Mae Khuru 8:7 - Buka Blahi Ka Cheke Holo

⁷ Kmana naiknodi Samaria ne au naitu tadi. Nu mae Filip ne brue fajifladi tadi. Eghuteuna naiture ne eha fabiꞌo ne jifla mei ka naiknore. Mae Filip jaola ne fakelidi naikno te lehe ghahedi nei blughu teu ka namono tuana.

Mae Khuru 8:7 ပူးပေါင်းရင်းမြစ်များ

Matiu 10:1

Kaisei narane mae Jisas ne kilo fodudi nabotho phei nogna mae fanomhore. Mana ne tusu ranghidi nolaghi te mala brue naitu nei nolaghi mala fakarhidi naikno te au kmana nafnata khabru nei fogra biꞌo.

Mae Khuru 5:16

Kmana kmana naikno mei funudi ka namono te kmana te au falithui Jerusalem. Mare hata ne mei naikno te fogra nei naikno te au tadi naitu. Naikno igre mei neke kafe keli fapulo.

Hibru 2:4

God jaola neke falalase chekegna te thofno tutuani na ka kmana nafnata fagaglana nei kofubobhoi eghu teke edi mana re. Jaola, mana ne falalase neke tusu ranghidi nogna nolaghi mae Tharunga te Blahi na ka kmana nafnata puhi mala toghoni nodi gloku na, leghuni nogna gaoghatho thegna na.

Jone 14:12

Tutuani fara te chekeni iara ka ghotilo na. Mae ihei te fatutuani ghau iara na, mana ginauna edila glepo te edi iara re. Mana ginauna na edi glepo ke kmanadi te edi iara igrei, naugna iara na tei kokoni nauthoglu igne mala tei au balugna mae Mama.

Luku 10:17

Ka narane ke pulo meidi fitusalei phei mae igre ka mae Jisas na, mare ne gleale'a fara. Eghuteuna mare ne cheke eghu ka mae Jisas, “Lord, naiture ba, mare ne leghu ghami ghehati fara kate bruedi ghehati ka nanghamu iagho na.”

Nonomho Te Keli Teke Risoi Mae Mak 9:26

Naitu na eha fabiꞌo neke koko soruni mae sitei na pari ne jifla mei ka mana. Mae sitei na ne jateula tela lehehira neu ne theome kaplo. Eghuteuna kmana naikno ne cheke eghu, “Mana la lehehi!”

Matiu 11:5

Iara gognarona fakelidi naikno te dofu, naikno te blughu, naikno te thubu biꞌo, naikno teke megli, fakarha fapulodi naikno teke lehehi, nei toutonuni Nonomho te Keli na ka naikno te kumare.

Matiu 4:24

Thoutonu eigna mae Jisas na ne tei tongana heva heva ka Provins Siria, eghuteuna mare hata ne mei ka mana naikno te gnafa te fogra re. Naikno igre au tadi soasopai khabru. Keha au naitu, keha snosnogho, nei keha lehe ghahedi nei khamedi teure. Tutuani, mae Jisas ne kafe fakarhadi.

Profet Isaia 35:6

Naikno te lehe ghahedi ra, ginauna nake ghasa jateula deer eghu. Eghuteuna iheire te iho cheke ra, ginauna na glealeꞌa nake eha fabiꞌo. Glokha nei khoꞌu biꞌo teura ginauna loloro ke lamna namono nagou.