Mae Khuru 8:26 - Buka Blahi Ka Cheke Holo

²⁶ Kaisei fata, nogna engel Lord na ne cheke eghu ka mae Filip, “Tarabana gho mala tei ke mata ka nabrou te mei funu Jerusalem te mala soru namono Gasa.” Nabrou igne tei sala'u ka namono nagou.

Mae Khuru 8:26 ပူးပေါင်းရင်းမြစ်များ

Mae Khuru 5:19

Nu ka bongi tuana na kaisei engel nogna Lord na ne tora grengathagna suga sosolo na. Engel na ne batu fajifladi mae khurure ke kosi ne cheke eghu,

Hibru 1:14

Mae unha si engel grea? Mare khogla tharunga kolho, mala loku ranghini God. Eghuteuna God kurudi mare mala toghodi iheire te athini u thofno karha na.

Mae Khuru 27:23

Naugna bongi na kaisei nogna engel nogu God mae ihei te loku ranghini iara gne ne mei kegra rhegu iara

Fapea Kings 1:3

Nu nogna engel Lord na mei ne cheke ka mae profet Elija, maegna Tisbe mala tei thafodi nogna mae gloku king gna Samaria, eigna mana kurudi mare mala tei Ekron. Eghuteuna engel ne cheke ranghini mae Elija mala cheke eghu mana ka mare, “Tore, naugna unha si ghotilo te magnahaghei tei toreni Baal-Sebub nodi god naiknodi Ekron grea? Ba, ne theo kaisei God te au agne Israel na?

Mae Khuru 12:23

Eghuteuna mae Herod ne snakredi naiknore mala cheke fakelini thegna kolho nei theome cheke ranghidi mala kilo fnaknoni God. Aonu kaisei engel nogna God ne fafograni mae Herod. Eghuteuna momogo ikodi ne ghamu ka thinigna mana na ne ghilei lehe.

Mae Khuru 10:22

Thilomare ne cheke eghu ka mana, “Uve, mae Konilias mae biꞌodi mae armi re ne kuru mei ghami ghetilo. Mana kaisei mae keli fara nei tarai koba ka God. Eghuteuna mae Jiure ghatho tahuni fara mana. U engel nogna God na neke cheke ka mana mala tore nigho mala tei ka sugagna mana na mala nu tangomana mana te nomhidi unha te chekedi iagho are eghu.”

Mae Khuru 10:7

Kate jifla tela teihi u engel na, mae Konilias ne kilodi phei nogna mae glokure baludi kaisei mae soldia. Mae soldia igne kaisei mae keli fara nei ghatho tahuni God nei mana loku ranghini mae Konilias.

Profet Sekaraea 9:5

Kate filoni naiknodi Askelon namono Taea te groꞌe na, mare ne mhaghu nodi fara. Eghuteuna naiknodi Gasa igre jaola ne diꞌa nagnafadi fara. Naiknodi Ekron igre jaola diꞌa nagnafadi, eghuteuna gaoghathodi re ne thofno glaꞌe soru fara. Gasa ginauna theo nodi funei, eghuteuna Askelon ginauna krogha na theo kaisei naikno nate au tagna na.

Josua 15:47

Eghuteuna keha namono re Asdod baludi namono te gnafa nei namono ikodi te gnafa teu te lithui, eghuteuna namono Gasa baludi namono te gnafa nei namono ikodi te gnafa teu te gnafa igre, tei posani khoꞌu ikoi te fofotagna nodi glose naiknodi Ijep ke mata na, eghuteuna tei me posani Thongna Mediterenian ke mosu na.

Ululahu Kronikols 22:16

ka gol nei silva, nei ka bras nei ka aean. Eghume iagho funu loku gognarogne, eghuteuna snakreni Lord mala au balumu.”

Jenesis 10:19

Namonodi naikno te au Kenan gre e funu Saedon tei posa Gerara nei Gasa. Eghuteuna tei posa Sodom, Gomora, Adma nei Seboim ghilei tei posa Lasa.

Mae Khuru 8:5

Mae Filip ne soru ka namono biꞌo Samaria ne toutonu eigna mae Kraes. Kate nomhini nei filodi teu kofubobhoi teke edi mae Filip re, naiknodi Samaria re ne famane fanomho ka glepo teke chekedi mana re.

Mae Khuru 8:29

U Tharunga te Blahi na ne cheke eghu ka mae Filip, “Tei sagho ka chariot ana mala kegra rhegnai.”