Mae Khuru 8:39 - Buka Blahi Ka Cheke Holo

³⁹ Kate daka mata phiamare ka khoꞌu na, mae Tharunga te Blahi na megei nga ne hata fadeleini mae Filip. Mae biꞌo na ne theome filoni mae Filip, aonu mana doglo neke pulo ka namono Itiopia balu gleꞌa.

Mae Khuru 8:39 ပူးပေါင်းရင်းမြစ်များ

Ululahu Kings 18:12

Iara theome laseni aheva Tharunga gna Lord nate hata nigho te tei kate jifla koko nigho iara na. Jame te tei cheke iara ka King Ehab, eghuteuna theome filo nigho mana teuna, mana ginauna falehe ghau iara. Neuba, iara ghatho tahuni nei pogho soruni eghu koba Lord funu suagu.

Fapea Kings 2:16

Eghuteuna mare ne cheke eghu ka mae Elisa, “Ghehati glimafulu mae nheta. Eghuteuna ghehati magnahaghei te tei hironi nou mae funei iagho na. Glahula mei Tharunga gna Lord na hata tei liseini mana ka kaisei thogele ba ka kaisei glogu.” Nu mae Elisa ne cheke eghu ka mare, “Theo, ghotilo thosei tei.”

Profet Esikiel 11:24

Aonu nogna nolaghi God ne pala haghe ghau iara, hata ghau iara neke pulo ka vido aheva teke hata mare maedi Israel teke huhurudi teke tei au Babilonia. Ka narane tuana, mifi igne tei ne dofini.

Profet Esikiel 8:3

Mae igne jateula mae te ngafa mei khamegna na eghu filogna na, eghuteuna mana ne loku ka khakla ka phaꞌugu iara na. Aonu nogna nolaghi God na ne pala haghe ghau iara kligna farihoteidi maloa ghe nauthoglu, eghuteuna mana hata ghau iara ne tei Jerusalem. Mana hata ghau iara ne tei ruma ka grengathagna bara te au ke rarugna Sugablahi igne, mala tei ruma ka vido glalaba ikoi rhegna Sugablahi na. Ka glalaba ikoi igne, jare au kaisei mumuju god, tuana te thono diꞌatagna fara God na, naugna naiknore tarai ka mumuju igne.

Profet Esikiel 43:5

Aonu nogna nolaghi God igne ne pala ghau iara ne tei ke lamnagna glalaba ikoi te au rhegna Sugablahi na, eghuteuna iara ne filoni Sugablahi igne fodu ka siasiglagna nogna nolaghi biꞌo Lord.

Profet Esikiel 11:1

Ka mifi igne, nogna nolaghi God na ne pala haghe ghau iara, eghuteuna mana hata ghau iara ne tei ka grengatha te au ke maghati nogna Sugablahi Lord. Ka grengatha igne, varadaki glima mae te au jare na. Ke lamnagna tothoghei tuana, iara ne filodi phia nodi mae mala baubatudi Israel nanghadi phia mae igre, mae Jasanaea, thugna mae Asua, ghe mae Pelataea, thugna mae Benaea.

Nonomho Te Keli Teke Risoi Mae Mak 1:10

Ke leghugna te apublahi na, mae Jisas te thagra haghe kau khoꞌu na, mana ne filoni maloa na ne thora, eghuteuna mae Tharunga te Blahi na ne soru mei ke kligna gna mana jateula kaisei balhu neu.

Filipae 3:3

Neubane eghu ngau, tahati nogna naikno God gre thofno laseni gaoghathogna tohi fagaglana. Naugna nogna Tharunga te Blahi God na te togho ghita tahati te mala pogho soru ranghini mana na. Tutuani, tahati gleale'a te kaisei balugna mae Jisas Kraes. Jaola theo kaisei noda fatutuani ka unha te eni ka thinida na.

Jemes 4:16

Nu ghotilo fahaehaghe fara eidi unha edi ghotilo glepo igre. Te eni tahati nafnata cheke tuana eigna noda gloku nathuꞌu na thono jafra fara.

Filipae 4:4

Gleale'a koba balugna noda Lord. Uve, iara nake fapea chekei ngala ka ghotilo, gleale'a!

Letas Teke Riso Tei Mae Pol Ka Khiloau Rom 5:2

Ka noda fatutuani ka mae Jisas, God tangomana te eni kaisei nabrou te mala laseni tahati nogna u khokofakasai na. Tutuani fara, tahati tangomana te au ke lamnagna thofno nakarha na naugna mana ne namha ghita. Eghume tahati au noda grouronu ka God te mala au balugna kligna.

Mae Khuru 13:52

Nu naikno khiloaudi Antiok re ne keli tadi fara naugna Tharunga te Blahi na ne au ke lamnadi mare.

Mae Khuru 8:8

Aonu naiknogna namono tuana ne thono keli tadi fara ka mae Filip.

Matiu 13:44

Mae Jisas jaola ne cheke eghu, “Kate funei frunidi God nogna naiknore jateula kaisei glepo te keli fara teke pophoru kaisei mae ke lamna glose ia eghu. Kaisei narane kaisei mae ne filo deni glepo tuana. Aonu mana gleale'a fara! Mana ghosei ne tatafru fapulo glepo te keli tuana ne tei fofoli fahui nogna gobigna lepore, mala foli vido glose tuana.

Matiu 3:16

Ke leghugna te apublahi na, mae Jisas ne daka mata kau khoꞌu na. Ka vido tuanala, maloa na ne thora ranghini mana, eghuteuna mana ne filoni Tharungagna God na ne soru mei jateula kaisei balhu neu ne thoti ke kligna gna mana.

Profet Isaia 61:10

Naiknodi Jerusalem igre ginauna cheke eghu, “Ka gaoghathomi fateote'o, ghehati thofno gleale'a fara, naugna Lord na nomi God ghehati. Puhi te fakarhi ghami, eghuteuna togho ghami mala leghudi puhigna te doglo teu igre ghehati thofno gleale'a fara jateula gaꞌase ghe nalhaꞌu te pipichi pohe te keli mala tolaghi teura eghu.

Nodi Khoje Hatimare Mae Jiu 119:111

Iara ginauna leghudi fabrahu nou cheke iagho re. Eghuteuna nou cheke iagho re ginauna faglealeꞌani nagnafagu iara na.

Nodi Khoje Hatimare Mae Jiu 119:14

Kate leghudi iara nou farirhiu iagho re, nogu glealeꞌa iara thono biꞌo fara salaꞌuni, jateula kaisei mae te dedei fara te au nogna glepo te kmana ra eghu.

Mae Khuru 16:34

Ke leghugna igne mae greireghi suga sosolo na hatadi mae Pol ghe mae Silas ne tei ka sugagna na ne faꞌimadi. Mana nei tharakna na ne gleale'a fara naugna mare gognaro na la fatutuani God.

Profet Esikiel 37:1

Lord ne habo ghau iara ka nogna nolaghi na, eghuteuna Tharunga te Blahi na neke mei ka iara mala batuni gaoghathogu iara na. Eghume, iara ne soru ka kaisei glogu te au kmana nhubradi naikno teke lehera, eghuteuna nhubra igre au tafri pari ka vido tuana.

Mae Khuru 8:29

U Tharunga te Blahi na ne cheke eghu ka mae Filip, “Tei sagho ka chariot ana mala kegra rhegnai.”

Mae Khuru 8:38

Mae biꞌo na ne chekeni mae draeva na mala snoto u chariot na. Mae Filip ghe mae biꞌo na ne kafe soru lamna khoꞌu, eghuteuna mae Filip ne faꞌapublahini mana.