Mae Khuru 8:31 - Buka Blahi Ka Cheke Holo

³¹ Mae biꞌo na ne cheke eghu, “Thono theo fara. Faꞌunha me laseni iara eghu te theo kaisei mae te mala farirhiu ghau na?” Mana ne toreni mae Filip mala apla haghe ka chariot na mala gnokro rhegnai.

Mae Khuru 8:31 ပူးပေါင်းရင်းမြစ်များ

Letas Teke Riso Tei Mae Pol Ka Khiloau Rom 10:14

Nu faꞌunha eghu tangomana mare te tore ka Lord na mala toghodi, jame te theome kulu fatutuani mare na? Theome tangomana. Ba, faꞌunha eghu fatutuani mare ka Lord, jame te theome kulu nomhini mare kaisei thoutonu eigna mana na? Ba, faꞌunha eghu nomhini mare u thoutonu na, jame te theo kaisei naikno te toutonuni ka mare u Nonomho te Keli na?

Ululahu Korin 8:2

Ihei te cheke eghu na, “Iara lasedi fara gobigna lepore” teuna, naikno tuana theome thofno laseniu kolho puhi glalase na.

Jemes 1:21

Eghume, koko nafnata nakhibo nei puhi te diꞌa eghu te edi ghotilo are. Thosei fahaehaghe, nu nhaꞌa fapari ghami themi nei leghuni eghu nogna farirhiu God teke farirhiu ghotilo ia. Naugna farirhiu igne ngala tangomana te fakarhi ghami ghotilo na.

Jemes 1:10

Nu mae ihei te dedei fara ka nauthoglu igne, mana na gleale'a langau, naugna God ginauna na nhaꞌa faparini mana. Eigna mae ihei te dedei na theome au raugha, nu ginauna na jateula chechenge gaju te au katha vido kmoꞌei kolho nu khoko me lehe teura eghu kolho.

Ululahu Korin 3:18

Thosei chaghi ghami themi. Jame kaisei mae ke lamnami ghotilo te magnahaghei lalase fara ka nafnata glalase gna nauthoglu igne na, nabagna na mana mala jateula te meomekro eghu ka puhigna nauthoglu igne mala tangomana mana teke lalase fara na.

Nonomho Te Keli Teke Risoi Mae Mak 10:15

Tutuani fara, te chekeni iara ka ghotilo na. Mae ihei te theome magnahaghei jateula sua igne teu te mei ka God na, mana ginauna na theome nabagna te au farihoteidi naikno God te funei frunidire.”

Profet Isaia 35:8

Kaisei nabrou biꞌo ginauna au ka namono igne, eghuteuna mare ginauna kiloni nabrou igne, nogna Nabrou Blahi Lord. Naikno te diꞌa nei naikno te fameomekro teu ra, ginauna theome leghuni nabrou igne, nu iheire te leghuni kolho puhi te keli na nate tangomana te leghuni nogna Nabrou Blahi Lord.

Nodi Khoje Hatimare Mae Jiu 73:22

Tifa na, iara neke thono fagoigoli fara jateula glepo te tautagu te theome lalasera neku neke theome ghatho nigho.

Fapea Kings 5:26

Nu mae Elisa ne cheke eghu ka mana, “Ghema, thosei chaghi. Ne theome filo nigho iara neu sagho ia? Tharungagu iara na au neku balumu iagho jare neke filoni mana teke krofu sukha ka nogna chariot na teke mei teke thafo nigho iagho ia. Theome doglo te hata pohe, ba sileni, ba nagare oliv, ba nagare grep, ba sipu, ba buluka, ba mae gloku, ba gaꞌase gloku teu iagho na.

Fapea Kings 5:9

Aonu king kuruni mae Naman ne tei filoni mae profet. Mana ne tei balu hose nei chariot ne tei snoto ke ulugna nogna suga mae Elisa na.

Mae Khuru 8:30

Aonu mae Filip chari ne tei rhegna chariot na, eghuteuna mana ne nomhini mae biꞌo na te iu'iju teu ka nogna buka mae profet Isaia na. Mae Filip ne ghusna eghu ka mana, “Ba, laseni ngau sagho unha te iu'ijuni iagho tuana ia?”

Mae Khuru 8:32

Igne u phugra cheke blahi teke iu'ijuni mae biꞌo na, “Mana jateula kaisei sipu te hata te tei mare te mala falelehe ia eghu. Mana au kmu jateula kaisei sipu te theome tanhi kate kuchi mare khaklagna na. Mana theome chekeni kaisei cheke.