Mae Khuru 9:29 - Buka Blahi Ka Cheke Holo

²⁹ Mae Sol jaola ne cheke koba nei fapoaphola eghu baludi tothoghei mae Jiu te lase cheke Griki re. Nu mare ne tirodini mana ne hirodi keha puhi mala faleheni mana.

Mae Khuru 9:29 ပူးပေါင်းရင်းမြစ်များ

Mae Khuru 6:1

Kau narane tuare kmana kmana naikno ne fatutuani ni mae Jisas. Eghuteuna naikno khiloau te lase cheke Griki re ne theome gleꞌani nafnata thufa sileni te eni naikno khiloau te au Jerusalem re ne cheke eghu, “Goro gaꞌase te lehe khetodire igre ne theo thufadi ka sileni te tufa ghotilo leghu narane ra.”

Letas Teke Rioriso Mae Jud 1:9

Tulao mae Maekol mae funeidi engel gre neke theome eni igne. Mana neke fapholai balugna mae Satan eigna mae ihei ka phiamare nate hata thinigna mae Moses. Nu mae Maekol neke theome chekeni kaisei cheke te diꞌa ranghini mae Satan. Mana neke khogla cheke eghu kolho, “God ginauna para nigho iagho.”

Fapea Korin 11:26

Kmana fata ka nogu thei na, iara namo lehe ka khoꞌu biꞌo ba ka naikno te blau, ka kheragu fofodu mae Jiu, nei ka iheire te theome Jiu. Iara namo lehe ka namono biꞌo, nei ka namhata, nei ka thongna. Eghuteuna iara namo lehe ka iheire te chekeni “Ghehati naikno khiloau” nu mare chaichaghi kolho.

Mae Khuru 11:20

Keha naikno khiloau ka igre, naiknodi Saeprus nei Saerini, mare jaola ne toutonu eigna mae Jisas Kraes ka naikno te theome Jiure Antiok.

Mae Khuru 19:8

Jame thilo nhigra, mae Pol ne tei koba ka suga tharai na ne cheke faheta fara ka naiknore. Mana ne frane ne toutonu ka naiknore mala laseni eigna u nakarha God te funei frunini.

Mae Khuru 18:19

mala tei thoke ka namono Efesus. Aonu mae Pol ne jifla kokodi jare ne tei thegna ne ruma ka suga tharai na ne toutonu ranghidi mae Jiure.

Mae Khuru 17:17

Aonu mae Pol ne cheke ke lamnagna suga tharai na ranghidi mae Jiu nei mae Griki ihei te pogho soru ka thofno God mala laseni u thofno tutuani eigna God. Mana jaola leghu narane na cheke ka naikno teke mei ka maket re.

Mae Khuru 9:27

Nu mae Banabas ne toghoni mana ne tathalei ne tei ka mae khurure. Mae Banabas ne toutonu ka mare eigna mae Sol teke filoni Lord ka nabrou na, nei Lord neke cheke balugna mana. Mana jaola ne cheke ranghidi u thoutonu te nolaghi teke edi mae Sol Damaskas ka nanghagna mae Jisas.

Letas Teke Rioriso Mae Jud 1:3

Ranghi ghami kheraguro, ulu lahu na iara magnahaghei te rioriso ari ka ghotilo kaisei letas eigna God te fakarhi ghita tahati te gnafa. Nu gognaro na iara thono tahu mei ka gaoghathogu na te mala rioriso letas igne, mala nheta ghotilo. Iara magnahaghei ghami ghotilo te magra heta mala loku famaku thofno cheke tela fatutuani nihi tahati igne. U thofno cheke igne God neke tusu mei kaisei fata ngala ka nogna naiknore, eghuteuna na keli fabrahu tifa tifa.

Mae Khuru 9:28

Aonu mae Sol ne au baludi mae fanomhore ne tei tongana Jerusalem, mana ne frane ne toutonu ka nanghagna mae Jisas.

Mae Khuru 22:18

Iara filoni Lord ne cheke eghu ka iara, ‘Faghose! Iagho gognarola jifla agne Jerusalem, naugna naiknore ginauna tirodi fanomho ka unha te chekedi iagho eigu iara na.’