Mae Khuru 9:3 - Buka Blahi Ka Cheke Holo

³ Kate tei te namo mae Sol Damaskas na, kaisei naphae te siasigla fara funugna kligna ne megei nga ne phae faligohoni mana.

Mae Khuru 9:3 ပူးပေါင်းရင်းမြစ်များ

Ululahu Korin 15:8

Leghu lahu na, iara jaola neke filoni mana. Naugna iara neke filoni mana ke leghudi mare, iara jateula sua te karha mei leghu lahu ia eghu.

Mae Khuru 22:6

“Farihotei aublatha kate mei namo iara Damaskas, kaisei naphaegna kligna te thono siasigla fara megei nga ne siasigla faligoho ghau iara.

Thakle 21:23

Naprai ba glaba theome phae soru ke kligna gna namono biꞌo tuana, naugna nogna nolaghi biꞌo God na siasigla mei fabrahu tagna. Eghuteuna Lam na u naphaegna namono tuana.

Ululahu Timoti 6:16

Mana thegna ngala te theome tangomana te lehe na. Mana au ke lamnagna naphae biꞌo te theome tangomana naiknore te tei rhegnai. Theo kaisei naikno te filoni God, ba tangomana te filoni mana. Ranghini nafnakno nei nolaghi tifa tifa. Amen.

Thakle 22:5

Jare ginauna theome bongi. Tutuani, mare theome magnahaghei juta ba naprai, naugna noda Lord God ginauna tusu ranghidi u naphae. Mare ginauna funei fruni jateula king eghu fabrahu balugna God tifa tifa.

Mae Khuru 9:17

Aonu mae Ananias ne tei ka sugagna mae Judas na ne taofini mae Sol. Mana ne cheke eghu, “Ghema kheraguo Sol, Lord Jisas neke kuru mei ghau iara. Mana ngala teke thakle ka iagho ia, kate ke tei iagho ka nabrou ia. Mana neke kuru mei ghau iara mala tangomana iagho teke fifilo fapulo na nei mala au balumu iagho u Tharunga te Blahi na.”

Nodi Khoje Hatimare Mae Jiu 104:2

U naphae te au faligoho nigho ana fagaglana gna nou nolaghi biꞌo iagho na. Iagho lilisei haghe u maloa na jateula kaisei suga thapuale eghu.

Mae Khuru 9:27

Nu mae Banabas ne toghoni mana ne tathalei ne tei ka mae khurure. Mae Banabas ne toutonu ka mare eigna mae Sol teke filoni Lord ka nabrou na, nei Lord neke cheke balugna mana. Mana jaola ne cheke ranghidi u thoutonu te nolaghi teke edi mae Sol Damaskas ka nanghagna mae Jisas.

Ululahu Korin 9:1

Ghotilo lase ghauhi iara, eigna iara kaisei mae te snagla te eni unha te magnahagheni thegu na. Eghuteuna ghotilo jaola lase ghau iara kaisei mae khuru. Ghotilo lase ghau iara neke filoni mae Jisas noda Lord. Eghuteuna ghotilo lasenihi eigna ghotilo te gnafa na funu fatutuani ni Lord ka nogu gloku iara na.