Mae Khuru 8:28 - Buka Blahi Ka Cheke Holo

²⁸ eghuteuna gognaro na kela funu pulo ka namono na. Mana gnokro neu ka nogna chariot na ne iu'iju neu ka nogna buka mae profet Isaia na.

Mae Khuru 8:28 ပူးပေါင်းရင်းမြစ်များ

Kolose 3:16

Snakreni chekegna mae Kraes na mala bruara fabrahu ke lamnami ghotilo u glalase te mala farirhiu nei farerheta eghu fari themi. Eghuteuna te keli na, ghotilo kilo fnaknoni God ka nagnafamire kate koje tharai ka Sam, himu, nei keha khoje te tusu ranghi ghami mae Tharunga te Blahi na.

Mae Khuru 28:25

Eghuteuna mare ne theo kaisei nodi gaoghatho ne magnahaghei jifla nodi. Nu mae Pol ka nogna cheke leghu lahu ranghidi mare na neke cheke eghu, “Mae Tharunga te Blahi na neke cheke ka tutuani ranghidi mae ku'emi ghotilo ra ka mae Profet Isaia. Ka narane tuana mana neke cheke eghu,

Luku 4:17

Aonu mare ne tusu lao ka mana nogna buka mae profet Isaia na. Mana feferha buka na ne filo deni u vido cheke igne,

Luku 3:4

Igne ne horoghoto ka unha teke rioriso eghu mae profet Isaia tifa ia, “Kaisei mae ne poapola fabiꞌo ke lamnagna u namono nagou na, na cheke eghu, ‘Tarabana nabrou gna Lord, eꞌei fakeli u nabrou mala tei gna mana!

Profet Isaia 1:1

Cheke igre, Lord neke cheke mei ka Profet Isaia, thugna mae Emos, mala cheke mana ranghidi naiknodi Jerusalem ghe Juda. Profet neke chekedi cheke igre ka naranegna King Iusaea, King Jotam, King Ehas nei King Hesekaea. Mae igre neke king ka kantri Juda.

Nodi Khoje Hatimare Mae Jiu 119:111

Iara ginauna leghudi fabrahu nou cheke iagho re. Eghuteuna nou cheke iagho re ginauna faglealeꞌani nagnafagu iara na.

Nodi Khoje Hatimare Mae Jiu 119:99

Tutuani, iara ghathodi fabrahu nou cheke iagho re, eghume iara atha gaoghatho te keli fara uludi nodi gaoghatho mae nogu velepuhi re.

Josua 1:8

Leuleghu fata na iagho iuꞌiju koba buka vetula igne, eghuteuna iagho farirhiudi naiknore eidi cheke te au ka buka na igre. Eghuteuna bongi narane na iagho ghaoghatho fakeli leghudi cheke igre mala tangomana iagho te edi unha te chekedi ka vetula na igre. Jame te eghu iagho na, nou gloku iaghore ginauna na thofno keli fara.

Mae Khuru 8:27

Aonu mae Filip tarabana ne tei. Ka nabrou na mae Filip ne filoni kaisei mae biꞌogna Itiopia. Mana kaisei mae biꞌo te mala reireghi sileni ka Kadesi, nakrupe biꞌo te funei frunini namono Itiopia. Mana neke tei tarai Jerusalem,

Mae Khuru 8:29

U Tharunga te Blahi na ne cheke eghu ka mae Filip, “Tei sagho ka chariot ana mala kegra rhegnai.”