Mae Khuru 9:17 - Buka Blahi Ka Cheke Holo

¹⁷ Aonu mae Ananias ne tei ka sugagna mae Judas na ne taofini mae Sol. Mana ne cheke eghu, “Ghema kheraguo Sol, Lord Jisas neke kuru mei ghau iara. Mana ngala teke thakle ka iagho ia, kate ke tei iagho ka nabrou ia. Mana neke kuru mei ghau iara mala tangomana iagho teke fifilo fapulo na nei mala au balumu iagho u Tharunga te Blahi na.”

Mae Khuru 9:17 ပူးပေါင်းရင်းမြစ်များ

Mae Khuru 8:17

Aonu mae Pita ghe mae Jone ne taofidi mare mala hatini mare u Tharunga te Blahi na.

Mae Khuru 6:6

Aonu, mare ne fakegradi fitu mae igre ke uludi mae khurure, mare ne taraidi nei taofidi.

Mae Khuru 2:4

Aonu mae Tharunga te Blahi ne mei au ka mare ne gnafa, eghuteuna mare ne funu cheke ka keha chekedi delei, leghuni unha nafnata cheke teke tusu ranghidi mae Tharunga te Blahi na.

Ululahu Timoti 5:22

Ghaoghatho fakeli ame taofini nga mae ihei te mala loku ka khiloau na eghu. Kate filoni iagho mae biꞌo ka khiloau te tapla jafra ka nakhibo na, thosei ke tapla jafrala ngau iagho eghu. Nu reireghi nigho themu mala klino.

Mae Khuru 13:52

Nu naikno khiloaudi Antiok re ne keli tadi fara naugna Tharunga te Blahi na ne au ke lamnadi mare.

Hibru 6:2

nei eidi puhi apublahi nei eigna taofi nei eigna kegra fapulo ka karha, nei eigna u fate ka narane leghu lahu.

Filimon 1:16

Eghuteuna gognaro na mana theome kaisei mae sneka kolho. Theo. Gognaro na mana kaisei mae ke tulao gna mae snekai, nu mana thofno mae thabusida ka khiloau. Iara magnahagheni fara mana nu jau iagho ginauna magnahagheni fara mana ke tulao gu iarai, naugna mana nou mae sneka keli iagho nei mae kheramu kelila ka khiloau gne.

Fapea Timoti 1:6

Naugna igne iara magnahaghei fapuhi nigho mala fabrabrana ni iagho u nolaghi teke tusu ari God tamu ka narane teke taofi nigho iara ia.

Ululahu Timoti 4:14

Uve ghema Timoti, u khokofakasai te au ka iagho ana mala loku, theome mala fiti au kolho. God neke tusu ari ka iagho, kani teke cheke eimu iagho hatimare mae profet nei kani teke taofi nigho hatimare mae biꞌo ka khiloau ra.

Ululahu Korin 15:47

Mae Adam ulu lahu na God neke vuavuhani mana ka glose gna nauthoglu igne, nu fapea Adam gne neke mei funu kligna.

Ululahu Korin 15:8

Leghu lahu na, iara jaola neke filoni mana. Naugna iara neke filoni mana ke leghudi mare, iara jateula sua te karha mei leghu lahu ia eghu.

Letas Teke Riso Tei Mae Pol Ka Khiloau Rom 15:7

Fari tothoghoi fari themi jateula Kraes teke togho ghami ghotilo ia eghu. Kate filoni ka ghotilo puhi igne, naiknore ginauna kilo fnaknoni God.

Mae Khuru 26:15

“Aonu iara ne ghusna eghu, ‘Iagho mae ihei sia, Lord?’ “Eghuteuna Lord ne cheke eghu ka iara, ‘Iara mae Jisas. Iara ngala mae ihei teke parani iagho ia.

Mae Khuru 21:20

Kate nomhini mare nogna cheke mae Pol igne, mare ne kilo fnaknoni God. Aonu mare ne cheke eghu ka mae Pol, “Ghema thabusigna, iagho laseni kmana thogha mae Jiu la fatutuani ni mae Jisas, eghuteuna mare jaola kafe leghuni fara nogna vetula mae Moses.

Mae Khuru 19:6

Aonu mae Pol ne taofidi mala hatini mare u Tharunga te Blahi na. Mare ne funu cheke ka keha chekei nei toutonuni la chekegna God na.

Mae Khuru 13:3

Aonu ke leghugna te dangna nei tarai teuna, mare ne taofidi phiamare ne kuru fajifladi.

