au falithuidi phei namono biꞌo igre.

Esra 2:33

Lod, nei Hadid, nei Ono: 725.

Nehemaea 7:37

Lod, nei Hadid nei Ono: fitu gobi varadaki kaisei.

Nehemaea 11:35

nei Lod, nei Ono, nei Ge-Harasim.

Mae Khuru 9:33

Jare mana ne filoni kaisei mae te blughu, nanghagna na mae Aenias. Mae Aenias gne nhana finogha te theome tangomana te jifla kokoni sapegna na.