Mae Khuru 9:13 - Buka Blahi Ka Cheke Holo

¹³ Nu mae Ananias ne cheke eghu, “Lord, iara nomhini kmana thoutonu eigna mae igne, mana edi kmana glepo te diꞌa ranghidi nou naikno iagho re Jerusalem.

Mae Khuru 9:13 ပူးပေါင်းရင်းမြစ်များ

Profet Esikiel 3:14

Aonu nogna nolaghi God igne pala ghau iara ne tei ka maloa, eghuteuna Lord ne habo ghau iara ka nogna nolaghi biꞌo na. Nu iara theome keli gaoghathogu ne diꞌatagu fara.

Mae Khuru 9:1

Mae Sol ne thono magnahaghei fara te mala lalamadi nei falehedi teu naikno te fatutuani ni mae Jisas. Aonu mana ne tei ka mae pris biꞌo na

Letas Teke Riso Tei Mae Pol Ka Khiloau Rom 16:15

Ghotilo kubaeni mae Filoga balugna Julia nei mae Neria balu greghagna nei mae Oliba nei nogna naikno God te gnafa te au baludi.

Letas Teke Riso Tei Mae Pol Ka Khiloau Rom 16:2

Iara tore ghami ghotilo te mala toghoni naꞌa ka puhigna khiloau. Eghuteuna jame te kmo'e naꞌa ka unha glepo na, ghotilo mala toghoni naꞌa, naugna naꞌa la toghodihi kmana naikno nei jaola togho ghau iara.

Letas Teke Riso Tei Mae Pol Ka Khiloau Rom 15:31

Ghotilo mala taraidi iheire te theome fatutuani ka namono Judia mala theome nenei ghau iara mare. Eghuteuna ghotilo taraidi nogna naikno God te au ka namono Jerusalem, mala tangomana mare te gleale'a ka sileni te hata te tei iara te mala toghodi mare na.

Letas Teke Riso Tei Mae Pol Ka Khiloau Rom 1:7

Letas te riso ari iara igne malami ghotilo hui naikno te au ka namono Rom, eigna God namha ghami ghotilo nei kilo ghamihi ghotilo mala nogna naikno blahi mana. Iara toreni nogna khokofakasai nei pharikeli God Kmada nei nogna mae Jisas Kraes noda Lord te mala au balumi.

Mae Khuru 22:4

Iara neke paradi fara naikno te leghuni puhi te mala fatutuani ni mae Jisas igne. Iara neke lokidi nalhaꞌu ba gaꞌase neke koko laodi ka suga sosolo.

Mae Khuru 9:32

Mae Pita ne tei sala'u ka namono te gnafa te au ka nohi tuare ne ghilei tei posa ka naikno khiloau te au ka namono Lida.

Matiu 10:16

“Kulu fanomho fakeli ghotilo ia! Naugna iara ginauna na kuru fajifla ghami ghotilo ka naikno te diꞌa tuare. Kate tei ka mare na ghotilo ginauna jateula sipu ke lamnadi khuma te fakaukathu ra eghu. Nu ghotilo mala jateula mogo te lalase fara, nei jateu balhu te theome magra te au kmu ra eghu.

Ululahu Samuel 16:2

Nu mae Samuel ne cheke eghu, “Jame te nomhini mae Sol eigna igne na, mana ginauna diꞌatagna falehe ghau iara.” Aonu Lord ne cheke eghu, “Theo. Iagho ginauna hata tei balumu kaisei sua buluka gaꞌasegna. Kate posa iagho ka namono na, iagho ginauna cheke eghu ka naiknore, ‘Iara gne mei mala fafara ka Lord.’

Mae Khuru 9:21

Naikno te gnafa te nomhini mana re ne kafe jaglo nodi, ne cheke eghu, “Tore! Igne si mae teke fariuriu falehedi naikno te fatutuani ni mae Jisas ia! Mana neke eni puhi tuana Jerusalem, eghuteuna gognaro mana kela mei enila glepo tuana agne eghu. Mana mei agne mala lokidi nogna fanomho mae Jisas re mala hata tei ka mae pris ulu re.”

Mae Khuru 9:41

Mae Pita ne loku ka khamegna na ne toghoni mala kegra haghe naꞌa. Ke leghugna igne mae Pita ne kilodi naikno khiloaure baludi goro gaꞌase tela lehehi khetodire ka chogho na ne falalase ranghidi Tabita te kela karha fapulo na.

Ululahu Korin 1:2

te riso ari letas igne ka ghotilo naikno khiloau te au ka namono biꞌo Korin. God kilo ghami ghotilo mala nogna naikno blahi mana baludi naikno heva heva te tore ka nanghagna noda Lord Jisas Kraes. Jisas noda Lord tahati gnafa!

Ululahu Korin 6:5

Tore, ghotilo theome mamaja nomi sia?! Naugna te laseni iara na, jare ke lamnami ghotilo na au keha mae glalase tangomana te fadoglidi magra te edi farihoteimi ghotilo naikno khiloau are.

Ululahu Korin 14:33

Naugna God theome magnahaghei ghita te fiti reꞌe teu ka glepodi khiloaure, nu magnahaghei ghita te loku fakeli nei au ka pharikeli. Igne tutuani fara ka nogna naikno God ka khiloau te gnafa gre.

Ululahu Korin 16:1

Gognaro na iara magnahaghei chekeni ka ghotilo eigna sileni te mala toghodi naikno khiloau te au Jerusalem. Ghotilo mala edi unha teke chekedihi iara ranghidi khiloau ka Provins Galesia.

Efesus 1:1

God neke vahi ghau iara mae Pol mala nogna khuru mae Jisas Kraes. Iara riso ari ka ghotilo naikno khiloau te au ka namono Efesus iheire te leghuni fabrahu mae Jisas Kraes. Naugna ghotilo nognahi mana.

Filipae 1:1

Uve, iara mae Pol ghepa mae Timoti phei nogna mae gloku mae Jisas Kraes. Ghepa riso ari letas igne ka ghotilo naikno khiloau te au ka namono Filipae. Eghuteuna ghepa riso ranghidi langau hatimare mae biꞌo nei hatimare mae te totogho ka khiloau Filipae.

Filipae 4:22

Nogna naikno God te kafe au agne teu igre, tulao naikno te loku ka sugagna mae Funei Sisa igre, magnahaghei kubae ghami ghotilo.

Kolose 1:2

riso ari ka ghotilo nogna naikno God te au ka namono Kolose, ghotilo kherami ghepa te thofno leghuni mae Kraes tela nognahi mana. Ghehati toreni God Kmada mala tusu ranghi ghami khokofakasai nei pharikeli.

Hibru 13:24

Ghotilo kubae ka mae biꞌo te gnafa ka khiloau gne baludi nogna naikno are. Naikno khiloau teke mei funudi ka namono Itali igre jaola kubae ghami la ghotilo.

Letas Teke Rioriso Mae Jud 1:3

Ranghi ghami kheraguro, ulu lahu na iara magnahaghei te rioriso ari ka ghotilo kaisei letas eigna God te fakarhi ghita tahati te gnafa. Nu gognaro na iara thono tahu mei ka gaoghathogu na te mala rioriso letas igne, mala nheta ghotilo. Iara magnahaghei ghami ghotilo te magra heta mala loku famaku thofno cheke tela fatutuani nihi tahati igne. U thofno cheke igne God neke tusu mei kaisei fata ngala ka nogna naiknore, eghuteuna na keli fabrahu tifa tifa.