Mae Khuru 9:10 - Buka Blahi Ka Cheke Holo

¹⁰ Ka narane tuana, kaisei mae khiloau na au jare Damaskas, nanghagna na mae Ananias. God ne cheke eghu ka mae Ananias ka mifi na, “Ananias!” Mae Ananias ne cheke eghu, “Iara au teu ao, Lord.”

Mae Khuru 9:10 ပူးပေါင်းရင်းမြစ်များ

Mae Khuru 22:12

“Jare kaisei mae nanghagna na Ananias. Mana leghuni fara nogna vetula mae Moses, nei mae Jiu te gnafa te au Damaskas igre mare ghatho tahuni fara mana.

Mae Khuru 10:3

Kaisei narane naba tanhi thiloi fei grafi, mae Konilias ne thofno filo tathagna kaisei engel nogna God ka mifi na. Engel na ne mei ka suga na ne cheke eghu ka mana, “Ghema Konilias!”

Jenesis 22:1

Ke leghugna igne God neke fariuriuni mae Ebraham. Kaisei narane God kiloni mae Ebraham ne cheke eghu ka mana, “Ebraham.” Mae Ebraham ne cheke eghu, “Iara au teu ao Lord.”

Profet Isaia 6:8

Aonu Lord God ne cheke eghu, “Ihei nate kuruni iara na? Eghuteuna ihei nate tei toutonuni chekegu iara na?” Iara ne cheke eghu, “Iara au teu ao! Kuru tei ghau iara!”

Ululahu Samuel 3:4

Lord ne kiloni mae Samuel. Aonu mae Samuel ne cheke eghu, “Uve! Iara au teu ao!”

Eksodas 3:4

Lord filoni te mei namo mae Moses, eghuteuna Lord ne kiloni mae Moses fari hoteigna khaꞌaghi igne, ne cheke eghu, “Moses! Moses!” Eghuteuna Moses ne cheke eghu, “Iara au teu ao.”

Jenesis 31:11

Ka mifi igne, nogna engel God na ne cheke eghu ka iara, ‘Jekop!’ Iara ne cheke eghu, ‘Hoe.’

Mae Khuru 2:17

“ ‘God ne cheke eghu: Kate namo huigna nauthoglu gne, iara ginauna lisa soru Tharungagu na ke klignadi naikno te gnafare. Eghuteuna thumi nalhaꞌu nei gaꞌase teu ghotilo are ginauna na toutonuni chekegu iara na. Eghuteuna mae majaghani nei mae biꞌomi teu ghotilo re, iara ginauna na tusu ranghidi nolaghi te mala mifi na.

Profet Daniel 2:19

Ka bongi igne, God ne fakakhana ka mae Daniel glepo igre ka mifi. Aonu mae Daniel ne cheke fakelini God,

Fapea Samuel 15:26

Nu jame te theome kelitagna mana ka iara na, iara na lisa lao ghau thegu mala eni mana unha te ghathoni ka iara na.”

Naba 12:6

Aonu Lord ne cheke eghu ka repa, “Ghopa fanomho fakeli ka nogu cheke iara gre! “Ne au nga kaisei mae profet balumi ghotilo nu, iara ginauna mei ka nogna mifi mana re, eghuteuna iara ginauna facheke balugna ka nogna mifi mana tuare.

Jenesis 14:15

Fari hotei bongiro jare ka namono Dan, mae Ebram ne fofota nogna mae nheta re ka phei tothoghei. Mare megei nga ne tutu posa nasnura na ka hatimare mae thara ne uluni magra igne ka bongi tuana. Mare ngolhi leghudi ne tei posa ka namono Hoba ke raru Damaskas.

Mae Khuru 9:9

Thilo narane mae Sol ne theome tangomana te fifilo na, nei mana theome ghamu ba koꞌu.

Mae Khuru 11:5

“Iara au nekeu Jopa. Eghuteuna kaisei fata kate tarai teu iara na, iara neke filoni kaisei mifi. Iara filoni kaisei glepo jateula pohe biꞌo eghu neke soru mei ka maloa na. Fifilogna na jateula te loku naikno ka fati khukrure te farurhu te soru pari ra eghu ne ghilei mei namo ka iara.

Mae Khuru 12:9

Aonu mae Pita ne leghuni engel na ne jifla ka chogho na. Nu gaoghathogna mae Pita na ne filoni kaisei mifi eghu ne theome ghathoni ne glepo tutuani teuna.

Mae Khuru 16:9

Ka bongi tuana mae Pol ne mifi. Ka mifi tuana mae Pol ne filoni kaisei mae gna ka Provins Masidonia mei ne kegra ke ulugna mana ne toreni fara eghu, “Liu mei sagho Masidonia mala togho ghami ghehati!”

Mae Khuru 16:10

Ke leghugna te mifi mae Pol igne, ghehati ghosei ne tarabana mala tei Masidonia. Ghehati eni igne, naugna ghehati thofno laseni God neke kilo ghami ghehati mala toutonuni u Nonomho te Keli gne ka naikno te au ka Provins Masidonia.

Mae Khuru 18:9

Kaisei bongi, mae Pol ne mifi. Eghuteuna Lord ne cheke eghu ka mana, “Ghema Pol, thosei mhaghu! Heta, cheke sagho ka naikno are! Thosei au kmu!

Fapea Korin 11:32

Kate au iara ka namono Damaskas na, mae te gavana ke parigna King Aretas mana magnahaghei te loki ghau iara. Aonu mana ne lilisei mae soldia faligohoni namono biꞌo na.

Galesia 1:17

Iara neke theome tei Jerusalem mala filodi mae iheire teke kulu mae khuru ke ulugu iara re. Nu iara doglo neke tei Arebia, eghuteuna ke leghugna igne iara neke pulo Damaskas.

Mae Khuru 9:12

Ka nogna mifi na, mae Sol ne filo nigho ne mei ne taofini mana mala ke fifilo fapulo.”