Mae Khuru 8:5 - Buka Blahi Ka Cheke Holo

^5-6 Mae Filip ne soru ka namono biꞌo Samaria ne toutonu eigna mae Kraes. Kate nomhini nei filodi teu kofubobhoi teke edi mae Filip re, naiknodi Samaria re ne famane fanomho ka glepo teke chekedi mana re.

Mae Khuru 8:5 ပူးပေါင်းရင်းမြစ်များ

Mae Khuru 6:5

Naikno te gnafare ne keli tadini u cheke igne. Aonu mare ne vahidi fitu mae igre: mae Stivin, kaisei mae te biꞌo nogna fatutuani na, eghuteuna mae Tharunga te Blahi na au balugna mana. Mae Filip nei mae Prokoras nei mae Nikano nei mae Timon nei mae Pamenas nei mae Nikolas. Mae Nikolas gne kaisei mae gna ka namono Antiok. Tifa na mana neke theome mae Jiu, nu gognaro na mana kela leghuni puhidi mae Jiure.

Mae Khuru 21:8

Ghehati jifla jare neke tei ka namono biꞌo Sisaria. Jare ghehati ne tei ka sugagna mae Filip ne au balugna mana. Mae Filip gne kaisei mae ka hatimare fitu mae thotogho teke vavahi mare tifa Jerusalem. Mae Filip gne nogna gloku na mala toutonuni u Nonomho te Keli na.

Mae Khuru 8:40

Nu mae Filip neke thakle ka kaisei namono te kiloi Asotas. Mana ne tei tongana ka namono te gnafa ka nohi tuana nei toutonuni u Nonomho te Keli na, ne ghilei tei posa ka namono biꞌo Sisaria.

Ululahu Korin 3:11

Tutuani, God liliseini mae Jisas Kraes mala jateula kaisei thina biꞌo eghu mala makugna suga na, eghuteuna theo kaisei mae te tangomana te hata fadeleini mana teke tughu ka keha thina delei jare na.

Ululahu Korin 1:23

Nu tahati toutonu eigna Kraes kolho, mae ihei teke lehe ke kligna gaju fafatha. Hatimare mae Jiu theome magnahaghei nomhini u thoutonu igne, eghuteuna ka hatimare mae te theome Jiure u thoutonu igne theo nafugna kolho.

Mae Khuru 5:42

Leuleghu narane na mae khurure ne theome gnafa te farirhiudi naiknore ka Sugablahi na ba ka sugadi thedi re. Eghuteuna mare ne toutonuni fabrahu u Nonomho te Keli eigna mae Jisas Kraes.

Ululahu Korin 2:2

Naugna kate ari ka ghotilo ia, iara neke magnahaghei toutonu eigna mae Jisas Kraes nei glehegna ke kligna gaju fafatha eghu kolho. Tutuani, iara theome magnahaghei toutonu keha glepo delei ka ghotilo.

Mae Khuru 9:20

Mana doglo ne tei lamnagna nodi suga tharai mae Jiure ne toutonu eigna mae Jisas na thofno Thugna God.

Mae Khuru 8:1

Nu ka gaoghathogna mae Sol na, glepo keli kolho mare te faleheni mae Stivin na.

Mae Khuru 1:8

Nu ka narane nate soru mei mae Tharunga te Blahi na ke klignami ghotilo na, ghotilo ginauna na fodu kau nolaghi te mala toutonu eigu iara. Ghotilo ginauna mala toutonu eigu iara agne Jerusalem, nei Judia tongana, nei Samaria tongana, ghilei tei thoke ka namono te gnafa ka nauthoglu igne.”

Mae Khuru 8:26

Kaisei fata, nogna engel Lord na ne cheke eghu ka mae Filip, “Tarabana gho mala tei ke mata ka nabrou te mei funu Jerusalem te mala soru namono Gasa.” Nabrou igne tei sala'u ka namono nagou.

Mae Khuru 8:30

Aonu mae Filip chari ne tei rhegna chariot na, eghuteuna mana ne nomhini mae biꞌo na te iu'iju teu ka nogna buka mae profet Isaia na. Mae Filip ne ghusna eghu ka mana, “Ba, laseni ngau sagho unha te iu'ijuni iagho tuana ia?”