Mae Khuru 9:2 - Buka Blahi Ka Cheke Holo

² ne toreni mana mala rioriso keha letas mala hata balugna tei Damaskas ka nodi suga tharai mae Jiure. Mae Sol ne magnahagheni mae pris biꞌo na te tusu ranghini nolaghi ka letas igre mala hirodi naiknodi Damaskas te leghuni puhi te mala fatutuani ni mae Jisas. Jame filo deni mana kaisei naikno nalhaꞌu ba gaꞌase te leghuni mae Jisas jare na, mana ginauna na lokidi mala ke hata fapulodi Jerusalem.

Mae Khuru 9:2 ပူးပေါင်းရင်းမြစ်များ

Mae Khuru 19:23

Ka vido tuana, keha puhi biꞌo ne thakle haghe ka namono Efesus eigna puhi mala fatutuani ni mae Jisas.

Mae Khuru 19:9

Keha mae Jiure ne patugama fara ne tirodi fatutuanidi nogna cheke mae Pol re. Eghuteuna mare ne cheke fadiꞌani u puhi te mala leghuni mae Jisas. Aonu mae Pol ne jifla ka suga tharai na baludi naikno khiloau re ne tei ka nogna suga sikolu mae Tiranas. Jare mae Pol ne cheke ranghidi naikno khiloau re leuleghu narane nabagna phei finogha. Eghuteuna mae Jiu nei Griki teu te au ka Provins Esia na igre neke kafe nomhini chekegna Lord na ka gloku te edi mae Pol igre.

Mae Khuru 24:14

Nu te chekeni iara ka iagho na igne. Iara thofno leghuni puhigna mae Jisas ngala. Nu puhi igne theome doglo ka hatimare mae Jiu. Iara pogho soruni nodi God mae ku'emi ghehati ra ka puhigna mae Jisas igne. Nu iara fatutuanidi la gobigna lepo teke risodi mare ka nogna vetula mae Moses nei ka nodi buka hatimare mae profet.

Mae Khuru 24:22

Mae Gavana Filiks kulu laseni fara eigna nogna puhi mae Jisas gne. Aonu mana ne fahuhui fate na ne cheke eghu, “Kate mei mae funei biꞌo Lisias na, iara ginauna cheke tughuni nomi puhi ghotilo gne.”

Mae Khuru 18:25

Naikno khiloaure neke farirhiuni mana eigna puhi te mala fatutuani ni Lord na. Eghuteuna mana ne brana fara ka tharunga mala toutonuni u Nonomho te Keli na, nei famane farirhiudi glepo te tutuani eigna mae Jisas. Nu mana laseni kolho u nafnata apublahi teke toutonuni mae Jone Apublahi tifa ia.

Mae Khuru 9:14

Eghuteuna gognaro mana mei au agne Damaskas. Mae pris ulu re ne tusu ranghini mana nolaghi te mala lokini ihei te ghatho tahu nigho na.”

Mae Khuru 26:12

“Kaisei fata hatimare mae pris ulu neke tusu ranghi ghau iara nolaghi mala tei Damaskas mala lokidi naikno te fatutuani ni mae Jisas.

Mae Khuru 7:19

Mana saosagrodi fara noda naiknore nei fakokhoanadi fara mae kuꞌeda re nei huhurudi mala lilisei mare suare ke kosi suga mala lehe.

Mae Khuru 6:9

Nu keha mae Jiu te theome fatutuani ni mae Jisas re ne funu tirodini mana. Mare au ka nodi suga tharai mae Jiu te kiloni “Nodi suga tharai mae te snagla kolho.” Suga tharai igne na maladi mae Jiu te mei funudi ka namono Saerini nei ka namono Aleksadria nei ka Provins Silisia nei ka Provins Esia. Mare mei ne magra ka mae Stivin,

Jenesis 14:15

Fari hotei bongiro jare ka namono Dan, mae Ebram ne fofota nogna mae nheta re ka phei tothoghei. Mare megei nga ne tutu posa nasnura na ka hatimare mae thara ne uluni magra igne ka bongi tuana. Mare ngolhi leghudi ne tei posa ka namono Hoba ke raru Damaskas.

Profet Isaia 17:1

Lord neke cheke eghu eigna Damaskas, “Neuba Damaskas ne kaisei namono biꞌo, nu ginauna na kaisei bukrei chara kolho.

Profet Jeremaea 49:23

Igne nogna cheke Lord eigna Damaskas. Mana ne cheke eghu, “Phei namono Hamat ghe Apadi ginauna nomho thoutonu diꞌa, eghuteuna mare ginauna nanga nodi fara nei mhaghu nodi fara eghu. Mare ginauna diꞌa thinidi fara jateula mae te au lamna vaka kate malu ra eghu.

Matiu 10:17

Ghotilo mala filo fakeli. Naugna keha naiknore ginauna hata ghami ghotilo kau fate. Mare ginauna puri ghami ghotilo ke lamnadi nodi suga tharai are.

Jone 14:6

Mae Jisas ne cheke eghu ka mana, “Iara nabrou na, iara tutuani na, nei iara karha na. Jare na theo kaisei nabrou heva nga te mala tei te thoke ka Mama na, mei ka iara.

Mae Khuru 9:21

Naikno te gnafa te nomhini mana re ne kafe jaglo nodi, ne cheke eghu, “Tore! Igne si mae teke fariuriu falehedi naikno te fatutuani ni mae Jisas ia! Mana neke eni puhi tuana Jerusalem, eghuteuna gognaro mana kela mei enila glepo tuana agne eghu. Mana mei agne mala lokidi nogna fanomho mae Jisas re mala hata tei ka mae pris ulu re.”

Mae Khuru 26:10

Tuana ngala unha teke eni iara Jerusalem na. Hatimare mae pris ulu neke tusu ranghi ghau iara nolaghi te mala koko laodi nogna naikno God re kau sosolo. Eghuteuna kate falehedi mare naiknore, iara neke kaisei gaoghatho baludi mare te mala eni igne.

Fapea Korin 11:32

Kate au iara ka namono Damaskas na, mae te gavana ke parigna King Aretas mana magnahaghei te loki ghau iara. Aonu mana ne lilisei mae soldia faligohoni namono biꞌo na.

Galesia 1:17

Iara neke theome tei Jerusalem mala filodi mae iheire teke kulu mae khuru ke ulugu iara re. Nu iara doglo neke tei Arebia, eghuteuna ke leghugna igne iara neke pulo Damaskas.