Mae Khuru 8:20 - Buka Blahi Ka Cheke Holo

²⁰ Nu mae Pita ne cheke eghu ka mana, “Ghema, nou sileni iagho gre mala boto balumu Gehena, naugna iagho theome tangomana te foli ka sileni na u nogna nolaghi God na!

Mae Khuru 8:20 ပူးပေါင်းရင်းမြစ်များ

Matiu 10:8

Fakarhidi iheire te fogra, fakarha fapulodi iheire te lehe, ke faklinodi iheire te thubu biꞌo fara ka khabru te kiloi leprosi, nei bruedi naiture. Iara tusu ari ka ghotilo nolaghi te mala edi glepo igre, nu ghotilo neke theome foli ka iara. Eghume ghotilo gognarona tei mala ke jaola ranghidi keha naiknore, nu thosei toredi mare mala foli ghami eghu.

Profet Daniel 5:17

Aonu mae Daniel ne cheke eghu ka mana, “King, iagho thosei famei ka iara glepo igre. Iagho tathajiu glepo tuare malamu themu, ba iagho tusu lao ka keha mae are. Neuba, iara ginauna na iu'iju ranghi nigho grioriso te au ka gringni na are. Eghuteuna iara ginauna na jaola rurutha ranghi nigho gaoghathogna grioriso tuana.

Mae Khuru 2:38

Mae Pita ne cheke eghu ka mare, “Tughu nagnafa, nei kafe apublahi ka nanghagna mae Jisas Kraes, aonu God ginauna hata fadelei u nakhibomire nei tusu ranghi ghami u Tharunga te Blahi na.

Thakle 18:15

Mae te dedei fara kate foifoli mare glualuja igre ka namono tuana na, mare ginauna mhaghu nodini fara u papara te thokeni namono tuana. Mare ginauna kegrau delei balu tanhi nei diꞌanagnafa eghu na cheke eghu, “Icho idomi, ghotilo te au ka namono biꞌo, puhi biꞌo na mei ka ghotilo! Tifa na ghotilo neke pipichi famane pohe te vegha nei te pipito nei te ukru. Ghotilo neke fahaehaghe ghami fara ka glepo te keli ka gol nei ka famane thina nei ka famane buli.

Mae Khuru 8:22

Eghume, kulu tughu nagnafa ghu sagho! Koko puhi diꞌa te edi iagho are. Eghuteuna tarai ka Lord. Mana jame tangomana te hata fadelei gaoghatho te diꞌa tuana ka iagho.

Ululahu Timoti 6:9

Bligi fara ranghidi iheire te magnahaghei kolho dedei na te snoꞌo ka fariuriu na. Mare tangomana te tapla jafra ka nafnata glepo te fanoinoli ba glepo te diꞌa. Glepo igre tangomana te korho fadeleidi mare ghilei diꞌa fara nakarhadire, eghuteuna God ginauna na paradi fara.

Mae Khuru 11:17

Tutuani, iara neke filoni God na neke tusu lao Tharunga te Blahi na ka naikno te theome Jiure, jateula mana teke tusu mei ka tahati naikno te kulu fatutuani ni noda Lord Jisas Kraes. Eghume iara theome tangomana te lhotini nogna gloku God na.”

Mae Khuru 10:45

Naikno Jiu te fatutuani ni mae Jisas teke mei balugna mae Pita re ne jaglo nodi fara, eigna God ne tusu lao u Tharunga te Blahi na ka naikno te theome Jiure.

Matiu 15:19

Naugna igre glepo te jifla mei ka nagnafagna mana re, gaoghatho te diꞌa, falehe naikno, tolaghi pedo, mhala, blau, chaichaghi, vuavuha cheke nei buiburini ihei.

Profet Sekaraea 5:4

Igne unha te chekeni Lord mae ihei te au nolaghi fateote'o. Mana ne cheke eghu, ‘Iara ginauna fatei cheke ka sugadi mae mala blau, nei ka sugadi mae ihei re te chaichaghi kate nhaꞌa cheke. Eghuteuna puhi biꞌo igne ginauna goigoni thaba te gnafa nei thina ka suga igre, ghilei thono diꞌa fara.’ ”

Profet Isaia 55:1

Lord ne cheke eghu, “Ghotilo mei ka iara! ghotilo iheire te magnahaghei koꞌu ra, mei koꞌu ka iara. Khoꞌu na au ngala. Ghotilo iheire te theo nomi sileni ra, ghotilo mei ka iara. Ghotilo mei atha gano ka iara mala ima. Ghotilo mei mala koꞌu milk nei waen, uve, neubane theo sileni mei kolho.

Diutronomi 15:9

Ghotilo thosei au gaoghatho te diꞌa nei tiromi te tusu lao kaoni ka ihei nga eghu naugna fafitu finogha te mala ghiha koko kaoni na la namohi. Ghotilo thosei snakreni gaoghatho ghamu nhoto tuana mala tiromi toghoni kherami te au ka puhi biꞌo na. Naugna jame te theome toghoni ghotilo mana na, mana ginauna tanhi lao ka Lord, eghuteuna Lord ginauna ghathoni te ghotilo nabami te au papara eigna igne.

Mae Khuru 1:18

Mae Judas gne neke foli kaisei vido glose ka sileni teke hata mana ka glepo te diꞌa teke eni mana na. Eghuteuna ka vido glose tuana mae Judas uka neke brisna thi'agna na neke thofa ka glose tuana neke lehe.

Proveb 15:26

Lord na theome magnahagheni gaoghatho te diꞌa na. Nu cheke te keli na, gae ka tathagna mana na.

Diutronomi 7:26

Ghotilo thosei hata mei kaisei glepo te diꞌa igre ka sugami re. Jame te eni ghotilo igne na, Lord ginauna goigoni ghami ghotilo jateula mana te goigonidi glepo igre eghu.”

Mae Khuru 8:19

“Phia mae, tusu mei la ka iara u nolaghi tuana mala kate habo lao iara khamegu na ke kligna gna ihei na, mana na hatini u Tharunga te Blahi na.”