Mae Khuru 8:23 - Buka Blahi Ka Cheke Holo

²³ Iara filo glanini nagnafamu iagho na la fodu fara kau goghotu gognaro na, eghuteuna puhi te diꞌa na la funei fruni nigho iagho.”

Mae Khuru 8:23 ပူးပေါင်းရင်းမြစ်များ

Profet Isaia 58:6

“Iara theome magnahagheni nafnata puhi igne. Iara magnahaghei ghami ghotilo te thosei edi nafnata puhi te diꞌa nei goigonidi keha naiknore teu igre. Ghotilo thosei lisa lao gloku biꞌo mala paradi mare, nu ghotilo snakredi mare mala snagla.

Proveb 5:22

Nakhibogna naikno te diꞌa na tangomana te haru famakuni mana na, jateula phighoro te haru famakudi nanghaji ra eghu.

Hibru 12:15

Fiofilo fakeli ghotilo ia mala theome kaisei naikno figri tagruni nogna namha te biꞌo God na. Na eghunu jateula kaisei gaju te fahoihoti ia eghu kaisei naikno ke lamnami ghotilo. Nafnata naikno tuana tangomana te goigonidi kmana naikno.

Jone 8:34

Mae Jisas ne cheke eghu ka mare, “Tutuani fara, te chekeni iara ka ghotilo na, iheire te loku jafra ka nakhibo na, naikno tuare sneka ka nakhibo.

Fapea Pita 2:19

Mare neke nhaꞌa cheke ka naiknore eigna nasnagla na. Nu mare thedi na theome snagla kolho eghu. Mare jateula te sneka eghu ka puhi nate roꞌedi teu mare. Naugna naikno na sneka ka puhi diꞌa te batuni mana na.

Fapea Pita 2:4

Kate tapla jafra engel re tifa na, God neke kuru teidi Gehena mala au papara mare jare. Mare mala au fabrahu jare ka vido te romno tuana ghilei thokeni narane fate na.

Taetus 3:3

Naugna tifa na tahati neke theome ghaoghatho fakeli, jateula naikno te theome fatutuani ni Kraes ra neku. Tutuani, tahati neke huhughu koba. Nu keha naiknore chaichaghi ghita koba mala loku jafra tahati. Tahati tifa na neke loku ranghini kolho unha te magnahaghei fara u thinida theda na. Tahati neke edi fabrahu ngala unha glepo te diꞌa nei goghotu teure. Naiknore neke theome magnahaghei ghita fara nu tahati jaola ngau neke theome magnahaghedi fara keha naiknore.

Lamentations 3:19

Leuleghu fata na iara ghathodi puhi biꞌo te thoke mei ka iara igre, eigna iara thono diꞌanagnafagu fara. Iara jateula te theo sugagu te mala gnafa ra eghu, eghuteuna iara jateula te koꞌu khori ra eghu.

Lamentations 3:5

Mana para ghau iara, eghuteuna lisa mei ke klignagu nafnata nakarha te ninhigrana fara, jateula naoka te kegra faligohoni namono na tarabana mala goigonini namono tuana.

Profet Jeremaea 9:15

Naugna igne, iara nodi God maedi Israel te au nolaghi fateote'o na ginauna huhurudi mala ghamu mare mogo te faghughumhu na, nei koꞌu phinu raha na eghu.

Profet Jeremaea 4:18

Naꞌau papara igre thoke ghami ghotilo, naugna ghotilo ne edi puhi te diꞌare.” Igne chekegna Lord.

Profet Isaia 28:22

Gognarona ghotilo thosei cheke faparini nogu cheke iara igne, te theo ghotilo na naꞌau papara malami ghotilo teku igne. Eghuteuna ginauna na thono diꞌa fara ka unha Lord mae ihei te au nolaghi fateote'o igne tela chekehi te mala goigonidi vido te gnafa ka noda namono tahati igne.

Nodi Khoje Hatimare Mae Jiu 116:16

Lord God, iara gne kaisei nou mae gloku iagho jateula idogu tifa ia eghu. Iagho neke fakarhi ghau iara kau glehe.

Thoutonu Eigna Mae Job 20:14

Neuba, ke leghu na, nafnata gano igne nake raha, eghuteuna jateula kaisei poesen eghu lamna ka thiꞌagna mana na.

Efesus 4:31

Lilisei puhi te gnafa te poru ka nagnafamire te mala fari fadiadiꞌai; thosei cheke diꞌa ba diꞌatami; thosei fnaja fabiꞌo; thosei vuavuha cheke; thosei majora.