Mae Khuru 10:36

Ghotilo lasenihi God neke cheke thakleni ka naiknodi Israel re u Nonomho te Keli na mala au tahati kau pharikeli balugna God. Naugna nogna gloku mae Jisas Kraes, mae ihei te funei frunidi naikno te gnafare.

Mae Khuru 4:31

Ke leghugna te tarai mare na, u suga te khapru te tarai teu mare na megei nga ne nghali. Eghuteuna mae Tharunga te Blahi na ne soru mei ka mare. Ke leghugna igne, mare ne theome mhaghu te toutonuni u chekegna God na.

Luku 15:32

Nu ghehati neke eni gaghamu igne, mala gleale'a fodu balugna mana, naugna mae tahimu igne neke lehehi, nu gognarona kela karha fapulo. Mana neke snivihi nu gognarona kela kakhana.’ ”

Luku 15:30

Nu mae thumu iagho igne neke falulhuvu fateo nou sileni iagho re ka naikno vine. Kate ke pulo mei mana ka suga na iagho ke falelehe buluka te blokha malagna mana.’

Luku 2:11

Ka bongi gognaro gne kaisei mae te mala fakarha ghami ghotilo ka nakhibo na la karhahi ka namonogna mae King Devet. Mana mae Kraes noda mae funei tahati.

Luku 1:76

Mae Sekaraea ne cheke eghu ka mae Jone, “Iagho mae thugu iara, mare ginauna na kilo nigho kaisei mae profet nogna God te au kligna. Iagho ginauna mala kulu tei ke ulugna Lord, mala tarabana nabrougna mana.

Nonomho Te Keli Teke Risoi Mae Mak 6:5

Mae Jisas ne theome tangomana te edi kmana kofubobhoi jare. Nu kofubobhoi te edi mana re ngala te habo lao ka keha naikno kolho teke fogra re teke keli fapulore.

Matiu 19:13

Ke leghugna igne, keha naiknore hata ne mei goro suare ka mae Jisas, mala habo mana ke klignadi mala taraidi nei fablahidi eghu. Kate filoni igne, mae fanomhore ne cheke faheta ka naiknore mala thosei hata mei goro suare ka mana.

Jenesis 45:4

Aonu mae Josep ne cheke eghu ka mare, “Mei si ghotilo rhegu iara agne.” Kate lao mare te namo ka mana na, mana ne cheke eghu ka mare, “Iara mae Josep ngala. Iara thofno mae thabusimi ghotilo. Ghotilo tifa na neke snakre ghau iara ka mae bisnis ra neke foli ghau iara neke hata mei ghau iara agne Ijep mala kaisei nodi mae gloku mare.

Nonomho Te Keli Teke Risoi Mae Mak 5:23

Mae Jaerus ne toreni fara mae Jisas, “Mae biꞌo, thugu gaꞌase iara na la namo lehehi. Ghosei mei mala habo khamemure mala ke keli fapulo nei karha eghu naꞌa.”

Luku 1:41

Kate nomhini Elisabet chekegna Meri na, sua te au ka thi'agna na ne kaplo. Eghuteuna ka vido tuana mae Tharunga te Blahi na ne soru mei ka Elisabet.

Luku 1:67

Mae Tharunga te Blahi na ne soru mei ka mae Sekaraea, kmagna mae Jone na. Eghuteuna mae Sekaraea ne toutonu u chekegna God ka naiknore eidi u glepo nate thoke mei ginau re. Mana ne cheke eghu,

Mae Khuru 9:18

Glepo jateula khapu sasa teuna ghosei ne khoko soru ka phei tathagna mae Sol re. Mana tangomana teke fifilo fapulo na! Aonu mae Sol ne kegra haghe ne apublahi ka mare.

Ululahu Korin 9:1

Ghotilo lase ghauhi iara, eigna iara kaisei mae te snagla te eni unha te magnahagheni thegu na. Eghuteuna ghotilo jaola lase ghau iara kaisei mae khuru. Ghotilo lase ghau iara neke filoni mae Jisas noda Lord. Eghuteuna ghotilo lasenihi eigna ghotilo te gnafa na funu fatutuani ni Lord ka nogu gloku iara na.

Fapea Pita 3:15

Noda Lord theome tangomana snakreni narane tuana mala ghosei mei naugna mana magnahaghei te fakarhi ghita kate hogri nagnafa tahati na. God neke batuni kherada mae Pol mala riso ari ka ghotilo nafnata gaoghatho igre.