Mae Khuru 9:18 - Buka Blahi Ka Cheke Holo

¹⁸ Glepo jateula khapu sasa teuna ghosei ne khoko soru ka phei tathagna mae Sol re. Mana tangomana teke fifilo fapulo na! Aonu mae Sol ne kegra haghe ne apublahi ka mare.

Mae Khuru 9:18 ပူးပေါင်းရင်းမြစ်များ

Fapea Korin 3:14

Nu gaoghathodire neke thono romno fara tifa na. Neuba gognaro gne, kate iu'ijuni naiknore u nogna vetula mae Moses na, gaoghathodire romnou ngala. Tutuani, Kraes na ngala te hata fadelei gaoghatho te faromnodi mare igne kate kaisei mare balugna mana na.

Mae Khuru 22:16

Eghume ofo unha sagho ia? Kegra haghe, kiloni nanghagna Lord nei apublahi eghu mala tihi kokodi God nakhibomure. Kate eni igne, fatutuani ni mana nate fakarhi nigho na.’

Mae Khuru 2:38

Mae Pita ne cheke eghu ka mare, “Tughu nagnafa, nei kafe apublahi ka nanghagna mae Jisas Kraes, aonu God ginauna hata fadelei u nakhibomire nei tusu ranghi ghami u Tharunga te Blahi na.

Fapea Korin 4:6

Naugna God neke chekeni naphae na mala siasigla kate romno na, eghuteuna God tuanala te fasigla mei u naphae gna na ka nagnafami ghehatire. Mana eni igne mala lase fakelini ghehati nogna nolaghi biꞌo God te sigla mei ka thinigna Kraes.

Mae Khuru 2:41

Iheire naikno te fatutuanidi nogna cheke mae Pita re ne apublahi, naba thilo thogha naikno te ruma haghe ka tothoghei mae khiloau kau narane tuana.

Mae Khuru 9:8

Mae Sol kegra haghe ka glose na ne tothora tathagna na, nu mana theome tangomana te fifilo na neu. Aonu mae teke tei balugna mae Sol re ne faloku khameni mana ne thoke Damaskas.

Mae Khuru 9:17

Aonu mae Ananias ne tei ka sugagna mae Judas na ne taofini mae Sol. Mana ne cheke eghu, “Ghema kheraguo Sol, Lord Jisas neke kuru mei ghau iara. Mana ngala teke thakle ka iagho ia, kate ke tei iagho ka nabrou ia. Mana neke kuru mei ghau iara mala tangomana iagho teke fifilo fapulo na nei mala au balumu iagho u Tharunga te Blahi na.”

Mae Khuru 9:19

Ke leghugna teke ghamu na, thinigna mana na neke heta fapulo. Mae Sol ne au jare Damaskas keha narane baludi nogna mae fanomho Jisas re.

Mae Khuru 22:13

Mana mei ne kegra rhegu iara ne cheke eghu, ‘Ghema kheraguo Sol, ke fifilo fapulo silagho!’ Ka vido tuanala iara ne tangomana teke filoni mana na.